كرونيك:💕💕 تزوجت هندية💕💕

21

الحلقة 21💓
جا هابط زارب مفهمتش وين ماشي كانت الحفلة فضت وناس بدات تروح هي غفلت الناس كل ومشات وراه ركب في طموبيل تاعوا وراح يزارب ركبت في طموبيل سارڨيس وقاتلوا تبع هاذ الطموبيل الكحلة متخليهش يروح منك اوكي
_ حاضر مدام
هو يزارب والطموبيل وراه حتى وصلوا لبلاصة مهجورة نو تصب بغزارة كبيرة حبس ونزل وهي سلكت مول طموبيل ونزلت وراه راح جيهة لبحر لقى ثم رائد ومع وصل لا سلام لا كلام عطاه بونية على وجهوا طيحوا ناض را وضحك ومسح دم من شفتوا وردلوا بوحدة اخرى وقالوا : ايا اضرب علاه خايف اضرب
رجع سراج وبدى يضرب فيه ويضرب بلاش رحمة وقالوا : تحللها فروبة يا كلب
ورجع يضرب فيه بكل قوة ورائد يردلوا ومبعد قال رائد : خايف تصرالها كيف ما صرى لسارة
قرب منوا وخنقوا بكل قوتوا حتى راح يتهنق وهو يضرب فيه على كرشوا وهو مسيبوش راجيني كانتت تتفرج عليهم من وراء الطموبيل مي كيف شفاتوا راح يقتلوا راحت تجري ليه حكمتوا من يديه وتجبد فيه وتقول : سراج خليه راح تقتلوا خليه
سراج : خلي يموت باش يبرد قلبي على واش دار في سارة خليه
تجبد فيه بكل قوتها دزها سراج طاحت فالارض وضربت في حجرة حتى يدها تجرحت طاح الشال تاعها ورجعت ناضت وتجبد فيه حتى بعدتوا دزاتوا ورائد جبد النفس وقال : نزيد نخبرك حاجة راجيني راح يكون مصيرها نفس مصير سارة
جاي يروحلوا وراجيني دز فيه قال : جرب سعدك وقرب منها وتشوف نمحيك من وجه الدنيا
راجيني فرحت بهدرتوا وانوا خايف عليها من رائد وانوا يحاول يحميها منوا لوكان بدموا وحبت تهديه وقالت : رائد انا معلباليش قصة سارة واشي هي اما شي لي نحب نقولهولك اني عمري مراح نكون ليك لانوا انا لسراج واسمي مقرون بأسموا وكيف يتذكر اسم سراج يتبعوه بأسمي فهمتي
ضحك بصوت قاوي وبدى يصرفق وقال : عليها يقولوا عليك هندية يا خيتي حسبتيها فيلم افهمي هو متهميهش انتي كشخص هو لي يهموا انوا ميخصرش كيما خصر سارة
دمعت عنيها وهبطت راسها شي لي حمدت عليه ربها انوا دموعها تخلطوا مع النو ومبانتش تبكي قداموا وانوا يهمها
هزت راسها وقالت : متهمنيش انوا مهتم بيا او لا شي لي يهمني اني منخليكش تخسروا مرة اخرى وتصرى نفس قصة سارة وهذا وعد من راجيني بن سالم
حكمت يد سراج وراحت لطموبيل ركبت هي وياه وراحوا راح ديراكت لبلاصة فجبل تطل على لبحر فيها شجرة كبيرة تاع ياسمين وتحتها كاين قبر مليان ورد. مبني هبط يجري للقبر وطاح عليه وقال : سااااااااااااااااااااااااااااارة
قالها بأعلى صوتوا راكع على رجليه قدام لقبر حاط يديه على تراب القبر ويبكي بحرقة نوتصب عليه وكانوا سما حزنت لحزنوا ناض وراح لحافة الجبل ويهدر بأعلى صوتوا ويقول : علاه رحتي علاه انا مزالني نحبك لليوم تصاورك وفيديواتك ميخلونيش نشبع من ريحتك لليوم مزلت نسمع في اخر فيديو ليك ونبكي بحرقة قلبي الموجوع انا نحبك علاه رحتي علاه علبالك بلي غدوا عرسي صحيح راح نعرس اما قلبي مزال معاك قلب سراج ما يكون فيه غير سارة وعمروا ما راح تدي وحدى بلاصتك علاه رحتي وحرقتي قلبي علاه لليوم مزلت نحوس عليك اما دايما نرجع ونقول بلي هي ماتت وتدفنتي في هاذ القبر اما والله منيش متأكد بلي انتي متى لانوا هاذ القبر منيش نشم فيه ريحتك وكيف نجي هنا منحسش بروحك يهدر ويقرب للحافة راجيني تبكي بخرقة عليه وعلى هدرتوا ولي زاد حرق قلبها انوا يقلها بلي بلاصتك في قلبي حد ما يديها شفاتوا قريب من لحافة راحت تجري ليه جبداتوا بكل قوتها دار جا في حضنها حظنخا بكل قوتوا حتى انوا ضلعوهم راح يدخلوا في بعضهم وقرب من وذنها ويهدر : انا نحبك سارة علاش رحتي سارة
حكمت يدوا وقالت : هيا نروحوا
ركباتوا فطموبيل من جيهة ليمنى وحطتلوا سانتير وهو يخر في شعرها لمبلول وكيفاه تروح وتجي قداموا حكمها من خدودها وقرب من فمها وباسها بقوة حتى نفس تقطع عليهم هي تجاوبت معاه وهو بعد لحظات من لبوسة سيب شواربها وقعدوا قراب لبعضهم دزها على لباب حتى ظربها لباب وجعها في كتفها وقال : انتي ماكش سارة وحتى بوستك مفيهاش لذة لي نحسها معاها تبسمت معاه وقفلت لباب وراحت من خلف طموبيل وسندت روحها وتبكي بشهقة على الاهانة لي تعرضتلها ضرك قلبها وجعها مسحت دموعها بطرف يديها وراحت ركبت فطموبيل نوضتها وتدعي في ربي مديرش اكسدوا خاطر فلهند يسوقوا غلى جيهة ليمنى وهم ماشين فطريق هو مدور راسوا لشباك وهي عنيها على طريق وتركيزها على لكلام لي قالهولها على لبوسة وكيف يعيط علىى سارة ويقول بلي حد ما يدي بلاصتها
وصلوا قدام الباب تاع دار ونزلت هي الاولى وراحت من جيهة تاعوا وخلت لباب وقربت منوا حلت سانتير وهو يدز فيها مرة يظربها لباب مرة طموبيل مرة كاروا مرة هو يوجعها فالاخير تمكنت من انوا تحللوا سانتير تاعوا وجبداتوا من يدوا وقالت : هيا ننزلوا
هو دزها حتى ضرب راسها فطموبيل وقال نمشي وحدي
تبسمت معاه وقالت : اوكي
هبط يمشي ويتمايل وهي وىاه كل ما يحوس يطيح تسندوا بجسمها ضعيف وهو يزيد يدزها ويمشي وصل لغرفتوا وطاح على سريروا وهي وراه قاعد يرعش من السخانة