كرونيك:💕💕 تزوجت هندية💕💕

34

الحلقة 34 💓
_ اعجاب ؟
خزر فيها مطولا ومبعد طرشق بضحك وقال : واش صرالك انتي صدقتي ولا
فاقت مع روحها وجبدت روحها وقالت وهي تعدل في شعرها : لا مصرالي والوا مي معاتش تعمل معايا الحركات هاذم
ناض ووهو يقرب وهي تبعد حتى لسقها فلحيط ومبعد حط يديه على لحيط من جيهتين وقال : علاه واش تحسي كيف نديرهم
تربثت ودخلت بعضها ومبعد قالت : حتى شئ ما نحس حتى شئ
دزتوا وطلعت تجري لشومبرتها دخلت دوشت وبدلت قشها وهو طلع بدل قشوا وهبط رجعت كلات شوي وراحت لمت طابلة وهو قاعد قدام تلفيزبون يتفرج كملت نظفت وجات قعدت بحذاه كانت لابسة روبة قصيرة فوق الركبة منورة بالاحمر والابيض جايا تنورة من لتحت. وطالقة شعرها لي يوصل لخصرها وكلاكات في رجلها جات قعدت بحذاه وحطت رجل على رجل وقعدت معاه خزرت معاه كان لابس سروال رياضي اكحل ومتكي فلبونكات فصالة عريان من لفوق حاط يدوا على جبهتوا ومغمض عنية قربت منوا وطبست عليه فوتت يدها قدام عنيه محلهمش خزرت فلحرق كان احمر قربت يدها من صدروا وحطتها على جرح وفوتت يدها وهو حل عنيه وجبدها بغدرة جابها تحت وهي تفرفرط وتقلوا سيبني وشعرها كامل على وجهها وهو حكمها من يديه بيد وهز الاخرى وبدى يبعدلها شعرها على وجهها وهي تفرفط ومبعد قال : اركحي يا فرفاطة
خزرت فيه وحلت فمها تاع مصدومة وقالت : انا فرفاطة راك سير
_ ايه فرفاطة كبيرة
عوجت فمها بطريقة لولاد صغار وقالت : نوض عليا يا سمين راح تخنقني
_ انا سمين !!!! ههههههه راكي غالطة خلطتي بيناتنا
خزرت فيه مركزة في عنيه وتحكي بجدية وقالت:واش قصدك ؟
_ افهمي وحدك
بدات تفرفط حتى سيبها ناضت وبدات تهدر وهو يخزر فيها كيفاه تهدر بغش وشعرها تدي فيه ريح من طاقة لمحلولة
_ انا سمينة منيش سمينة عندي طاي تاع هنودة ونوزن 58 كيلو فرات وزيد حتى وكون نسمان منوصلش نوزن قدك فهمتي واخر مرة تقول عليا سمينة انا منيش سمينة
هي تهدر وتشوف معاه كيفاه شارد فيها وهي تلوح بيدها قدام وجهوا وهو مطفيها نفخت بقلقة وحلت فمها باش تهدر وهو حكمها من راسها من وراء وجبدها ليها وحط شفايفوا على شفايفها وباسها بقوة وهي تجاوبت معاه بعد ما تفاجأت اما مبعد تفكرت كيف قالها انوا مستحيل يقدر يحبها دزاتوا وقالت وهي تعيط عليه : واش قاعد تدير
دخل بعضوا وبدي يمسح على شعروا و جهوا ويحكي ويمهمه : سامحيني مهه .موش قصدي اني مهمهه نبوسك
وطلع يجري لشمبرتوا دخل وطربق لباب وراه وراح بدل قشوا وهز مفاتحوا وخرج وهي راحت لشومبرتها ووقفت قدام لمراية وتخزر لشفايفها وحطت يدها تتلمس فيه غمضت عنيها تتفكر في لبوسة كيفاه فاتت وهو هز طموبيل تاعوا وراح وفي خيالوا مكان غير لبوسة لي معرفش علاه باسها هو حس بأنجذاب كبير ليها وحتى انوا كيف باسها حس برعشة سرات في جسموا محسهاش من اخر بوسة باسها لسارة ضحك ضحكة سعادة وكأنوا لقى نصوا ثاني لكنوا فجأة جا في وذنيه كلام رائد كيف قالوا :" كل ما بتحاول تقرب من راجيني تفكر انك بتخون سارة "
عيط بأعلى صوتوا بعد ماخبس طموبيل على حافة لبحر وقال : علاه يا ربي علاه منقدرش نحب من جديد ولا نقدر نبقى مع حب حياتي راني تعبت
وتكا على لڨولو