ماخرجات ماتحركات النهار كامل وهي على نفس الوضعية حتا الالم مابقاتش كتحس بيه حتا عقلها رجع فارغ من الافكار، دخلات عندها نادية بالبلاطو ديال الماكلة والدوا، شافتها باقا كيف حطها يونس غمضات عينيها وعينيها غرغرو، وهي تمشا لعندها وكلسات حداها وحطات البلاطو ومدات يديها لشعرها ..
نادية : بنتي حبيبتي، على وجه ميمتك ماديريش هاكا، والله ابنتي نتي هي لي عندي ابنتي نتي لي عندي، ماتحرقيش قلب ماماك عليك، شوفي ابنتي كيف وليتي بغيت شهد لي ولدتها فيناهي الضحكة ديالها فيناهي البسمة ديالها مم، ( حنات عندها وباست ليها يديها ) عافاك ابنتي عافاك، غير تكلمي ولا قولي شي هضرة، عافاك .. ممم !!
لا حياة لمن تنادي، كحزات عندها وطلعاتها شوية حتا تكاتها على الناموسية وحطات البلاطو فوق حجرها، وبدات تمدليها الماكلة وتوكلها وهي كتشهق بالبكا وشهد غير كتشوف وتاهية دموعها طايحين ولكن حتا ملامح ماكاينين فوجها، سالات ومداتليها الدوا شرباتو ورجعات نعساتها وغطاتها، مشات دات البلاطو لكوزينة وجات تكات حداها .. تاشوية ناضت من بلاصتها مشات كتجري دخلات لطواليط ونزلات على لاشاص كاتقيا تاتبعاتها مها ونزلات موراها جمعات ليها شعرها، تاسالات وناضت غسلات ليها وجها وهي تكب لاشاس وكلسات عليه بقات نادية كتشوف فيها تاشوية شافت فيها شاهد دموعها طايحين وعرات على يديها قدام نادية شافتها الاخيرة بقات غير مصدومة كتشوف الشراطي ديال دفرين ديالها حمرين فيديها ..
نادية : ( شداتليها يديها بزربة كتشووف فيها ) اش هادشيي شهاد الموصيبة ..
شهد : ( نطقات بصوت مخنوق وعينيها مدمعين ) بغيتو اماما، اهئ وولدو بغاه ومالقاهش، بغيتو اماما وبغيت نشم ريحتو ونكون معاه، ولكننن ( شهقات ) ولكن خلاني اماما خلاني ومادارش ليا قيمة لا انا لا ولدو اماما، اماما قوليلي راه غير كنحلم وغانلقاه قدامي اماما عافااك امااماا، بغيييتوو اماااامااا بغيييت نشوووفووووو قدااااااااميييي ( بدات تغوت ) بغيييييتووووو ..
جراتها نادية وبدات طبطب على راسها : غايفوت غايفوت ابنتي كولشي غايفوت غير الوحم هادا غايفووت انشاااء الله ماايخرج والو فولددك ( كترعد ) مااوقع والو ابنتي مااايوقعع وااالو غايفووت غايفووت ..
شهد : ماااغايفووتش اماما عمروو غايفوووت اماما عمرو غايفووت ماحدي كنتنفس فهاد الدنيااا عمرووو يفوووت اماما عمرووو يفوووت ...
خلاتنا تابردات وخرجات غواتها مزيان عاد خرجاتها لبرا وغطاتها ونعستها، وبقات طبطب عليها .. وهي كطلع النفس غير بزز ..
صبح صباح جديد بعد مافطراتها ورجعات لحالتها كانو كالسين كاملين غير مهمومين تاصونا فالباب حلات نادية وهي تشوف سيف تنهدات ..
نادية : زيد اولدي زيد ..
دخل سيف وهو كيدوز عينيه لاتكون تما لقا غير باها وكريم ويونس كالسين تما ..
تسالمو وكلس بيناتهوم ..
سيف : ( سول نادية ) فيناهي ؟ ..
نادية : ( تنهدات ) ناعسة ..
ادريس : صحتها تدخورات بزاف كتر وكتر ..
يونس : الموشكيلة كيغادير تسني بلا ماتعرف بلي واش هادوك وراق طلاق ولا مواقفة ..
سيف : انا مانقدرش نطلقها انا عطيتها وعد النهار اللول منطلقهاش داكشي باش غادي نتزوج داك البنت بلى منطلق شهد ..
كريم : انا بغيت غير نعرف علاش مخبيين على ختي علاش علاااش صارحوها بكوولشي واش ماكاتبقاااش فيكوم ولا كيفاااش ..
يونس : كريم فين غايصارحها مم شغايقوليها ونتا عارف ختي مزيان غاتفضل تدخل الحبس وماتفارقش عليه وماتخليهش يتزوج وحدا خرا وصافي بلى مانكذبو على ريوسنا ..
نادية : بنتي ماشي لعبة بيناتكوم حرام والله نتوما راكوم كاعما شفتو حالتها انا مارااضيااش على هادشي ..
ادريس : نادية ( شاف فيها ) المهيم ماغاطلقش كنتمنا هادشي يفوت بالزربة ..
سيف : ( لي فيه كافيه حط دوك الوراق وناض واقف ) هالوراق ( دار عند نادية ) الواليدة بغيتك نتي تكلفي، انا راه عمرني نحلي مرتي ولا ولدي ولكن هانتي كتشوفي بحالي حطو الموس على عنقي ( دار شاف فكريم ) وشهد ماشي وحدة لي غاترضا بهادشي بسهولة .. خليت ليكوم الخير ..
مشا خارج يالاه فتح باب برا وهي فتحات باب بيتها قبل مايخرج هو يسمع صوتها ..
شهد : ماما ..
وقف لوهلة كيتصنط على صوتها تاشوية .. شافت فيهوم كاملين وبقات كدور عينيها بيناتهوم وهي تسد عينيها ونطقات بصوت شبه مسموع ..
شهد : سيف .. ريحتو
باقي جزء والو نعستو نعستو فيناهوما تعليقاتكم لمن كنكتب انا
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
