كرونيك:💕💕 تزوجت هندية💕💕

95

الحلقة 95
حلت عنيها على صوت حسوا تشوف فيه يوجد في روحوا فلمراية قالت : صباح الخير
هز تلفونوا وخرج بلا ما يجاوبها حاارت وزادت وجعتها لجاست ناضت تخزر لطاقة تلقاه راح حارت واش دارت هو لغالط وزيد هاز خشموا راجت دوشت وهبطت فطرت مع عائشة وقررت انها تعملوا ماكلة وتديهالوا للمكتب وتصالحوا وخلااه طيبتلوا واش يحب ولبست وراحت لشركة مع وصلت للبيرو تاعوا تسمع فضحك قالت لسكرتيرة : شكون هنا ؟
تكلمت : لنسة سارة تتغدى هي وسي سراج
تتفاجأت وقالت بوجيعة خليهالوا حطتلها علبة الاكل وخرجت تجري وتبكي غايضتها روحها ركبت وقالت لشيفور : لدار بليييز
قلع هو وسكرتيرة دخلت وقالت : سي سراج مدام راجيني جات وخلتلك هاذ الماكلة هو قال : اذا حابة ديها ولا طيشيها
دار لطاقة يشوف فطموبيل رايحة قال بصوت خفيف : تشري لمشاكل وتحب تراضيني بشوي ماكلة والفت هههه
سمعاتوا وتبسمت تبسيمة خفيفة وقالت : غير لخير سيراج
قال : لا لباس شوي تعب دار برك مأثر عليها
سارة : سايسها لمرأة تحب لحنانة
تبسم وقال : مرسي ربي يحفظك قداش قلبك حنين
تبسمت وقالت : يعيشك
ناضت وقالت : خلااص سراج انا نروح ايه حقا هاو ليك هاذ الدواء لوجاع راسك لي قتلي عليه كل كل يوم كعبة وراح تكون لباس نشالله وهاذ الاعشاب راح يخلوك تكون لباس مع ليل
سراج : مرسي ربي يعيشك
هيا انا نروح
سلمت عليه وخرجت وهو تبسم معاها ورجع يخدم في خدمتوا
________
رجعوا ربطوها في دار كبيرة هاذ المرة كانت تطل على بحر كل ما تشوف ليه تزيد دموعها تتفكر في كلام خالد مستحيل تصدق انوا مات مستحيل تصدق وهي هكاك وخالد دخل وقال : يزي بلا بكى رائد انسيه برك انسيه مات انسيه
تبكي بشهقة وتعمل براسها لا وهو يضحك ويقلها : ايه مات ايه مات
خرج خلاها وهي رجعت تبكي بشهقة وشعرها على وجهها
كان مطايش بحذى طريق قشوا مقطع مدمدم حل عنيه بشوي شاف في جنبوا يشوف في طموبيل تاعوا تحرقت تفكر كيفاه امس خرج من لكاروا بأعجوبة قبل ما تتطرشق تفكر هزار ناض يدهشر كل مايمشي شوي يطيح شاف عين قريبة راح ليها يمشي بتعب حلها وحط راسوا تحتها غسل راسوا وجهوا وجروحوا فطن شوي وقدر يوقف على رجليه قعد يمشي في طريق هذاك على امل يلقى اي اثر وفعلى لقى نفس لعجلات لي شافهم فرمل فشط مرسومين في وسط طين على طريق هرجية هز صوتوا يعيط عليها جروحوا تنزف قشوا مقطع مهوش هاموا حتى شي غير يعيط عليها هزااار هزااار وينك هزااار ويييينك ؟
قرب يمشي ويجري في هذيك طريق متأكد او قلبوا حاسوا انوا راح يلقاها في طريق هاذي اكيييد هزااار غطريق هذييبك