كرونيك:💕💕 تزوجت هندية💕💕

01

الحلقة الاولى 💓
_نعم لباس ياخي
_ واش بيك طرت ونزلت علاه واش قلت
_ جدي متتمسخرش بيا اوك قلتي اقرى كيف ماتحب قريت قلتي اخدم فشركة ويزيك من تبهليل ضغر وقريت قتيلي متسافرش لامريكا وما سفرتش اما ضرك تجي تقلي زوج لا هاذي ياسر
_ اعرف كيفاه تهدر مع لكبار
_ جدي مستحيل نزوج بيها وهاني قتلك
_ سراج لي قتهولك موش طلب راهوا امر وانت تنفذ
_ مستحيل
_ مالا راح نطر نحرمك من كامل املاكي ونعطيهم ل رائد ولد عمك
_ علاه تعمل هكا
_ على جال املاكي منيش حابتهم يروحوا من بين يديا
_ جدي مي انا منعرفهاش وجامي شفتها
_ راهي جاية غدوة وضرك تتعرف عليها
_ جدي .....
قص عليه وعلى في صوتوا عامل نبرة الامر وقال : كلامي يتنفذ وتزوج بيها
_ منيش مزوج بيها ولي يصير يصير اوك
هز روحوا وطلع وخلاهم في وصت مرموغة كبيرة مهمش فاهمين فيها والوا
عائشة : ( ام سراج ) بابا واش لي تقول فيه علاه تعمل هكا مع ولدي سراج
محمد ( الجد ) : اه يا بنتي انا ثاني مجبور نحافظ على املاك لعيلة
سعد ( اب سراج ) : واش تقصد بكلامك بابا
محمد : فرح اطلعي لشومبرتك
فرح ( اخت سراج الوحيدة ) : حاضر جدي
طلعت لشومبرتها ولجد كمل هدرتوا : بعد ما ولدي الياس زوج بهاذيك لي متسماش لهندية لكافرة جاب منها طفلة وكي خدم كون دراهم وكتبهم بأسم بنتوا الوحيدة لي حاب نزوجها لسراج باش يبقوا الاملاك تحت تصرفنا والا يضيعوا خاطر هو حاط فلوصية تاعوا تقدر تصرف فالاملاك بعد ما تولي في عمرها 20 سنة
_ ايه وكي تزوج بسراج نولوا نصرفوا فيهم حنا
_ لا مي تبقى تحت سيطرتنا حنا
عائشة : مي واش ذنب ولدي
_ الله غالب مكانش حل يا بنتي
اسعد : اوكي بابا نشوفوا معاه لازم نقنعوه
____
طلع لشومبرا تاعوا قالق عاللخر دخل دوش ولبس شورط وتكا في بلاصتوا يحب ينسى الموضوع اما كيفاه جدو حابوا يزوجوا بطفلة ميعرف عليها والوا غير انها بنت عموا وعايشة فلهند حتى اسمها ميعرفوش وبلاك تكون موش مسلمة كيفاه يدير كيفاه حابوا يزوج بوحدة تعبد الاصنام وهو اسنان يصلي ويصوم ومتقي الله غلب من تفكير غم راسوا بلمخدة ورقد يخمم في غدوا كيفاه راح يفوت
كامل متحمسين لغدوا باش يشفوها