كرونيك:💕💕 تزوجت هندية💕💕

46

الحلقة 46 ❤️
راح يجري ليها حكمها من كتافها وطلعلها وجهها لي كان هابط للارض ومعبي دموع وقال : راجيني واش بيك واش صرالك
حاكمة كرشها وتهدر : موجوعة بزاف
نحى يدها ملقاش حتى جرح او دم قال : واش بيك واش صرالك
_ مريضة
_ بباش
حشمت ودخلت بعضها وحمار وجهها وقالت وهي مطبسة راسها : مرض تاع النساء
تبسم وحظنها وقال : متحشميش مني هيا نوضي
حاكمة كرشها وتبكي قرب منها ونوضها من كتافها اما هي تعبت وموش قادرة تنوض رخات روحها وكانت راح تطيح اما هو هزها بين يديه حطت راسها في رقبتوا تتنفس بلقوي ولحشمة غامتها وهو شايخ عليها متعنكشة في رقبتوا حطها على سرير وغطاها وقالها : دقيقة ونرجع
دارتلوا براصها ايه وهو هبط طيبلها تيزانة ودارلها ماء سخون في حافظة تاعوا وطلع عندها لقاها تتوجع وتبكي قرب منها وقال : هيا نوضي اشربي تزانة تاعك
_ مرسي ليك
ربعت وشربتها ورجعت تكت وهو قرب منها هزلها تريكو وحطلها هذيك لكمادة تاع ماء سخون حتى ترخفت عليها شوي وحبست بكاء حطت راسها على المخدة حابة ترقد وهو طلع وراها حوطها بيديه وحطهم على كرشها وحط راسوا في رقبتها وباسها منها وقال : ارقدي راح يخف الوجع
تبسمت معاه وحطت يدها على يديه ورقدت في حظنوا حتى لصباح حلت عنيها لقاتوا راقد على ظهروا عريان من الفوق باسط رجليه على السرير حاط يدوا على جبهتوا ويد الاخرى محظنها بيها كانت راقدة على صدروا حاطة يدها على صدروا خزرت فيه تتبسم بعد ماا تفكرت ليلة البارح هزت شوي روحها هبطتلوا يدوا من جبهتوا وحساتوا رلح يفيق رجعت رقدت اما هو عدل روحوا شوي ورجع رقد قربت من شعروا وبدات تريقل فيه على جنب تبعد فيه من على جبهتوا وتمسحلوا على وجهوا وقدمت منوا بساتوا من خدو وقالت : محلاك ومحلى ريحتك ومحلى كل حاجة فيك لو كان جا بيدي راني نبقى نعيش معاك العمر الكل اما الله غالب زواج بلا حب لا معنى له
رجعت قدمت منوا طبعتلوا بوسة صغيرة على فموا وناضت تمشي بلعقل باش مايفيقش حبت لباب وخرجت رداتوا بلعقل وراحت وهو حل عنيه تبسم تبسيمة عريضة فرح بكلامها هي حابة تعيش معاه طول العمر قداه هاذ الشي فرحوا يعني هو سباب سعادتها ناض من بلاصتوا راح دوش بدل لبس سروال دجين مع شوميز بيضاء وقال : صباح نور
_ صباح الخير
_ رتحتي شوي
هبطت راسها وحشمت منوا وبدات تلعب بيديها وقالت : ايه خير من امس
قدم منها هزلها راسها وباسها من جبهتها وحكم وجهها بين يديه وقال : معندك علاه تحشمي هاذي حاجة طبيعية تصرى في جسم كل مرأة
_ ايه صح
قالتها وعنيها فالارض باسها من خدها وقرصلها خشمها بشوي وقال : نعبو زينك يا لحشامة تاعي  😘
تبسمت تبسيمة عريضة معاه وقالت : نروحوا
_ هيا
خرجوا للخدمة ومع وصولهم ناس كل تصبح عليهم حتى وصلوا وكل واحد راح للبيرو تاعها ومع دخولها للبيروا جبدت تصميم وبدات ترسم وكانت ترسم بلواقفة وادوات كانت لابسة سروال اكحل مع شوميز بيضاء وفاست كلاسيك ومسيبة شعرها ولابسة صالو اكحل بعدها شوي نحت لفاست وطبقت شوميز للمرفق هزت شعرها وحكماتوا بقلم ورجعت ترسم باحتراف وهي مركزة مع الرسمة حتى تحس بيدين حوطتها من وراها دارت شوي لمحت سراج رجعت كيف كانت وهويهدر معاها وشواربوا في رقبتها : واش كملتي ولا مزالك تخدمي
غمضت عنيها من جمال اللحظة وتحظينة وقالت : مزال شوي ونخلص
_ نروخو نتغدو
_ هيا
سيبها وهي لبست لفاست تعها هزت لبوشات تاعها وراحت وهو قالها استني
دارت ليه وقالت : نعم
قرب منها نحالها القلم وطاح شعرها وقال : هكا افضل واجمل
تبسمت وقالت اوكي