عينيها مزعزعين فعينو وصوتو زاد طلعليها الزغب فلحمها ورجع كولو كيتبورش عليها، وبدات تحس فتقلبات فالمعدة ديالها، ريحتو كانت قريبة ليها بزاف وتنفسو كان سخوون مع يالاه كان كيجري، بحالي تبلوكات،ماعرفات لا تقدم ولا توخر، كتشوفو كيقرب شوية بشوية غمضات عينيها، صافي طمسات كتسنى، وهو يشوفه هاكاك ودار ابتسامة جانبية وبعد، بدات كاتحس بالبرد دايز من قدامها حلات عينيها وإذا بها كاتلقا الريح، هبطات عينيها كتلقا غير الطبسيل ديال الطحين مقلوب، كتشوف فيديها مزيرة بيهوم على المونطو، بحال واحد العاصفة دازت منهنا مافهمات والو وشنو وقع دابا عاد، جرات كرسي وگلسات فيه شادا على قلبها لي كون تسمع دقاتو تحلف مريضة بيه، عضات على شفايفها أما حناكها مطيشة تقول تحكات عليهوم، شدات على راسها لقات الزغيبات ديالو عرقانين دخلات غفران على ديك الحالة تخلعات صحابليها غاوقعليها شي حاجة ..
غفران : اويلي اختي ياك لاباس ؟؟! ..
شهد : لاباس لاباس ( كتنفس بالجهد ) عافاك غير شي كاس دالما ..( شحفها مسكينة من الدقة اللولة ) ..
ناضت كتحيد المونطو تاكتمد ليها غفران كاس ديال الما نزلات عليه وباقا كتلهت مزال مادخلاتش لراسها اشنو وقع دابا لدرجة كيجيبليها الله غاتخيلات وهي طلع بسرعة عينيها فغفران وضربات على الطبلة بيديها تاقفزات غفران صحابليها غاضاربها شي جن كل مرة فشكل ..
شهد : ( بنبرة قوية ) غفران ..
غفران : ننن ششنو ؟ ..
شهد : شفتي شي حد دخل لهنا ..
غفران : اويلي خلعتيني ( شهد عاودات دربات على الطبلة تاقفزاتها عاود ) ماشفتش مم ماشفتش ..
شهد : هبطات راسها كتنهد وهي توقف وخدات نفس بحالي كيديرو مالين اليوغا وقادات حوايجها وهزات المونطو فيديها )وهضرات ببرودة غادا خادجة ) كملي نتي الفطور مابقاش عندي النفس ..
خرجات خلات لوخرى غير مبلقة عينيها وكتشوف فالطبسيل ..
غفران : طالبة معاك بالشرع التسليم امولانا التسليم ..
خرجات لجردة كان الجو نصف مغيم مرة مرة كطل الشمس، مشات تاكلسات تاوقفات حدا واحد الكرسي ديال البلاستيك محطوط تما فالجرة لقاتو فازك تنهدات ودربات الدورة غير كتمشى دخلات فوسط الشجر كتقطع للقدام ديال الجردة حيت خرجات من اللور كان فالجنب واحد البيسين متوسط مغطي بالباش وهي عقلها كامل مامعاش كتفكر فاللقطة دالصباح وغمضات عينيها وحلاتهوم ماكاتلقاش تقول غير كانت كتحلم، ولكن هي حسات وسمعات صوتو ..
شهد : اعوذو بالله لا الحماق هادا مافيهاش ..
هبطات عينيها لقات البوتيو ديالها توسخ شوية بالطحين جبدات من الجيب دالمونطو كلينيكس ونزلات كتمسح شوية ..
شهد : مافهمتش انا بحالي داز اعصار اويلي شنو كيوقعليك ( كظرب بشوية فالبوتيو ) نعلي الشيطان نعلي الشيطان اويلي ..( طلعات راسها كتلوس فداك الكاغط ومدات يديها كترجع خصلات شعرها مور ودنيها طلعات عينيها غاتمشى وهي تبلوكا وتاهو تبلوكا الكارو ففمو والبريكة فيدو يالاه غايشعلو مي بقا غير مصدوم بحالي داروليهوم بوز .. بسرعة رجع البريكة وحيد الكارو ..
نبيل : (عينيه كيبريو ) نوااي ايماسبول ..
شهد : ( غمضات عينيها فنفسها ) لا يا ربي نكون كنحلم ..
أنت تقرأ
🌺 كَــــحْـٰلة آلــعْــيــون 👀🌺( مكتملة )
Любовные романыوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
