🌺 كَــــحْـٰلة آلــعْــيــون 👀🌺( مكتملة )

الجزء:20

شهد : ( عاد عاقت بيها كتحاول تنوض ) لا لا خليك هاكاك راه باقي الجرح ..
الجدة : تبارك الله على الزين مشاء الله باينة فيك جديدة يالاه جيتي اليوم ؟ ..
شهد : ( ابتسمات بخجل ) ههه لا غير اليوم يالاه دخلت من الكونجي ديالي ..
الجدة : اه ايوا مرحبا تانا يالاه جديدة هنا،، ( شافت فيها ) فرملية ؟
شهد : لا طبيبة ..
الجدة : مشاااء الله تبارك الله الله احبك النيتي زينة زينة ( غمزاتها ) مزوجة ..
شهد : ( وسعات عينيها فيها وحمااارو خدودها دخلات ليها نيشان بلعات ريقها ) الا ..
الجدة : ( دارت ابتسامة ودارت كتجبد التسبيح ديالها تسبح ) ايواا مزياان مزياان باينة مزال ماشافوك مزيان وصافي ..
شهد : ( جرحاتها حسات بالنخصة ) اه داكشي ..
الجدة : اييه يا بنيتي شتي تعيشي تاتعيشي ( دربات على البياص ) اخيرتها تبقا هادي بلاصتك وحد مايخرجك ..
شهد : ( ضحكات وهي كتكتب فالوراق ) علاش اخالتي قنطتي ..
الجدة : والله ابنيتي الى قنطت وماكرهتش نشم غير الهاوا والله ولفت داري نخرج لجريدة وهنا شي فرمليات مايهضروش معاك كاع بعدا نتي راه جاوبتيني دابا ..
شهد : علاش ؟
الجدة : منعرف ليهوم ( علات كتافها ) ..
شهد مصدومة كتحقق من الملف واش هادي لي قالوليها تجي ولا غير كتخايل حيت هادي بانليها فيها سبعة دالرواح لا والمووصييبةً واش هاادي جدااتو ؟؟؟
الجدة : ( شافت فيها ) ايوا شفتي الصحة كيفاش خانتني مابقيتش قادرة حتا نوقف على رجيلاتي ..
شهد : ماكرهتش اخالتي نوض نديك والله، ولكن غير تبراي على حسابي انا غانخرجك ..
الجدة : اش سماك الله ..
شهد : ( زربات عليها ) ااه ..
الجدة : على شمن سمية دبحو عليك الحاولي ..
شهد : هه شهد شهد اخالتي ..
الجدة : بسمالله سمن والعسل ..
شهد : ( حنات عينيها كتموت بالضحك ) هههه باركة الله فيك اخالتي ..
الجدة : انا نعيمة ..
شهد : ( ابتاسمات وغاتديها على قد عقلها واخا عرفات سميتها قبل ) متشرفيين الالة نعيمة ..
الجدة : عافاك لاجاو دوك لي برا مين تجي بنتي دخل ولكن هاديك لي معاها لا راه ماكادوزش ليا بجغمة ديال الما ..
شهد : راحتك اخالتي هي لي تكون ..
الجدة : اجي ابنتي اجي لمكان عندك شغل العار كلسي حدايا راني قنطت ..
شافت فيها شهد شحال وعجباتها وضحكات وفنفس الوقت بقات فيها جرات الكرسي وحطات كولشي من يديها وكلسات حداها وهي تبدا الجدة كاتعاود وشهد غير مبتاسمة ليها وكتسمع .. عرفات عليها كولشي وعرفاتها بلي عندها بزاف دالحفايد وهاد البنت لي كتجي غالاسقة فواحد من حفايدها، وتا شهد كتسمع واخا ماعارفاها علامن كاتعاود بحيث ماكاتقولش الاسماء .. عاوداتليها على دارهوم وبلي كولشي باقي ساكن فيها من الكبير لصغير وبلي راجلها لي جامعهوم وهو كبير الدار وكولشي كيسمعلو من الكبير للصغير، وبلي كاملين كيجيو لعندها فالعشية يشوفوها ولكن كيعاودو يمشيو حيت كولهوم خدامين وكولهوم مشغولين ..
بقات شحال كالسة معاها تاحسات راسها عيقات واخا ماحساتش بالوقت ناضت عطاتها دواها وفحصات ليها الجرحة ورجعات خرجات كضحك حسات راسها عرفات علييه بزااف وهادشي زاد فرحها عضات على شفايفها حنيكاتها حومر دارت على الكلوار وشدات على قلبها مبتاسمة ومغمضة عينيها حيت فطول المدة لي كانت كالسة حدا جداتو وهي كتحس بلي كالسة حداه ..