كرونيك:💕💕 تزوجت هندية💕💕

06

الحلقة السادسة 💓
دخلوا لصالة سلموا وقعدوا
عائشة : عجباتك شريكة
_ ايه بزاف وعندكم خدمة مليحة جدي حابة نولي نخدم معاكم
جدها : مرحبا بيك بنتي مال مالك

_ يعيشك جدي حبوبي
صونا لباب حلت لخدامة دخل رائد طفل كبير شوي في 30 من عمروا طويل وبدنوا ميسكل وسكسي على اللخر بڨوص عنيه كبار وفموا متحوف خشموا طويل شوي وعندوا لي فوسات ولحية خفيفة
قال : السلام عليكم
_ وعليكم السلام
رما روحوا بحذا جدوا وقال : اه حمودا علاه مجيتش تطل
يهدر ويخزر في راجيني
_ اه يا هامل لوكتا باش تقعد هك متقيمش لعباد لكبار
_ اه عيشوشة موش راح تعرفنا على هالطفلة
_ هاذي راجيني بنت عمك الياس هي كانت عايشة فلهند
_ اه هندية والله زينها زين هندي مشاء الله زلة
سراج : بلمناسبة اي تفهم دزرية
رائد : اه مليح وينهوا لبروبلام انا زادا نمدح فيها فرات
ناض وقرب عطاهلها يدوا هزت يدها وسلمت عليه
رائد : رائد ولد عمك احمد
_ راجيني بنت عمك الياس
باسلها يدها وقال : تشرفنا بنت عمي زينة
حبت تجبد يدها وهو لظلها عليها وتبسملها تبسيمة تخوبيث
سراج حس كيف يجبدلها في يدها بسيف وهي تحاول تجبدها خزر في رائد بشمئزاز وجبد يد راجيني وحكمها عندوا وقالوا: مرحبا بولد عمي
_ يعيشك شريكي
راجيني قعدت ساكتة في حين لخرين مسكتوش وكانت تتجنب في نظرات رائد ابخبيثة ليها حبت تنوض اما ملقاتش حجة
صونا تلفونها لقتها امها هزت عليها وقالت : ha maa ( نعم امي)
وستأذنت وخرجت تحمي معاها رائد تبعها بعنيه حتى خرجت وسراج لاحظ هاذ الشي وهو يعرف تخمام رائد لخامج يحب لبنات يطيحوا فيه ويقضي حاجتوا منهم ويطيشهم
كملت تحكي مع امها فجنينة وسكرت وقعدت تخزر للورد ومحست كان بيد تحطت على كتافها دارت لقاتوا رائد
جبدتها روحها بخوف وقالت : هذا انت