🌺 كَــــحْـٰلة آلــعْــيــون 👀🌺( مكتملة )

جزء:120

خرجات ومشات وقفات حدا الاسانسور شادا على قلبها وعينيها مدمعين، كتحسو غادي اخرج من بلاصتو، بركات ودخلات فيه، تاخرجات من العمارة بحال شي انسانة ضايعة وماعرفاش شنو واقع، مابقاتش كتفهم هادشي لي كدوز منو، واش حياتها كذبة، واش حياتها رخيصة لهاد الدرجة لي يديرو فيها لي بغاو، راه قلبها عيا يا بشر رحموها، ماكرهاتش تغوت وتقووليهوم انا راه انسااانة راااه عندي قلب واش مكتحسوش بيا راه عييت، مشات غادا فطريقها ولي كيطلاقاها فالطريق كيبقا مصدوم تاواحد الشوية وكات على واحد الحيط حاطا راسها عليه وشادا على كرشها تاوقفات عليها واحد المراة هي وبنتها : ختي واش مزيانة ياك لاباس ..
شافت فيهوم وماقدراتش تجاوب ومشات مكملة خطواتها، تاوقفات واحد الطاكسي وعطاتو العنوان، هو غادي وهي متكية راسها على الزاجة، تاوقفات حدا الشركة هبطات كتشوف فيها، وهبطات عينيها لكرشها وحطات يديها عليها ..
شهد : ( نزلات دمعة من عينيها ) هاحنا جينا عند باباك .. شفتي هو مانساناش ... هو دار هادشي كامل على ودنا ... واخا تعذبنا تاهو تعذب ...
مسحات دموعها ومشات دخلات لشركة ...

التتمة

دخل سيف للإجتماع مع واحد من الشركة لي غايديرو بيناتهوم واحد العقد باش ابنيو فرت جديد، تبادلو فالملفات باش اسنيو وبداو اصفقو وناضو تسالمو ..
الشركاء : اليوم غاتكون حفلة فالعشية على هاد المنوال كنتمنا نتشرفو بمعرفة الزوجة ديالك وسي تاجدين ايضا ..
سيف : انشاء الله ..
مشاو خارجين ..

دخلات كتشوف شي غادي شي جاي، مشات وقفات على واحد البنت فالاستقبال وهي تسولها ..
شهد : السلام بغيت نسولك سيف الدين كاين ؟
جمعات الموضفة حجبانها وسولاتها : شكون لي كتسول عليه ..
بلعات ريقها وهضرات : بيني وبينو شي شغل ..
الموضفة : ختي بينك وبينو شغل انا شنو بيغيتي نديرليك ..
شهد : ( غمضات عينيها وجمعات يديها لعندها هي اصلا فحالة ماعرفاش راسها شنو كدير وماوعياش براسها ) سمعي أنا خسني نشوفو ودابا ( شوية وهي تفكر ) وماعندكش الحق تمنعيني ..
الموضفة : كيفااش بصفتك شكون ؟
شهد : بصفتي ( قبل ماتكملها قاطعات وحدة جايا فرحانة غاتهضر مع ديك الموضفة ) ..
البنت : واخيييييرا غانفوجو رااسنااا صافي تعاقدو فالعشية غاتكون حفلة فالڤيلا ديال ***** ..
الموظفة : ( حركات للاخرى راسها ) شنو قلتي اختي ؟
شهد : ( دارتليها طن ) احم لا م ماقلت والو هههه غير كنت كنضحك معاك انا اصلا كيعجبني وبغيت غير نشوفو ( دارت ليها ابتسامة صفرة وغمزاتها ووكات على داك الرخام ) اختي كيقوولوو زوييين .. بصح ؟

الموظفة & البنت : ( بقاو غير كيبلقو عينيهوم ) ختي واش صاڤا ..
شهد : ( ضحكات من قلبها ديال بصح ) ولااهيييلااا بييخيير طووب ديال طووب نمووت فيكوم نبغييييكووم ( سيفطات ليهوم بوسة فالهوا غادا وهي كدور وديرليهوم 👍👍👍 ) ..

الموظفة : واش لاحضتي شي فيروس داير هاد الايام فالهوا وقيلة وصل للمغرب ..
البنت : غير هو وصل عندنا بالمقلوب 😂
الموظفة : اجي قوليلي شنو غاتلبسي ..
البنت : انوريك ..

باقي اجزاء احح شي اجزاااء وعطييونييي تعليقاااتكم