كرونيك:💕💕 تزوجت هندية💕💕

109

الحلقة حبت تلم وهو مخلهاش وعيط لدنيا حات لمتبهم دنيا كل وهو طلع حط قشوا كل في شومبرتوا وهي ثاني وجدت غرفة جدها هبط لقى دنيا كملت جبد عطاها دراهم حق تعبها وطلبلها طموبيل توصلها للفيلا
هبطت طيبت شوي ماكلة حطتهم على طاولة وعيطتلوا ياكل قرب قعد يلعب بلماكلة وجاه تلفون خبروا بلي اخلوا سراح خالد شكرهم وهز تلفون عيط لصاخبوا وحجز  تذكرة لفرنسا ورجع عيط لخالد مع هز علبه تكلم وقال : ترجع لفرنسا عند مرتك ونسمع حكيت واش صرى هنا ليها نقتلك وندفنك ثم في فرنسا رخلة تاعك على 6 تاع لعشبة بقات ساعة ونص ياويلك متروحش تعرف نقتلك ونعاود نردك وان كنتي فهمتي
كوبا عليه ورجع ياكل نفسوا مسدودة اما لازم ياكل
_____  
قاعدة تفرز في دوسيات لي بين يدبها فصالة تكلمت وقالت عائشة: علاه جايبة خدمة معاك لهنا
راجيني : لازم نكملها في اقرب وقت ممكن قبل ما نسافر
عائشة : وين رايحة
راجيني : راح نرجع للهند
عائشة: رابحة انت وسراج
راجيني: معاتش اصلا كاينة حاجة اسمها انا وسراج رايحة لوحدي
عائشة:: واش تهدري يا لنتي وحفيدي وواش صرى بيناتكم
راجيني: شوفي مع ولدك هو رجع لحب حباتوا عندي 5 اشهر وانا صابرة عليه انا صاي تعبت راح نطلق ونرجع للهند ونروح منا
عائشة: وحفيدي؟
راجيني: هذا ولدي انا وقت كنت نتوحم ولوحم عامل فيا حالة ومزال عامل فيا حالة لضرك وهو مهوش اصلا سامع بيا ولا بيه ولدكم يجيكم كل عطلة تشوفوه منيش راح نبعدوا عليكم اما راح يظل معايا
عائشة : هذا ثاني ولد سراج يا بنتي
راجيني : مهوش ولدوا ولدوا بالاسم برك تعرفي اني انا جاني لوحم عليه ايه يا ماما جاني عليه نحب نحظنوا نشم ريحتوا ريحتوا يماما عاملة فيا عمايل نحب نبوسوا ونرقد عندوا اما هو بعد عليا بلكل ووقت ما نقرب منوا يبعدني عليه تعبت انا تعبت ريحتوا لي قلبي خارج عليها نشمها في قشوا خاطر منقدرش نقرب ليه نشبع فيه بتصاوروا خاطر منقدرش نشوف فيها فض كلش 5 شهر وانا تعبانة وصابرة اما ضرك صاي فض كل شي
هزت روحها وطلعت تجري لبيتها دخلت لقات تريكوا سراج يطايش فوق سرير يطايش هزاتوا وقعدت تشم فيه وتبكي وتهدر بغصة : ااااه يا سراااج ااااه شويت قلبي ومزلت عامل فيا عمايل ااااااه يا قلبي
وهي تيكي وهو دخل ناضت بزربة حطت تريكوا تاعوا بلا ما يشوفها ومسحت دموعها ورايحة تخرج للبالكوا وهو هدر وقال: راجيني
دارت وقالت : كان تحب على بيروا اديه على روحك معاتش حاجتي بيه وبشركة كل صاي انا راح نروح من كي نطلقوا نروح من كل حياتك
قرب منها وحظنها ومسح على راسها وقال : راجيني سامحيني
تفاجأت اما طرشقت بلبكاء وبدات تضرب فيه بشوي على صدروا بيدها وقالت : علاه عملت فيا هكا علاه قلبي تحرق وانت بعدتي عليا علاه عملت هكا فيا اش عملتلك انا حتى تعمل فيا هك
وهو يمسح على شعرها وتفكر واش صرى لتحت هو سمع كل واش قلاتوا لأموا لتحت وتفكر كيف بساتوا وقربت منوا وقالت انوا موش منها وكيفاه تعامل معاها هكاك حطت خشمها في رقبتوا وتشم في ريحتوا قعدت حوالي 10 دقايق وهي تشم في ريحتوا وبعدها ولت تبوس فيه من كل بلاصة في وجهوا عنيه خددوا فموا رقبتوا كل بلاصة
حست على روحها وجبدت روحها بلخف وقالت : سامحني والله موش مني والله معاتش باش نعاود نعملها
تكلم وقال : نعرف من لوحم نعرف اما انت سامحني خاطر بعدت عليكم
قالت : معاد ينفع لا سماح ولا غيروا ضرك قالت هك ورلحت للبالكوا وهو جاء وراها وقال : صدقيني منعرف واش بيا صدقيني انا نحس في روحي بعدت عليكم مع اني نحيكم بزاف كل ما نجي نقرب منك منقدرش وسعات موش بطاقتي نشوفكم وحوش وكأنكم راح تكلوني ونكرهكم ونبعد وطول نحس في روحي تعبان ومهموم ونشوفكم انتم سبب منعرف علاه اما منرتاح غير كيف نكون فلخدمة
تكلمت بغصة : تكون مرتاح كيف تكون مع سارة موش ترتاح فلخدمة
قال : ايه مع اني نعرف ماضي كل اما انا منرتاح كان وانا معاها وهي معايا
قالت بعصب : مالا روح عندها وخليني في حالي
ثارت تبكي وهو قال : نتمنى كون جيتي تفهميني سامحني والله لا نعرف واش صايرلي
راجيني قالت : روح اخرج بعد عليا و خليني في حالي
خرج وخلاها وهي ثارت تبكي عيطت لرائد وتفاهمت تتلقاه برى يحكوا
سراج دخل دوش خرج ملقاهاش طلب من دنيا تغليلوا اعشاب خاطر راسوا راح يطرشق غلتلوا تيزان كيما وصاها رائد شربها ومخخفتلوش وجع كيما مالفة ولا جبد دواء كلى منوا وخلاه  فوق طابلة تاعهم وخرج
راحت راجيني تلاقات برائد حكتلوا كلش وهو قالها واكدلها شكوكها بأنوا سراج مسحور واكيد هو ياكل في دواء والا حاجة حكالها بأنوا بدل الاعشاب ولازم تحوس في شومبرتوا على اي حاجة ياكل فيها موش طبيعية ولازم يعسوا ماكلتوا في شركة ومعاتش يخلوا هذيك كلبة تجيه ويتبعوها