كرونيك:💕💕 تزوجت هندية💕💕

115

الحلقة 115
هاز بنتوا في يدوا ميليسا لابسة روبتها الحمراء وصندالتها البيضاء شعرها محكوم قطوشات صغار جاية تهبل فرات وهي تلعب بلحيته وهو يضحك على تصرفاتها
تلقاتوا اموا وقالت : وين رايحين حبيباتي
ميليسا بدات تصفق وتقول : ما ما
وهو قال : شو ستوتة فهمت بلي رايحين عند امها
عائشة : يا ولدي بزايد برك 9 شهر وهي عايشة بالاجهزة نحيهم خلي ترتاح
سراج : موش قلت يا يما بلي منقدرش وزيد مزال عندي امل
هزار ورائد جاو داخلين يعازن فيها باش تطلع كرشها دازة قدامها عندها 6 شهر حمل وكرشها قدامها عندها توم طفل وطفلة تعبانة بزاف وقربت من سراج وقالت : وين رايح انت وبنتي
وهي مدت يديها حابة تروح عندها حكمتها وبدات تبوس فيها
وسراج قال : ثقيلة عليك هزار
هاذي بنتي حبيبتي مهيش خلاه ثقيلة
سراج : والله مهما شكرتك ومنوفيكش حقك انت اعتنيتي بيها وكأنها بنتك
هزار : اصلا هي بنتي امها كيف اختي وعاونتني في اصعب ايامي وانا درت واجبي فرات
سكت رائد شوي وقال : اعطوني بنوتتي لحلوة وخطفها من عندها وبدا يطيش فيها لسماء وهي تضحك وبعدها قال : ياااي واش تشبه لأمها نسخة طبق الاصل
سراج : ردلي بنتي احنا رايحين نشوفوا ماماه
مدهالوا وقال : والله انت تعذب في روحك وتعذب فيها فرات نحي الاجهزة خليها ترتاح
سراج : انا وانت لما رحنا لمكة دعينا لزوج يحققلنا واش في بالي وبعد ما فقدت الامل انو ربي يجمعك مع هزار جمعكم وهي حامل منك بتوم مشاء الله وربي يهنيكم وانا دعيت يرجعلي راجيني وانا عندي ثقة فيه انوا راح يحققلي امنيتي
رائد : نشالله يا رب وتتجكعوا مرة اخرى
خرج رايح ليها وهزار حظنت رائد وقالت : ميأسش خلاه يارب ويكافه الله وترجع راجيني سالمة
رائد : نحبك يا لحنينة تاعي وباسها على خشمها
وهي قالت : خلص هلا بيشوفنا حدا
رائد : يوم روحت من مكة جيتيني تجري وتقولي انا نحبك وتبوسي فيا فشارع وتحضني فيا ومخليتي ما تعملي فلشومبر وضرك تقولي يزي شو هالاختلاف وغمزها
وهي ضربتوا على كتفوا بشوي وتعنكشت فيه وهو قال نحبك يا روحي
دهلوا مجمعين داخل محمد وكلهم قاعدين يقصروا فرحتهم قوية ببنت سراج وتوم رائد اما راجيني كول في قلبهم حتى بعد ما تسجنت سارة هذا خلا قلبهم مرتاحش محمد حاس بذنب بأنوا هو السبة وهو ضعف ولا غير يخمم عليها