كرونيك:💕💕 تزوجت هندية💕💕

71

الحلقة 71❤️
دخلوا لدارهم حاكم في يدها لقتها نظيفة على اللخر تفاجأت وقالت : كيفاه راهي نظيفة هكا ؟
_ ايه طبعا خاطر انا وضيت لخدامة تجي تنظفها عملت جولة فدار وهو كان واقف في نص الدار جات تمشي بلعقل تخزر فيه كيفاه واقف بكل وهرة وقوة يديه في جيابوا يخزر ليها سارعت في خطواتها شوي وحظناتوا بكل قوتها وهو ثاني عصرها بين يديه
سراج : يا روحي انتي
راجيني : تعرف اني نحبك اكثر من روحي علبالك قداش حلمت بأننا نكونوا عيلة وحدى واليوم واخيرا تحقق حلمي وانا وانت ولينا احلى زوجين
سراج : نحبك يا روحي من ليوم صاي راح نعيشوا طول لعمر مع بعضنا تعرفيني قداش نحبك انا
حس بدموع سخونة على صدروا هزلها راسها وحكموا بين يديه وقال : واش بيك يا روحي
خزرت قي عنيه وقالت : خايفة يا قلبي خايفة انوا واحد يحسدنا على ساعدتنا ونتفرقوا
باسها من جبهتها وضمها لصدروا وزير عليها وقال : مستحيل يا روحي مستحيل انا وانتي مايفرق بينا كان الموت
حطت يدها على فموا وقالت : بعيد الشر
حظنها وقال : مالا تهني
_______
فضتلوا يعاون فيها في تنظيف الڤيلا بعد ما عرفت انوا اموا جاية قد ما حاول يقنعها انوا متتعبش روحها اما هي اصرت انها تنضفها كانت لابسة بنتكور وتريكو حمر لامة شعرها كعكة وتسيق كملت طابق الفوقاني مزالها التحت وتكمل وهي في جهة وهو في جهة واخير بقالهم الهول ويكملوا اجتامعوا ثم شاف معاها وهي قالت : خلص بكفي راح كمل انا من هون انت روح ترتاح
_ لا مستحيل مدام بدينا مع بعضانا نكملوا مع بعضنا
حاولت معاه اما هو اصر هو ينحي فلغبرا ولخبال وهي تسيق فالارض وهي تسيق قربت تكمل مزالها غير فم الباب وفجأة زلقت وطاحت غيطت فرد تعيطة هو كان يلم فدوزان سمع صوتها طيش كلش راح يجري ليها لقاها على الارض حاكمة رجلها مطبسة راسها ودموعها نازلة
رائد بنبرة كلها خوف : واش صرى ؟ واش كاين ؟
هزار هزت عنيها فيه وهو حكمها من ذراعها وقال : هزار واش بيك
خزرت فيه بنظرة كلها الم خلات قلبوا يتعصر عليها : رجلي كتير عم توجعني
هزها بين يديه وهي كبشت فيه حطت راسها في رقبتوا وتشم في ريحتوا مستحليتها حطها على البونكات وهي تتوجع حكم رجلها وقال : موش قتلك متنظفيش مهيش مستاهلة
قالت : كيف مو مستاهلة وامك هي لي جاية بعد بكرى
رائد : ايه متستاهلش انتي اهم منها يا روحي انتي كل حاجة في حياتي ، انتي لي عايش على جالها
تفاجأت من كلاموا وهو حكم رجلها وقال : راح توجعك اما راح تتنحى اصبري برك
طرشقلها رجلها وهي عيطت على طول صوتها وحاكمة في شوميز تاعوا مغمظة عنيها
قال ؛ حلي عنيك جربي تحركيها
حركتها ولقات انها تحسنت معاتش توجعها جاب البوماد درهولها وكمل في فم لباب ورجع حطوا لغداء وقعدوا يتغدو!