🌺 كَــــحْـٰلة آلــعْــيــون 👀🌺( مكتملة )

الجزء:104

أنا كحلة العيون، هاد الاسم لي ولا عزيز عليا بزاف بسباب داك الشخص لي قررت وتحديت الدنيا وتحديت راسي باش نعطي فرصة ثانية لقلبي ونبغيه، أنا عشت حياتي مزيان، واكلة شاربة، مع واليدين مثقفين وااعيين ووقاريين ومتفهمين، عمرهوم آداوني ولا خسرولي خاطري، وديما كنلقاهوم واقين جنبي ومأيدين رأيي فأهم القرارات فحياتي، ولكن عرفتو شنو لي مالقيتش، مالقيتش الوفاء فناس بغيتهوم من قلبي، فناس كون كانو طلبو روحي نعطيه ليهوم، عشت وشفت وحلمت انني غانعيش قصة حب بحالي بحال كاع الناس، ولكن نسيت نسيت بزاف بلي ماغانهربش من الواقع والحقيقة ديالنا، لي هضرة الناس وكره الحساد، من بعد ماطلقني الشخص لي بغاه قلبي اول مرة ولي نويتو رفيق دربي، علاش على أبسط حاجة اه أبسط حاجة ولي هي الولاد، نسا بلي الزواج، هو العطاء هو أنك تفهمني ونفهمك وهو أنك تنويني حياتك، واش عرفتو احساس انه يسمح فيك شي حد لي نتا معتابرو عمارت دارك ولي نتا مستاعد دير اي حاجة على قبلو على ود شي حاجة لي ماشي نتا خلقتيها فراسك !، داك الاحساس صعيب بزاف دمرني وقتلني وخلاني ندخل فكئابة وحزن دام 3 سنوات، والمحزن لي كيزيد اضرك كتر هو الضلم وهو أنك تضلمتي ..

دورات وجها لجيهت الشرجم ماسحة الدمعة لي طاحت من عينيها وهي تحط يد على فخاضها ..
نعيمة : سيري غير فين ما مشاك الله (جبدات يديها ) شوفي أبنتي أنا منهار شفت عويناتك عرفت أشنو عندك فالقلب، وعرفت الحزن لي عشتيه، أنقوليك أبنيتي كليمة وديريها بوجهي، شوفي هانتي شوفي شحال عشت وشفت، وكبدتي تحرقات مع موت ولدي، ومع ذلك بقيت شادا وبقيت فهاد الدنيا على وجه حفيداتي، راه ابنتي يكذب الكذاب ولي يقولك فهاد الدنيا راني عايش مرتاح، كل واحد تلقايه مضرور من جنب، ولو يكون بسيط، ولكن ديري فبالك الدنيا دوارة ابنتي واليوم عليه وغدا على وحداخور، والحمد لله وانا فرحانة لي ربي عيشني ووراني هاد النهار لي لاقا حفيدي بوحدة بحالك، ماعرفت اش دار من حسنة فحياتو تاطلاقا بيك، وسيف ابنتي راه تربية يدي واخا تشوفيه هاكاك قلبو بيض وخوتو وراه دارهوم فعينو وقلبو من نهار مات باه، وعمرو ضرهوم بشي حاجة غير نبيل الله اهديه وصافي، (ابتاسمات ) دابا نتي ابنتي ديري صفحة بيضة وحيدي عليك كولشي المهيم هو تبغيه ويبغيك وانا متأكدة مدام سيف تزوجك الا وانه بغاك ودارك مرات دارو، الله اسهل عليكوم والله ابعد عليكوم عينين الشر، يا ربي وتولدي بالسلامة انشاء الله وهاد الوليد اكون هو الضو ديالكوم ...
شهد : شكرًا اخالتي والله تانا ماعرفتش شنو درت حتا طلاقيت بناس بحالك ( باستليها يديها ودارتهوم لعند راسها ) ..
نعيمة : الله راضي عليك ابنتي الله ارضي عليك ...

بقا واقف بالطوموبيل وحداه نيسرين مدورة راسها للشاريع ..
سيف : سمعي اختي انا ناشي ضدك وعمرني كنت ضدك راك عارفة هادشي الحاجة لي بغيتيها كتلقايها وهاد الراجل بغيتيه الله اجيبليك التيسير معاه انا غانوقف معاك حتا تكونو مع بعضياتكوم ( دورات وجها فرحانة ) ..
نيسيرين : بصح اخويا ؟؟؟؟
حرك راسو باه وهي تلاح عنقاتو بقا مدوز يدو على ضهرها مبتاسم ..
نيسرين : شكرا اخويا بزاف بزاف بزاف ..
سيف : أنا عيطتلو ودابا شوية غايكون هنا ولكن غادي تخليني نهضر معاه حيت كيبانلي تاهو ماعارفش صراحة ماعرفتش كيفاش ماعرفتوش بلي خوتكوم مزوجين ..
نيسرين : ( تنهدات ) راك عارف اسيف زواجك لي جا مباشر وهو لي كان ماكيبغيش ادخل فحياة خوتو داكشي باش ماجابتش الصدفة اصلا ماطاحتش علينا اما كون كانت غير دارت مثلا الخطوبة ديالكوم وكولشي كنت غانعرفها ...
سيف : اودي منكذبش وقعو بزاف دالحوايج وليت نتوقع كولشي ...