ناض فالصباح لبس حوايجو وأول مادار عيط لداك صاحبو المحامي وقالو باش إسقط الدعوة وهو يخرج مشا نيشان لبيت نيسرين حل الباب لقاها حدا الكوافوز كتصايب وجها دخل وسد موراه الباب كيشوف فيها عاقد حجبانو ..
نبيل : فين غادا بالسلامة ؟
نفخات ودارت شافت فيه : شنو بغيتي انبيل ..
نبيل : لا وكتنفخي من الفوق ..
نيسرين : نبيل الى عندك شي كلام قولو ولا بغيتي دابز انا ماعنديش لكانة والله وزايدون سيف دابا غايسالي حوايجو غانمشي معاه ..
نبيل : اشنو فنا دارك نمشيو غندو بجوج ..
نيسرين : ( صغرات فيه عينيها ) سنو بغيتي تقصد مافهمتكش ؟ شنو واش باغي تنوض معاه شي كارثة وحدا اخرى مازال ماعطاكش ربي داك العقل باش تثبثو وتشوف خوك شنو دايرليك تاتجازيه هاكا ..
جوج خطوات خطاهوم بسرعة وهو يمد يدو شدها من الفك وزيرو تاغوتات ..
نيسرين : شنوووو مااديير واااش حمقتتيي طللقق يدييك ..
نبيل : نتي كتعامني الاداب ااه علمتيه تاراسك بقا فيك خوك، مم ؟؟ مابقاش فيك نتيا مين كنتي كطعنيه فظهرو ( علا يدو الاخرى ميلات عينيها جنب كتشوف تصويرتها هي ويونس فالتيليفون دمعو عينيها بصدمة ) شنو بانليك مم شنو باااانليك هاد التصويرة توصل لسيف واش عارفة بلي غايحرقك، لا ومابالك توصل لجدي والله العضيم تاغدا يخرجوك عروسة من هاد الدار ..
نيسرين : ( كتنطق بزز وهو مزير الى حناكها ودميعات طايحين على عينيها ) شنو بغيتي مم شنو بغيتي شكووووون ورااااك هااد التصوييرة كيفاش قدرتي دير واحد يتبعني ..
نبيل : ( جرها تارجع النفس ديالو كيضرب فوجها ) تعرفيني انا ماشي ديال هاد الفعايل ولكن سولي بنت عمك وهي تقولك مين جابتهًم ..
دفعها من فكها تارجعات اللور جات كالسة على الناموسية شلال، دور عينيه بانلو تيليفونها وهو يهزو طفات وشاف فيها ..
نبيل : هادا غانديه، ومن البوم ماكاين لا خروج لا دروج سمعتي بيتك تهبطي تاكلي وترجعي بينما عطاك جدي شي وظيفة وشوف تشوف واش نقبل والى قررتي تحداي هاد القرار رجليك نقطعهوم ليك وهاد المرة هاد التصاور غادي يوصلو ليه ..
نيسرين : ( ناضت كتبكي كتشوف فيه ) سيف خسني نخرج معاه ..
نبيل : ( ضرب فالكوافوز تازعزعو طاحو منو الروايج وشي ماكياج ) قتليك ممنوووع الخروج ..
نيسرين : شنو درتليك انا تادير فيا هاكا شنو ..
شاف فيها كيفاش كتشوف فيه غمض عينيه وزير على القبضة ديال يدو وعاود رجع شاف فيها : كلمة وحدا قلتها ودقيقة لي غاتفكري تعتبي باب هاد الدار ولا تواصلي مع هاد الحيوان تصوارك غايوصلو لسيف وديك الساعة غانخليك تحملي مسؤوليتك معاه ..
تفتح الباب بجهد بجوج دارو تاكيلقاو سيف عاقد حواجبو كيشوف فيهوم، نيسرين حسات بقلبها هبط لركابيها، ونبيل بقا غير كيشوف فيه ..
سيف : ( شاف فيهوم بجوج عاقد حجبانو ) شنو لي غادي اوصلني ؟
غايكون سمع ولا لا ؟
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
