شاف سيف فجداتو ثم ختو ورجع شاف فنادية ..
نادية : فايقة ياك يمكن لي ندخل ..
سيف : اه طبعا تفضلي ...( فتح ليها الباب ودار عند جداتو ) دابا عاد جيتو ..
نعيمة قلبات وجها ونيسرين تنهدات وجوبات : دابا عاد ..
نعيمة : نيسرين دخلي نتي خليني غانهضر مع خوك واحد الشوية ..
نيسرين شافت فسيف قاليها بعينيه سيري دخلات للغرفة وهو شد فيها مزيدها بشوية لجيهت الكراسا ووقفو ..
نعيمة : شديك الحالة درتي لخوك ؟
سيف : لاكنتي غاتجبديلي داك الموضوع نمشي حسن حيت نلقاه دابا قدامي نعطيه قتلة كتر من اللولة ..
نعيمة : اشباواش حمقتي ولا مالك وخوك هاداك خوك ..
سيف : يكون حتا منعرف اش فملك الله تطاول على مرتي وزايدها بالمعيور اصلا الحق عليا طلقتليه بزاف ..
نعيمة : سمع هادشي لي درتي راه ماكيبشرش بالخير سمعتي وراه غادي تخلق عداوة كبيرة هنا نقولهاليك، عارف مكانتك عندي وعارف كيف مفضالك نتا من بين حفايدي كاملين، وديما ندافع عليك قدام جدك وجميع القرارات تانكون معاك فيهوم، وانا عارفك مول العقل والهمة والشان ونتا كبيرهوم ولكن هاعار ميمتك دير الخاطر وتهدن، راه كيبقا خوك واش بغيتو تداعاو فالمحاكيم وتصير قصتنا على كاع لسان الناس ..
سيف : ( شدها من كتافها بجوج ) الواليدة ( كحز وباسها من جبهتها ) عارفة مكانتك عندي لي كنديرها فوق كولشي ومربما كتر حتا من لي ولداتني، وكلمتك ديما هي اللولة دار، ونبغي نقوليك داكشي لي خايفة منو ماغايكونش سمعتي وتاجد ماغايقدر يديرلي شي حاجة، وديك الدعوة راه ماغاتكونش غابلا ماتخافي ..
نعيمة : والمهيم رد بالك عنين ولاد عمك عليك ونهار لي غادير خطأ بسيط غايتناهشو كيف الكلاب حشاك ومحال واش اعاودو يشوفو فيك خسهوم غير الفرصة ..
سيف : فيناهي عاد الفرصة الله اهديك الواليدة ( ضحك ) واش غاجي وحاربني تايديو السلطة بعدا عاد ازيدو .. ..
گالس فالكوزينة وهي واقفة عليه كديرلو فالثلج فحناكو وختها لوخرى كتلعب بالتفاحة من موراهوم ..
زينب : توتو تو هادشي راه بزاف ..
نبيل : سسس بشوية، الكلب كيترجل عليا ..
مروى : ( تنهدات ) انا غادا بحالي ههه والصراحة رجعك كيالبهلوان ..
نبيل : غاتق*** ولا غانوض نفرع موك ..
زينب : مرى سيري بحالك ماعندكش القرايا ولا اييه ..
مروى : افف هانا غادا ( مشات خرجات ) ..
زينب : ( كتشوف فيه وكترجع دور فعينيها ) صراحة هادشي مايتقبلش واخا يكون ماشي غير خوك ..
نبيل : مالي غاندوزهالو ..
زينب : مافهمتش انا شنو وقع تاناض هادشي كامل بيناتنا فالوقت لي كنا فرحانين ..
نبيل : ماحد سي تاجدين كيدعمو فالقرارات ديالو وهو كينفخ علينا فالريش ..
زينب : ( كتفكر قالتها كتعوج ) شتي كون كنتي نتا اليد ليمنية لجدي ( شافت فيه بنص عين ) كون گاع ماوقع هادشي كامل ..
نبيل : ( بعدليها يديها لي كتحط بيه الثلج على فمها ) شبغيتي تقصدي مم ..
زينب : افف سمعني ( حطات داك الثلج وجرات الكرسي گلسات مقابلة معاه ) نتا ماكاتحضيش عكس خوك حاضي كولشي فهمتي مثلا غير نيسرين ..
نبيل : ( نفاعل ) مالها نيسرييين ؟؟؟؟
جبدات التيليفون ودوراتولو وبوووم كيشووف فالتصاور ديالها مع يونس شادليها يديها وهاهوما كيضحكو وهاهو كيبوسهاليها خطف ليها التيليفون مخرج عينو ..
نبيل :: ( نااض تم نيت ) اناا غانورييي طاااس ( قبل مايكمل ) ..
زينب : ( حطات يديها على كتافو ) ششش رلاكس اولد عمي فين غادي ..
نبيل : وااااشش كتشوووفي شنوو شفتتت ولا لا ..
زينب : ( تنهدات دايرا فيها حزنات ) وي شفت وتانا تصدمت وماضنيتش نيسرين دير هادشي مخبعة على كولشي ( شافت فيه كيشوف عينيه حومر وهي ترجع لتمسكين ) هادشي غير لي فوطو ولي ماعرفناه اشنو كاين ..
غوت تاضرب تاكان غايضرب التيليفون خلعها : سكتييي وااياااك تقووولييي شيي هضرة عليها سمعتي ..
زينب : انا ماقلت والو اولد عمي ولكن ( اشارت بحجبانها لتيليفون ) راه لي كيقول والحقيقة كاتبان من بعيد ماعندي لاش نكذب ..
نبيل : عرفتي لاشاف هادشي سيف غايقتلها ..
زينب : ولا اولد عني هنا فين غادي تخدم الجوكر وغادي تقولو مرحبا بيك عندي ..
نبيل : يعني ؟؟
زينب : ههههه
سمحوووليا بزاف على التأخير
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
