كرونيك:💕💕 تزوجت هندية💕💕

76

الحلقة 76❤️
قاعدين على طاولة لغداء ياكلوا
تكلمت ليندة : امممم بنين يسلم يديك هزار
خزرت هزار فيها وتبسمت ودارت لرائد وهو قال : تقول بلي طبخ يدك طيب
رجعت خزرت فيها وقالت : عنجد ؟ شكرا لالك خالتوا
ليندة : واش خالتوا هاذي قولي ماما
هزار : بس ...
قطع عليها صوت رائد وهو يخزر في اموا : واش ليندة ولدك ميعيطلكش ماما حبتيها هي تعيطلك ماما تتمسخري بيها ولا بيا
ليندة تبسمت : انت خر ولدي اعوج اما ظاهر كنتي راح تكون طيبة وتعيطلي ماما واش رايك هزار
هزار تبسمت وقالت : اكيد امي
خالد شرق بلماكلة وسيح على شوميز تاعوا كيف سمعها تقول امي خزروا فيه كامل وليندة وعطاتوا كاس ما شربوا وقال : وينوا دوش
جا يهدر رائد سبقتوا ليندة وقالت : هزار روحي ديه للدوش
ناضت وقاتلوا : من هون لو سمحت
هي تمشي قداموا وهو يتبع فيها ورائد عينوا متنحتش عليهم ليندة حاولت تشغلوا وقالت : هزار زينة ربي بارك وتحلى في عين كل واحد اما تبان نية بزااف
عينوا معاهم ويهدر في نفس الوقت : هزار ليا وحدي ولي يحط عليها عينوا نقلعهالوا اوكي
دخل لدوش يغسل وهي قعدت في فم لباب هازة لبشكير غسل ودار ليها جا يهز لبشكير من يدها وتلمس يدها هي جبدتها بلخف تبسم معاها ومسح وجهوا قالت : انت منيح
قدم ليها حتى ضربت فلحيط وقال : حمدلله مد يدوا هي خافت وبعدت وجهها وهو علق لبشكير وبعد شوي عليها تنفست خزر فيها وقال : عنين يهبلوا هزها بنظرة من فوق لتحت وقال : بكلك تهبلي وعض شاربوا جات خارجة تمشي وتزارب وتخزر وراها مشلوفة شعرها على وجهها هازة روبتها بين يديها وتزرب خافت من نظرتوا ليها حتى حست روحها ضربت في حاجة هزت راسها لقاتوا رائد حظناتوا بقوة كبيرة وحطت راسها في صدروا وكمشت على تريكوه في ظهروا رجع حظنها وقال : هزار واش بيك واش صرى كاش عملك جاجة قوليلي بعدلها راسها من على صدروا وحكموا بين يديه هزلها راسها وقال : واش صرى علاه عنيك مدمعين وحالتك صفرة وخايفة
حكمتلوا يديه وقالت : انا منيحة بس كنت عم دور عليك من شان نروح نشوف جدي وقت لزيارة هلا
هزلها يديها وحطهم قدام فموا وباسهم وقال : هزار اذا واحد منهم قلقك بحاجة قوليلي انا طول معاك وفي جنبك نحميك لوكان بروحي
تبسمت معاه وقالت : عنجد شكرا لانك بحياتي
تبسم معاها وقال نروحوا لجدك
قالت : اكيد
مشا هو وهي تبع فيه دخلوا لشمبرتوا هو قال : راح نبدل قشي ونجي هز قشوا ودخل للدوش لبس سروال دجين وتريكو ابيض وارماكس كحلاء وخرج يريقل في شعروا هي مزالت في نفس لبستها تخمم في لي صرى معاها كل من حيزة ما زوجوا حتى ليوم تفكر كيفاه كل مرة يوقف في جنبها ويحميها ومهوش متخلي عليها حتى وانهم متزوجين وعايشين في نفس دار ونفس شومبرا ومخممش يقرب ليها خلااه ركزت معاه كيفاه يمشي ويريقل في شعروا متوجه للمراية ويصفر وزاد هبلها كيف وقف مستوي قدام مراية يريقل في قشوا وكتافوا مخست بروحها كان وهي تجري راحت حضنتوا من وراه حتى تفاجئ دارلها بشوي وهي رجعت حضناتوا بقوة وهو ثاني وقال : هزار واش صرى احكيلي
هزار : بس بدي احضنك واشكرك لانك موجود بحياتي ولانك عم تحميني وواقف جنبي
كبس عليها كثر وقال انا طول معاك هيا البسي خلينا نروحوا
راحت بدلت قشها وخرجت لبست سالبوات كحلة مع تريكو ابيض وبسكات بيضاء سيبت شعرها لي واصل لنص ظهرها وخرجوا يتابعوا
ليندة : وان رايخين
هزار : لعند جدو بلمستشفى امي
ليندة : جد مين
رائد : جدخا عامل عملية فلمستشفى رايحين عندوا مبعد ونحكولك لحكاية باي
جبدها من يدها وخرجوا ركبوا فطموبيل وراحوا
____ ________
روحوا لشومبرا تاعهم فالاوتال ميتين بالتعب مع دخلوا نحت هي الشال طيشاتوا على الارض والصباط كيف كيف وطيشت روحها على السرير على وجهها
جا من وراها هز شال حطوا فلخزانة وصباط في فم باب وراح بدل قشوا لبس شورط ڨري وكلاكات وجاها تكى بحذاها على كرشوا وقال : حبي نوضي بدلي قشك
_ اممممم ضرك نوض
بعدلها شعرها على وجهها وقال : هيا حبي نوضي
حلت عين وخلت عين وقالت : لا منوضش خليني نرقد
_ اوكي ارقدي
رجعت غمضت عنيها وهو هزها بين يديه داها لدوش وهي تفرفط بين يديه وتقولوا سيبني قعدها على الكرسي وهي بوزت شواربها كيف لولاد وقالت حابة نرقد راح جاب مشطة لملها شعرها كعكة وغسللها زجهها من المكياج وجاب بيجامة نوم على شكل قميص لبسهولها بعد ما نحالها قشها وهزها للسرير حطها وغطاها ورقد بحذاها محضنها وفرحان بوجودها بحذاه منظرها يخليه يشعل اما ميحبش يغصبها حتى على حاجة