كرونيك:💕💕 تزوجت هندية💕💕

14

الحلقة 14 💓
طلعت بدلت قشها ولبست لبسة هندية ثقيلة مخلطة لي كولار تاعها سيبت شعرها وحطت مكياج خفيف مع شال وصل وقت لخفلة هبطتها امها مع سواروا وباروا لي لبسوا حتى هم لبسة هندية مطرزة ومليحة هبطوا قعدوها على لكرسي تاعها مهبطة راسها لكل يحط فيها حاشمة اما هي موش حابة تشوف في وجه امها وصحابها لي كانوا يشطحوا وفرحانين وهي مركزة مع الارض جاء سراج وقعد بحذاها منبهتلوش حتى حط يدوا على يدها وقال : وين سارحة
_ هنا برك نخمم فلكذبة تاعنا كيفاه راح تفظ
قالها بصوت مستهزء : طبعا بطلاق وكل واحد في طريقوا
_ نخمم في ماما كيفاه راح تزعف برك
_ تزعف ومبعد ترجع نورماال بعد مدة
خزرت فيه بعنين ذابلة ودموع في عنيها وقالت : عندك ساهلة مي هي لا
خزر فيها وقال : مكتوبنا نعيشوا هاذ الكذبة وننصحك متحاوليش تقلبيها حقيقة
خزرت فيه بتحدى وقالت : انت مهبول صح ربي يشفيك نشالله انا نحاول نقلبها صح مستحيل انت لي عندك لا تحاول
سراج : انا تهني مستحيل قلبي يحب مي ننصحك لوجه الله عندك تغلطي وتحبيني خاطر مصيرك لعذاب
خزرت فيه وقالت بإستهزاء : نحبك علاه انت واش فيك يتحب بلمناسبة
ضحك وقال : لمهم انا قتلك
جات باش ترد لكن شافت امها وام سراج جات عطوهم لخواتم في يدهم ، ناضوا وناس تجمعت وبداو يصرفقوا عليهم عطات ام راجيني لخاتم لراجيني وكان خاتم ذهب ابيض دويرة سامبل عاللخر عطتهولها وحكمت يدوا ولبستهولوا وهما يضحكوا في ضحكة مصطنعة قدام عايلتهم
امها : مبروك سراج راجيني
سراج : شكرا خالتي
راجيني : شكرا امي
سلمت عليهم امها وحظنتهم وراجيني هبطت مست رجليها وهي مسحت على راسها وقالتلها مباركة بنتي
جات سوارا دتهم لنص ساحة الرقص وحطولهم غنية رومانسية تهبل سطحوا عليها يروحوا ويجوا وهم مهومش طايقين بعضهم حاط يدوا في يدها محوطها بيدوا من خصرها يخزروا في عنين بعضاهم ويشطحوا وناس تصفقلهم وتزفر ذراري رجعوا لكراسيهم بعد شطحة وجا رائد عطاهم كادوا وقال: زواج مبارك نشالله
راجيني : شكرا ليك
_ العفو اما ممكن نطلب طلب
_ ايه تفضل
_ ممكن تشرفيني بشطحة
ومدلها يدوا
سراج : موش ممكن
خزرت فيه راجيني وتفكرت كيف قالها عندك تحبيني لانك راح تتعذبي ومدتلوا يدها وقالت : ايه ممكن وناضت معاه وهبطوا لتحت يشطحوا