🌺 كَــــحْـٰلة آلــعْــيــون 👀🌺( مكتملة )

الجزء:14

طلعات لسويت سدات الباب وطرقاتو بالساروت وبقات كتشوف، كيفاش تاجدين، دارت يديها على فمها بصدمة، دعما يكون خو نبيل، أكيد هادشي لي كاين حيت مايمكنش تجي الموظفة عندها وتقوليها مستر تاجدين خلاها ليك، شوية تفكرات المنظر ديالها تفو منيتها كانت كتسنا يعطيهاليها بيدو اييه يا شهد مشيتي بعيد، مشات حيدات عليها داك المونطو والسروال ورجعات البيجامة وتلاحت على ناموسية .. افكار وافكار وافكار ماحيدووش من راسها واش زعما يكون عاق راه عجبها ( دارت يديها بسرعة فوق حنيكاتها حمارو ) تاواحد شوية حلات عينيها على جهدهوم وهي تنوض من بلاصتها ..
شهد : اويييييليي هضر معااايااا بالدااارجة .. اوييلي مااعقتش انااا كاااع وااااريي مغربييي مغربييييييي ...
ضربات بيديها لحناكها واللله ماميزات بشمن لغة هضر معاها واش لهاد الدرجة دوخها الاعجاب، يعني هو بصح خو نبيل وهضرتو كانت كازاوية يعني سيد مغريبي نييت ..
رجعات تكات وشافت فالحيط كتفكر تاني باش قاليها واش عرفتي شكون معايا واخا قاتليه لا هضر معاها كأنه عارفهاا عاارفااااع وعارفها غير قالت هاكاك بلعاني ضربات على سنطيحتها طبعا هاكا حنا ماكنتصرفرش فداك اللحضة حتا كدوز وكانبقا نتفكرو كيفاش كنا وكيجينا راسنا كنا بحال شي حمير 🦓
بقات كتلوا فبلاصتها تاداتها عينيها نسات واحد مولاتي لي باقا عاد طالعة كتكركر مع واحد خيتي جات كدق والو ..
سارة : اويلي ياكما نعسات ( بدات طلع معاها ) اويلي لا لا يا ربي لا لا ( بدات دق بالجهد ) ششهههدد ناري ميمتي اليوم غانبات هنا ..
ههه شهد منيتك غاتفيقي شهد .. مكنين عليها الغيبوبة الى نعسات ماكاتفيقش تالصباح ادخل الشفار وايشفر الدار كاملة وهي فخبر كان بقات دق ياما دق تاخرج عندها واحد الشيباني باين كان سكران ونعس وفيقاتو كعكع عليها مزيان تابغات تبكي وهي تهبط لتحت ضوموندات على غرفة اخرى ورجعات طلعات كدعي فشهد ..
سارة : والله ياموك لابقات فيك تفو يخليها سلعة بناقص من الزبل يخ يخ بركات فالاسانسور باش غاطلع لطبقة الفوق وصل لطبقة الثانية وهو يتقطع بيها الضو وهو يوقف السانسور ) لا اربي لا مايمكنش نحسي يخدم فهاد اللحضة لا لا ياك انحسي ياك الزين ياك درنا معاك كونطرا قلناليك غير نفوتو هاد التسافيرة .. ( شافت الضو باقي ماشعل ) سيري يا شهد بغيت لدينمك شي راجل يطيحك على زنافرك يا بنت الحرام تفووو تفووو ( بدات ضرب فالسانسور دموعها طاحو ) وااااش كااااين شي حد هناااااااا والعتقوووو ( يالاه غاتعاود ضرب وهو يرجع الضو وتحرك السانسور بوااحد السرعة تاطاحت فبلاصتها وهو يتهرس بيها الطااالووون ) اعععععععععععععع ..
خرجات من داك السانسور بحال شي وحدة ضربها الضو ساحتليها الماسكارا ومحيدة صباط فاليد بقات غادا فداك الكلوار لداك الغرفة تاطلعات عينيها لقات نبيل كان كيفتح باب سويت ديالو ولكن مين شاف هاد المخلوقة وقف مصدوم كيشوف فيها ونااري وهي طالعة ليها القردة وزاد طلعها ليها بدوك الشوفات ..
سارة : مالك نتا كتشوف فيا بنتليك كنشطح القرود هنايا ..