تنهد وناض وقف من البيرو ديالو ومشا لجيهت الشرجم خاشي يديه فجيبو، وكيفكر بدماغو، شحال من خطوة باقي ليه باش ارجع لبنتو ومراتو لي محتاجين ليه اكثر من أي وحدة، سد عينيه كتفكر صوتها ولمساتها وكيتفكر ضحكتها، توحشها توحش اي تفصيل صغير منها، وخصوصا وهو كيشوفها غير فالتصاور، وفنفس الوقت مشتاق يعيش لحظات بنتو وهي كتكبر فالرحم ديالها، باغي يحسها كتحرك، باغي يسمع لدقات قلبها، فتح عينيه والقبضة ديال يدو مزيرة، مايرحمش اي واحد كان عندو سبب فراقهوم، اي واحد، سمع الدقان وهو يتفتح الباب ..
مرام : حبيبي ساليتي خدمتك ..
تنهد ودار شاف فيها ..
سيف : واش مافيكش النفس ؟ ..
مرام وقفات كتشوف فيه، ورجعات غمضات عينيها حيت عارفة شنو غادي اسمعها ..
سيف : ميات مرة كنقوليك آخر مرة توريني كمارتك فهاد البيرو، بشمن لغة بغيتي نشرحهاليك العصا وخديتيه ؟ شنو الحيوان وكيفهم بالدق ونتي لا !
مرام : ( سرطات ريقها وتقدمات عندو عينيها مغرغرين ) وهادي تانا للمليون مرة كنقوليك حيت كنبغيك وحيت نتا دابا راجلي وهادشي لي مكتب علينا الله، تانا كون بغيت ماكنتش نتزوجش بيك ولكن خسنا نرضاو بمكتوبنا ..
تعصب تعصب تعصب .. جمع القبضة فيدو وهو يدور حط يدو مع وجها كان غايخمجو تاسدات عينيها بزربة وهو يحبس ونطق مزير على سنانو ..
سيف : غبري عليا كمارتك ولا غانصفيها لدينمك فهاد الساعة ..
بقات كترعد رجعات جوج خطوات اللور كتوف فالرعدة ديالو تارجع غوت بالجهد طارت من بلاصتها ..
سيف : وقووووودييييي ..
مشات كتجري مسحات جوج دمعات لي طاحو وخرجات من الباب ومشات .. هو حيد لاڤيست ديالو لاحها على الكرسي وفتح الكمام دالشوميز طلعهوم وبقا غادي جاي كيدور على اللحية ديالو، وهو يفتح الباب تاناضت السيكريتير قافزة كتشوف فعروقو خارجين وخصوصا الشوميز مفتوحة جوج صديفات من الفوق كتبين شوية من سدرو ..
سيف : واااش انا جايبك موونيكة تما .. واش عندي الكووورييي هناااا ( خبط بيدو فالبيرو ديالها تاعينيها غرغرو بالخلعة ) يعاود ازنزن عليك مخك ودخلي عليا شي حد بلى خباري، كمارتك غاتقلع منهانا سمعتييييي ..
السيكريتير : واخا اموسيو ..
دخل جبد الڤيست وتيليفون والكونطاكط وتم خارج بزربة داز عليها : لغي الاجتمعات داليوم كاملين انا ماكاينش ..
ومشا برك على الاسانسور لقاه عامر وهو يرجع مشا هبط مع الدروج ...
كالسين مجمعين فبيت ديال نيسرين والاخيرة كتقيس ..
نوال : ( أخت بشرى ) شوفي هادي ..
نيسرين : شفتها قبيلة ماعجبنيش داك السقلي لي فيها ..
نوال : وراه باقيليك عشريام ماكاملاش اش كاتسناي ..
نيسرين : اففففف ماماااا عاونيني كتوفيني واحلة وماكاتقولي والو ..
بشرى : نيسرين شغادي نقوليك راكي عارفة دوقي ماكيعجبكش حنا ديما الامهات واخا كختارو لبناتنا كنلقاوهوم عندهوم دوق فشكل ..
نوال : وطبعا واش جيلهوم هو جيلنا ..
نيسرين : ( هزات واحد القفطان وحداخور ) شوفي هادا ؟
بشرى : وريتوليك قبيلة ..
نيسرين : عمتي شنو بانليك ..
خديجة : انا انيسرين مامرتاحاش لهاد الزواج اصلا مافهمتش كيفاش مشيتي وتزوجتي من داك العائلة نيت ..
بشرى : ( تعصبات جات تهضر وهي تجبدها نوال كتنغز فيها )
نيسرين : عمتييي، كلها وحياتو وكلها فاش كيفكر المهيم انا جدي رضى وقبل ..
خديجة : قبل حيت سيف لي قنعو ودارلو خاطرو وراكب عارفة حتا طلق شهد طبعا اما كون مكانش ماكنتوش غاتزوجو ..
بشرى : خديجة الدرية فرحانة بخطبتها ونتي باغا تنكديها عليها فين باغا توصلي ..
خديجة : ( ناضت واقفة ) رجعت كنكدها عليكوم الحاجة لي مادخلاتلي للخاطر عمرها تصدق خليني كاع الرجالة ومالقيتي غير خوها ديال ديك المطلقة ماعندي مايتساليك لعبو على عقلكوم مزيان وكلاوه بطبيعة الحال شاف وحدة زوينة وبوكو عاقة دجاجة بكامونها ومابغيتيش اديك ..
بشرى : ( ناضت مغوتة ) باااااركة ..
خديجة : اييييواااا ماترفعيش صوتك عليا ماتنسايش مين جيتي ولا نفكرك كيفما مابغيتيكش ودخخلتي نحس على خريا تاهادو لي مابغاموش قلبي دخلو نحس على هاد الدار .. رجعتو تخرفو ومالقيتو لي يحكمكوم يخخخخ .. ( مشات خرجات وزدحات عليهوم الباب ) ..
نوال : لا حول ولا قوة الا بالله ..
نيسرين : السم كيقطر السم السم كتخرج السم من فمها ..
بشرى : ربي غادي اخلصها على كل مادارت فيا ربي غادي اخلصها ..
نوال : نتي سكتيليهوم النهار اللول حتا حقرو عليك ..
نيسرين : ( خدات نفس سادة عينيها ) بااااركة خطوبتي جايا ومابغيت تاحاجة تحيدلي فرحتي ولي ماباغاش خليه فالحسد ديالو المهيم ان جدي باغي ..
بشرى : على الله الى ماعكساتوش هاد الشيطانة ..
نوال : اش داكوم تعيطوليها المرة الجايا خليوها بسمها يخخخ يخخخ
#قرائاتي 💕
بغيت نقول ليكم هادي اواخر القصة والله وكنحاول نجيب افكار زوينين باش نساليها ولكن دون تعليقات وتحفيزات والله حتا الكانة باش كتبغي تكتب ماكاتبقاش، مهيم انا غير قتليكوم دابا ولي بانليكوم ديروه فكل الاحوال انا مفروض عليا نكمل القصة ونتوما غاتبقاو عزاز عليا فجميع الظروف حيت عييت نقول ليكم بغيت تحفيزات ديالكم و تعالق فنتومااا حرين داااباااا تسنااااو إنشاء الله عشية اجزاء جداد أحبكم ❤️
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
