نبيل : يعني ؟؟
زينب : هههههه جدي، تخيل لو أنك نتا لي غادي توصلو عاد الهضرة ماشي سيف !! وغاتدي تقولو فيناهو حفيدك الكبير لي مأمنو حياتنا !!! نتا هاكا غاضرب عصفرين بحجر واحد منو أنك غاتكسب الثقة ديال جدك انك ماكاتخبي عليه والو ومنو أنك غاتعطي القرار لجدك شنو غايعاقب نيسرين وطبعا ماغاتعرفش شي عقاب أكثر منو هو لي كيعرف مصلاحتها ..
نبيل : مزيان ( رجع وكاس بهدوء ) نقولو انا غانستافد ونتي شنو غادي تستافدي ابنت عمي ؟؟
زينب : واش كيحساب ليك غير نتا لي ماباغيش السلطة ديال سيف عليك راه حنا كاملين هاكا سيف زاد فيه بزاف ورجع كيتحكم فالحياة دالكل بمصلحة حماية الشرف دالعائلة ولكن نسا اقرب الناس ليه .. نيسرين !!!
نبيل : ( غمض عينيه مزير على يديه ) سمعي غانقوليك هاد التصاور غاتسيفطيهوم ليا وغاتمسحيهوم من تيليفونك وقدامي سمعتي شكون عندهوم من غيرك ..
زينب : الله الله معقول نسيفطهوم انا لشي واحد فالاخير كاتبقا بنت عمي وطبعا غانبغليها غير الخير داكشي باش جيت وريتهومليك حيت فالاخير غاتبقا خوها ونتا غاتعرف ليها ..
نبيل : سكتييناا دابااا ... صفطيعوم ليا وياااوييلك ازينب ويعرف شي حد على هاد الموضوع كوني أكيدة أنني غانحرقك ..
زينب : توتو ماكيجيوش معاك تهديدات سيف ..
ضرب فالرحامة تاقفزات ..
نبيل : سيف يقدر يضرب ويسمح مي أنا نقتلك ونمشي فجنازتك ..
شافت عينيه كيحومر ڤغي تخلعات ..
دينب : دابا حنا شوصلنا لهاد الهضرة ( ناضت واقفة ) واش نسيتي بلي كتهضر مع بنت عمك ولا كيفاش ..
نبيل : ( رجع اللور كيهضر بهدوء ) مهيم انا علمتك دابا وصافي ..
زينب : طبعا ماغانقولها لحد انا ماشي حمقة ..
نيسرين كتشوف فنادية ..
نادية : شربي يالاه باقيليك غير شوية ( كتشربها العصيدة )
شهد : ماما حبيبة والله تاشبعت ..
نادية : يا ربي مافهمتش انا شبينك وبين شي طالون ..
شهد : ماعرفتش اماما والله اصلا كيدرت لبستو نسيت ..
نعيمة : ايوا هادو هوما بنات اليوم الالة نادية واخا يكونو حاملين اديروليك هاداك اسميتو شوبيينغ ويمشيولك عند الكواافووور ويقادو الشعر والماكياااج ..
نادية : ( ضحكات ) واراه داكشي ولا مطلووب الاوامر من الكبار ( غمزاتها ) ..
تم نيت طلقو الضحكة شهد فهماتها وهي تزنك وفنفس الوقت تنهدات اودي لمن غاتلبس اودي ..
نيسرين : ( مدات يديها ) خالتي اري عليك البلاطو ..
نادية : غير خلي انا نوض نديه ..
نيسرين : اويلي غير اريه ..
نادية : باراكة الله فيك ابنتي تبارك الله عليك ..
نعيمة: ايوا هادا نهار كبير مين جابو لينا الله نطلاقاو انادية كيشفتي الولاد ماعرفناهوم كيتزوجو وليام مالحقاتنا تانتعارفو ..
نادية : اودي يا لالة نعيمة الخير فيما ختاره الاه ولي صالحة ليهوم اديروها ماحتا كنبقاو غالفمعاونة والصلاة على النبي ..
نعيمة : اكيد مانفرحو ببنيتنا شهد نهار تولدلينا منو سبوع ومنو عرس ( شافت فشهد ) ماتخافي شاي وتالمابغاش داك المگرد واليني ليه ..
ضحكو تاني وبقاو كيجمعو وكيهضرو فوجو تاعلى شهد اما نيسرين غير متسمع لمعاودة ديالهوم وكضحك والكارثة انها ماعارفاش راها گالسة حدا عگوزتها ..
وصلات العشية تما عاد جا ادريس وكريم ويونس طلو عليها كانت غير بوحدها ولوخرين مشاو بقاو تاهوما كيقشبو عليها ويضحكو تالشي وقت عاد مشاو بقات غير نادية وادريس معاها ..
شهد : ماما بابا صافي غير سيرو اصلا مابقا والو دابا خسني غير نعس ..
ادريس : سيف ابنتي ماكانشوفوهش كاع ياك لاباس !!
شهد : ( حمارو خذوذها ) والو ابابا عندو الخدمة بزاف هاد الايام راه لبارح بات معايا الليلة كاملة تالصباح راه ماما شافتو مين كان خرج ..
نادية : وايااه باينة عليه كان معصب الله احسن العوان راه قاتليا جداتو قبيلة هاز الحمل ديال الشركة كاملة على ضهرو ..
شهد : وي هادشي لاش واعاد داخلين فواحد الاتفاقية عاد مازادت عليهوم الشغل ..
ادريس : اوا الله اعاونو ابنتي خدمتو هي اللولة داروري .. والمهيم ماماك هاهي غاتبقا معاك انا مشيت نمشي ..
شهد : ماما تانتي سيري رتاحي اليوم النهار كامل ونتي هنا ..
نادية : ويلي عليك على انا نقدر نرتاح ونتي كاينة هنا، لا والو مانقدرش غانبات معاك هنايا ..
شهد : ماما ياماما وراسك شحال قاصح ومانقروش نقنعوك ..
نادية: صافي سير نتا انا غانبقا هنا ..
ادريس : ايوا يالاه بسلامة عليكوم .. ( سلم على شهد ونادية ومشا ) ..
نادية : ماعجبنيش هاد الكذوب لي كذبت على باك ..
شهد : وشنووو بغيتي نقوولو اماما بنتك دايرة اتفاقية مع بات ولدي وغير غانولد غانساليو هاد الزواج ..
نادية : ماالكي رااسك قاصح ياك السيد طلب منك السماح مامرة مازوج مالكي على هاد التعامل القاصح مين جبتي هادشي نتي عمرك كنتي هاكا شكون عمرليك راسك تادرتي داك الاتفااقيك ااه عرفتي وي سمع بيها بااك فرضتي على الرااجل باش يعطييك الثلث داملاكو لا نتي اكيد خرجليك العقد وخووتك الى شمعوو اشنووو غايديرو ..
شهد : ماما ماكانش عندي شي حل اخووو من غير هادا صااافي انا كنت كنقول الى عطيتو هاد الشروط ماغاديش ابغي اتزوج بيا شكون عرفني غايقبل بيهوم ومنها نيت نضمن حق ولدي ..
نادية : يااا ربي صبرني يااا ربي ..
البنات تعليقاتكم الله اجازيكم بالخير ❤️
أنت تقرأ
🌺 كَــــحْـٰلة آلــعْــيــون 👀🌺( مكتملة )
Любовные романыوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
