🌺 كَــــحْـٰلة آلــعْــيــون 👀🌺( مكتملة )

الجزء:36

كَــــحْـٰلة آلــعْــيــون
تأليــــف : زهور السليماني
الجزء 34

بقات شحال كتفكر عاد قاتليها تمدليها التيليفون وعيطات لمها علماتها بلي ماغاتجيش هاد الليلة ، ظلات كاتعاود هي ونعيمة على البنت لي غايخطبوهت دابا لهاد ياسر تاهية بنت عائلة وعندهوم بيناتهوم علاقات تاغادي يخطبوهالو كولشي تما بعطيني نعطيك وحتا الزواج بالفائدة الى شاف جدهوم بلي الزواج غايجيبلو شي فائدة كيزوج تم نيت والى كان والو كينفيه، ماعندو لا حب لا والو داكشي لاش كولهوم كاطلاقهوم ماكيبغيوش كولهوم عندهوم علاقات عابرة حيت عارفين راسهوم غايتزوجو للي غادي يضمن ليهوم المستقبل ولي غادي يبقا معاهوم هادشي كنصدقوه فالافلام ولكن للأسف هو واقع او واقع مرير ان ديما خسك تزوج من لي فالمستوى ديالك باش تمشي مرتاح وخصوصا مع الناس لي كيهضرو بالملاين الاطباء كيديو الاطباء ومالين الشركات كيديو مالين العقارات والبنازة كيديو ثاني خوتهوم باش ماعند السر ديالهوم فين امشي ...
هبطات شهد باش تعمر الكاس دالما وهي تشوفها مرام عوجات فمها مشات تم نيت عند غفران كيطلو عليها ..
مرام : ديك خيتي فوقاش غاتمشي ..
غفران : ماغاتميش قاتليها لالة الكبيرة باش تبقا معاها حيت غاتقنط ..
تبسمات مرام بالجنب ..
مرام : لقيتها ليك ههه وهاحنا غانشوفو اخلاقك كيغادي ايوليو قدام عمي ..
مشات بسرعة خرجات خلات غفران غير كتشوفي ..
ماكملاتش ربع ساعة وهي ترجع لعندها فوسط الكوزينة جبداتها ..
مرام : غفران غاتسمعيني مزيان وغاتحلي وديناتك لابغيتي تكوني عزيزة عليا ونتي عارفاني مابقا والو غانولي تقريبا مرات مول هاد الدار يعني انا اول وحدة خسك ديري معاها مزيان ..
غفران : شنو بغيتي الالة ..
جيداتليها يديها وحطات ليها فيها واحد القريعة ..
مرام : هادي غادي تخويها فالطبسيل ديال ديك الطبيبة فالعشا ..
غفران : اوييلي واش السم لا الالة منقدرش نقتل روح لا ..
مرام : واسمعي مالكي كاطيري هادا ماشي سم هادا مهلوس باش كتشربيه كتولي الحاجة لي قتلهاليك غادي ديريها بغيتها حتا تشربو وغادي تأمريها دخل تسرق ..
غفران : اويلي منيتك ويلى فاقت وتقول انا لي قلتهاليها ..
مرام : مالكي مكلخة هي مين غاتفيق ماغاتبقا عاقلة على والو ..
غفران : اييه وفين غاذخل ..
مرام : ( بابتسامة جانبية ) لبيت لي فيها الكاميرة ..
غفران : ( مشات غادا ) لا لا الالة الا هاديك ..
شداتها من يديها ..
مرام : لا هاديك اغفران هاديك الغرفة ديال سيف الدين غاتأمريها دخل تسرق منو سمعتي ..
غفران : لا لا لا كتلعبي بالنار الالة لا ..
مرام : ( شداتليها على وجهها ) سمعي غادخلي سمعتي غادخلي ولا غانسالي معاك متي فاول فرصة ( رجعات ابتاسمات ) غادي تشربيها وغادي تأمريها ..
غفران : و ولا شافني شي حد ..
مرام : ماغايكون تاحد احبيبة كولشي غايمشي للخطوبة يعني نتي او لالاك او ديك الق**** ...( شداتها تاعصرات عليها ) سمعي خسك ديري حاجة وحدة يا ايما تقضي عليها ولا غاتقاضاي نتي ..
بلعات الريق ديالها ..
مراام : انا عارفاك غاديريها ونتي حانية الراس .. يالاه سيري لخدمتك ..
غفران دخلات كتشوف فداك القريعة كترعد خشاتها فجيب الفواطة ومشات طلعات عند نعيمة كانت كتعيط ليها وصاتها باش توجد البيت لي غاتنعس فيه شهد ومشات ..