سيمانة حس شهد تقطع بالنسبة لعائلة تاجدين مرام وغفران مافهمو والو .. أما نعيمة نوضات عليها قربالة .. ونبيل نهار او مطال كيمشي للمستشفى ولكلية الطب لعلة وعسى يشوفها ولكن والو ..بينما شهد كانت كتوجد وراقها باش غاطلع لفرانسا خوها تكلف ليها بكلشي ولحق ليها الانتقال وباها بالمعارف والفلوس غاتجيها ساهلة تكمل لهيه ..
بقات گالسة حداها وكتشوفها كتجمع الحوايج فلي ڤاليز ..
حليمة : مازال مامتيقة بلي غاترجعي تكملي برا ..
شهد : ممم
حليمة : فوقاش الطيارة
شهد : من دابا جوج سوايع
حليمة : بغيت نقوليك شي حاجة ..
شهد : ( شافت فيها ورجعات سدات الباليزا وحطاتها حيت ديجا كانت لابسة وكولشي ورجعات كلسات حداها ) شنو ؟
حليمة : عرفتي النهار لي بتي عمد داك المرا ..
شهد : ( قلبها رجع كيضرب بجهد وبديها توترو ) ما لو ! ..
حليمة : جات لهنا تسنيم ..
شهد : كيفاااش !!!!! وعلااش جااات شنو بغاات منيي
حليمة : تاحنا ماعرفنااش كانت كتقول بلي عندها دروري شي هضرة ليك عينيها كانو حومر وحالتها يرثى لها مي ماقرتش نسمعها كلما كنشوفها كنتفكر شنو دارت فيك ..
شهد : شمن هضرة شنو كااانت بااغا مم ولا صافي عاد حسااا بشنو دارتلي وطلع عليها النهار ..
حليمة : ماعرفتش المهيم ختي ماكانتش باغا تقولهاليك مي انا ناقدرتش نخبي عليك وخصوصا دابا غادا لفرنسا سير فوقاش تجي ..
شهد : ( وقفات ودارت ابتاسمات ابتسامة كتحمل بزاف ديال الحزن ) اولا مانجيش ..
حليمة: علاش
شهد : مابقيتش باغا نعيش هنا صافي كلما كنشوف اي قنت شتي غير من هاد الغرفة كتفكرني فبزاف ديال الحوايج
حليمة : ( شداتليها على يديها ) عندي احساس غادي تخطاي كولشي والله انا متأكدة ..
شهد : إنشاء الله يالاه بسلامة ..
هزات لي ڤاليز ديالها وخرجات سلمات على باباها وماماها بقاو ثاني كيوصيو فيها وبلي غير شي سيمانة وغايجيو عندها وهبطات باش غاتشد طاكسي حيت خوها كان فالخدمة داها تالمطار غير نزلات الطوموبيل لي كانت تابعة الطاكسي تاهية وقفات ..
دخلات شهد فيديها الباسبور والوراق ديال ها كتشوف فيهوم تاكاتسع صوت تسنيم كيعيطليها دارت كتشوف فيها جايا كتجري لعندها بلاما تزيد تسمع تحركات تاهية بسرعة قدمات الباسبور ديالها ووراقها وحطات الڤاليز ودازت من المراقبة وهوما يقفو تسنيم بقات كتغوت مور ظهرها ..
تسنييم : شااااااشهد خسسككك تسمعيييني عاافااااك ..
شهد شدات من عند الديواني الباسبور ووراقها ودارت ..
تسنيم : شااااهد نتيي مااااشييي عاااااگرررة نتتيي غااتقريي تووولدييي ..
وقفات مصمكة بحالي تخشا فيها واحد السهم جمدها حتا الرمشة مابقاتش قادرة عينيها ديرها ..
طلع سيف فالدروج ودخل عند نعيمة لي حزنات وباغا تشوف غير شهد وماعرفاتها فين مشات ..
سيف : الكبيرة
ماجاوباتوش غير كطل من الشرجم وهي كالسة فالكرسي المتحرك ..
سيف : علاش هاد الحالة كاملة ! مم هادشي كامل على وديت داك المرا ..
دورات بيديها الكرسي المتحرك وشافت فيه ..
نعيمة : داك المرا دارت لي ماقدر تاحد فهاد الدار يديرو كولشي هنا كيديرلي كيالما القليل باش يدي من عندي من غيرها هي حسيتها كتر من الولاد لي ولدت سمعتي ..
سيف : ماتستاهلش الكبيرة ..
نعيمة : ( علات حجبانها ) كيفاااش ماتتستااهللش مم كيفااش مااتستااهلش
سيف : ( غوت ) هاااهي فيناااهي مممن تاناا هاكاا كنت فالاول احساابلي باللصح دايرة ولكن تااهية صدقاتت بحاالهوم وتاهي جات غير على حاجتها ..
نعيمة : اش كاااتكووليا نتااا شنو عندك تمااا ..
سيف : المهيم ماتستااهلش هادشي كامل لي دايرة عليهت وكون تاهي دارتليك اعتبار وكانت شريفة عفيفة كيفما قلتي ماتمشيش وتخليك ..
نعيمة : ( دار غادي ) اجيي لهنااا وقوولي شنووو عننندك هضرر هااا يااكما درتيلييهااا شيي حااجة والله ماانسمحليك لا دنيا لا اخرة ..
دار شاف فيها ودار ابتسامة استهزاء
سيف : اشنو قاتليك تانتي تاداتليك عقلك مم ..
نعيمة : شتي دااك البنت من اول نهار شفت فيها مرااتك نتاا حيت نتا عارف معزتك عندي وهي اطيب ماشافت عيني وقتهاليها قتليها نتي تستاهلي لي يبغيك ..
سيف : هه علاه شنو الفرق مم منيتك انا نستاهل هاديك تالهاد الدرجة عماتك فعينيك ..
نعيمة : سكووووو ت ولكن حيت هي باغية الخير لبنادم قاتلي لا انا مانساتهل تاحد ( قاطعها )
سيف : مزيااان حيت عارفة راسها اشنو دايرة ..
نعيمة : لاتاا حيت الحمااار لي كااانت معاه خلاها وطلقها على ود الولااد فسد وردة تعطاتلو وما اجملها ومع ذلك خلاها ..
من كترت الابتسامة الحانبية لي كان دايرها تفتات للحظة وهو كيشوف فجداتو شك فراسو مافرزش الحروف لي قالت ..
سيف : شنو قلتي مافهمتش !!
نعيمة : ( دموعها فعينيها ) داك البنت درااتني لي دازت منو يعلم الله كيدارت بقات واقفة على رجليها تطلقات فسن صغير وتكتبات فجبهتها عاگرة ومع ذلك مزال كدير الخير فبنادم وعمرك تسمع منها العيب ..
سيف : ( مشا بزربة وحنا شدليها فيديها ) واش عارفة راسك شنو كتقولي ( حنا راسو وهي كتعاودلو كلشي ) غلطت الكبييرة غلااطت غلططت ..
نعيمة : ماتقولهااش اولدي مااتقوولهاااش، اش درتي قووول ..حرك راسو بلا ..
يتبع
أنت تقرأ
🌺 كَــــحْـٰلة آلــعْــيــون 👀🌺( مكتملة )
Любовные романыوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
