كرونيك:💕💕 تزوجت هندية💕💕

73

الحلقة 73 ❤️
كانت تطيب فلقهوة بعد ما رجعت حوايجها في بيت رائد خاطر اموا راح تقعد عندهم رائد فرحان علللخر كيف ولو يقعدو في شومبرا وحدى يمكن يقدر يتقرب منها اما هي حشمانة وخايفة لا يجبرها على حاجة متحبهاش تشوف فيه هابط فدروج لابس شورط اكحل رياضي وكلاكات شعروا مركحوا بجال يديه في جيابو ريحتوا تضرب من لبعيد بهتت فيه للحظة وبعدها فيقها من سرحتها كيف قالها : صباح الخير لباس عليك
تبسمت ودورت وجهها للقهوة وقالت : حمدلله كتير منيحة
فات للفريجدار حلوا وطبس يخير في حاجة مليحة يشربها هز كنات تاع جي وقفل لفريجدار وجا داير ضرب كتفو. في خزانة بحذاه طيح لكانات وعيط يتألم طفات على القهوة وراحت تجري ليه حكماتوا من كتفوا وقالت : انت منيح
خزر فيها وتبسم وقال حادث بسيط متخافيش
نحتلوا يدو على كتفو لاقتوا ينزف شهقت فرد شهقة وقالت : عم تنزف خلبني عقملك الجرح
حكم يدها فوق كتفوا وقال : انك تكوني قريبة مني كل جروحي تبرى
خزرت في عنيه للحظات وبعدها قاتلوا : خلينا نروح حكماتو من يدو وراحوا لصالة قعداتوا وراحت تجري جابت علبة الاسعافات قعدت قداموا تخزر مع الجرح وهو يخزر فيها عنيها الخضر زادو فتاحوا من الخوف شعرها هابط على وجهها روبتها الضيقة عليها زادتها جمال على جمال