كرونيك:💕💕 تزوجت هندية💕💕

60

الحلقة 60❤️
جبدت على جنب وهم راحوا يوجدوا فطابلة تاع لغداء
هزت : الو
_ اهلا واشك لباس روحتي شربتي دواك راكي cv
_عههههههه بلعقل خليني نجاوبك روحت واني في دارنا وشربت دواء صباح وضرك راني لباس
_ واش رحتي ديري في دارنا وحدك
_ لا منيش وخدي
_ هملا مع من ؟
_ مع هزار ورائد
هز حاجبوا وقال : رائد ؟؟؟ راكي مع رائد
_ ايه رائد وهزار
_ شكون هزار ؟
_ طفلة لي يحبها رائد وحاب نعاونوا يتقرب منها
طرشق بضحك حتى ملقاش وين يزيد وقالها : تعاونيه ؟ وراىد يحبها ؟ ضحكتيني من قلبي
راجيني عقدت حواجبها وقالت : علاه منيش قد لمعينة ولا رائد معندوش قلب
سراج : هههههه الثانية لمهم انا ما عليا غير نقلك ردي بالك منو وبعدي عليه احسلنك
راجيني: علاه هو غول علاه جامي خممتوا تفهموه ولا تحكوا معاه هو ظهر اطيب الناس
سراج : واش لعبلك بعلقك يا بعدى وخلاك تولي تدافعي عليه
راجيني : راني كبيرة ونعرف صلاحي نعرف شكون الصالح والطالح متعبش روحك
قالت هاذ الجملة وكوبات عليه جاها رائد وقف معاها قدام الطاقة حاط يديه في جيابوا
رائد : سراج تغش منك كيف انتي معايا ياك ؟
دارت براسها ايه وقعدت ساكتة سارحة في البلار لي قدامها
رائد كبس عل كتفها وقال : راجيني نوعدك انوا كيف يرجع سراج راح نصلح كلش بيناتكم وثاني حاجة اخرى سراج مراحش يصدق حتى يشوف بعينوا كي يروح نحكي معاه متخافيش
تبسمت معاه وقالت : عندي ثقة قيك خويا رائد نشالله متخيبهاش
_ كوني متهنية
هم ساكتين ويخزروا لبعضهم ويتبسموا جا صوت من وراهم ضعيف وخفيف
هزار : مانكم جيعانين ؟
داروا ليها وضحكوا ورائد قال : راح نموت بجوع هيا ناكلوا
قدموا منها وهي تبسمت معاهم جابت راجيني الماكلة حطوها وبداو ياكلوا
هزار كانت تاكل بأستمتاع كبير باين عليها الجوع
راجيني : رائد بعد ما نكملوا ماكلة انتم روحوا عند جد هزار وانا نروح لدار
هزار : لا بدي ياكي تروحي معي
راجيني : يا ريت حبيبتي اما والله تعبانة بزاف ولحمى كلاتني
رائد : اووو علاه مقتليش اني جبتلك دواء
راجيني : لا عندي فدار نروح نشربوا ناكلوا ونرتاح انت لمهم وصلني برك
راكبين فالسيارة قريب يوصلوا للدار راجيني كل شوي تعطس وتحك خشمها
رائد : راجيني باين حمى تاعك قاوية هيا تروحي طبيب معانا
هزار : صح خلينا نروح
راجيني : مكلاه شوي برد فرات احنا وصلنا نا نهبط
حلت لباب هبطت وقالت لرائد : رائد تهلى غي هزار واذا صار حاجة جديدة عيطلي نجي عندكم
رائد : ماعليه انتي روحي اشربي دواك ودفي روحك احسن ما تمرضي اكثر
تبسمت معاهم وقالت : ايه نشالله
راحت وهزار قدمت لقدام بحذى رائد وراحوا لسبيطار
هزار : راجيني كتير مهضومة وحلوى كتير انا حبيتها
رائد : ايه اخي سراج محظوظ بيها
هزار : تعرف هي قالتلي انها بتحبوا كثير
رائد : ايه حتى هو يحبها اما ميبينلهاش برك
هزار : ندعي ربي نشالله يجمعهم وما يفرقهم عن بعض
رائد : اميييين
وصلوا لسبيطار وهي هبطت تجري وهو وراها راحوا عند جدها دخلوا عندوا
هزار حكمت يدوا وبدات تبكي : جدي حبيبي انت راح تعمل العملية وراح تطيب وراح نرجع على سوريا انا بوعدك
جدها بصوت مخنوق وخافت خلاه : بنتي مين هالشب
هزار : هذا رفيقي من هو يعني جزايري اسموا رائد
كبس على يدها وقال بصوتوا الضعيف : انتي بتوثقي فيه
هزار : ايه هو ومرت اخوه كتير طيبين لو تشوفهم بس كيف عاملنوي وكأني وحدى من عيلتهم
تبسم معاه وقال : الحمدلله مد بدوا لرائد وهو حكمها وقرب منوا وقال : جدي متخافش راح تبرى وترجعلنا نشالله
جدها : ابني انا ما بعرف اذا راح عيش او لا بس اذا صرلي حاجة هزار في امانتك
رائد : تهنى راح نحافظ عليها مثل الجوهرة
هزار : جدي لا تحكي هيك انت راح تطيب
هوما هكاك يحكوا معاه ودخل طبيب وقال : راح ناخذ المريض على العمليات اسمحولنا
رائد : طبعا
هزوه وداوه وهي تمشي معاه وتبكي عليه حتى وصلوا لغرفة العمليات
الممرضة : مدام ممنوع تدخلي لازم تقعدي هنا
هزار ثارت تبكي وهو جا من وراها حكمها من كتفها وهي دارت عندوا وحطت راسها على صدروا وتبكي بشهقة وهو يمسح على شعرها حتى هدات قعدت على الكرسي وهو عيط اجيني حكالها وفي نفس الوقت طمن عليها وقاتلوا بلي فليل تجي تطمن عليهم وهو وافق يشوف فيها قاعدة على لكرسب مهبطة راسها ومغطية وجهها بيديها وتبكي راح جاب قهوة وقدم منها وقال : قهوة
هزت راسها وهو دارلها براسوا تاع هاكي وهي تبسمت معاه وحكمتها وهو قعد بحذاها وبدات تشرب فيها بشوي
هزار شكرا ليك انت فضلت عليا بوقفتك معي
رائد : متخافيش انا راح نبقى معاك طول
هزار : شكرا
رائد تبسم معاها وقال : العفو