كرونيك:💕💕 تزوجت هندية💕💕

108

الحلقة 108
ليندة : الو علاه متردش على مكالاماتي
رائد : قولي واش تحبي من عندي
ليندة : خالد علاه شكيت بيه وخلتيه يدخل حبس
رائد : هو حاول يقتلني انا ومرتي وهذاك جزائوا
ليندة : ياخي راكم لباس عليكم خليه يروح
ضحك ضحكة كلها وجيعة وقال : ليندة كنت راح نموت علبالك كنت راح نتدفن وحابتني نخرجوا من حبس
ليندة : يا رائد ولدي بنتي راح نفقدهل وتموت بين يديا لا تاكل لا تشرب رجعلها راجلها
رائد بصوت عالي : واش من اختي واش من اختي يسوق بسرعة ويهدر اختي لي من 17 سنة مشفتهاش انا نقلك بلي كان راح يقتلني انت تقوليلي اختك لدرجة خاذي انا منعنيلك شي لدرجة هاذي انا كي لكلب عندك حرام عليك كي عدتي متحبنيش علاه جبتيني لدنيا هاذي جبتيني باش نتعذب علاه حرام عليك علاه عليك ملي مات بابا رحتي وخليتيني نسيتي واش بكيت على جالتك علاه كي حاولتك باش تديني معاك انت ديتي اختي وخلتيني في هذيك دار وحدي حرام عليك رجعتي والله فرحت يا ليندة كي رجعتي قلت رجعت خاطر سمعت بيا زوجت بلاك حابة تباركلي وتولي تطلب سماح والله كنت مستعد نسامحك يعد ما تقوليلي اسمحلي حبيتك تعنقيني وتقولي ولدي سامحني والله ظروف مكنتش راح لومك وراح نسامحك مهم امي رجعت اما انت خربتي بيني وبينها بعدتيها عليا ولعبتيلي لعبة بكتيني دم بدل دموع
دموعوا طاحت مسحها وكمل يسوق طاير فطريق وهي تخزر ليه كيفاه يهدر ويبكي وقال : حابة خالد راح نخرجوا ونبعثهولك اما من ليوم معاد نعرفك وما تعرفيني اخرجي من حياتي  معاتش تنعتيلي وجهك ونقلك ديري حاجة ربي يسمع لدعوة والدين احيانا كيف تكرهيني هزي دعوة لربي وقولي يا ربي  يموت ونتهنى منوا
طاحت دموعها كيف قال هك حابة تحظنوا اما معندها متعمل بعد شي لي دارتوا معاه قبيلت
كمل يهدر : حد فيكم لاهوا مهتم لوجودي ياربي ونموت ونروح عند بابا هو وحدوا لي يحبني منكم نروح ونخليهالكم واسعة وعريضة سمعتي ليندة ادعي يا ليندة ادعي