كرونيك:💕💕 تزوجت هندية💕💕

97

الحلقة 97❤️
رجع لدار يلقاها تتفرج فصالة خزر فيها وقال : سلام عليكم
خزرت فيه وتبسمت وقالت : وعليكم السلام
حطلها ساشية وقال : شوفي فيها واحد الاعشاب غليهملي وطلعيهم لشومبرتي في قرعة تاع زجاج داكور
قالت : لواه !؟
خزر فيها وقال : لوجايع راسي
_ مي علاه مرحتش لطبيب ؟
_ وانتي واش دخلك حياتي ؟
حارت من كريقة كلاموا وهو طلع وخلاها فصالة وحدها تبكي راحت طيبتهم وهي متقززة من ريحتهم لقاوية ودتهملوا حطتهم على طاولة وهي رابطة خشمها خزر فيها وقال : واش بيك ؟
قالت : واااع ريحتهم ترهج تعيف كيفاه راح تشربهم
خزر فيها بتشناف وقال : مكان مدخلك
دمعتها طاحت مع دوران نفسها راحت تجري للدوش تتقيا وهو تبعها وقال : واش لباس
دمعتها طاحت كيفته بين ليلة ونهار تبدل وقالت : حمدلله
خرجت من دوش تخزر فيه كيفاه يبدل في حوايجوا وعينيها قلوبا بدنوا لميسكل قربت منوا وحظناتوا من وراه يديها تفوت فيهم على صدروا مي هو بعدها عليه وقال : مزال منسيتش كيفاه امس تهيني فيا وليوم تحبي تقربي مني
بدات تبكي وقالت بشهقة : وكتا انا عملت هكا علااه عليييك انا شعملتلك
دزها على جنب وفات هز شوميز تاعوا وقال : معاتش تقربي مني احسلنك اوكي
تبسمت معاه وقالت : كيف ماتحب معلييش
خرج وهي طاحت فلقاعة تبكي بشهقة حايرة علااه يعمل هك وينوا سراج تاع قبل علااه متبدل عليها هي واش عملت
قاعد فصالة يقرئ فالاميل وهي هابطة فدروج حست بدوخة حبت تنادي عليه مي تفكرت كيفاه عيط عليها ولت حكمت فالحيط وسيبت لروحها قعدت حاكمة راسها بين يديها وقاعدة جات عائشة وشافتها هكاك راحت تجري ليها وقالت : بنتي راجيني واش بيك
خزر فيهم وناض ليهم حكمتها من يديها وهي حاسة بدوخة قالت وهي تتبسم : مكان والوا ماما شوي دوخة برك
قرب منهم سراج وقال : واش صايرلك اذوان كنتي لياس عليك
تبسمت وقالت : متقلقش روحك تعبانة برك
عائشة : ولدي هز مرتك لسريرها وعيط لطبيب
راجيني : لا مكلاه راني لباس شوي تعب برك راح نكون لباس جات نايضة وحست بدوخة كانت راح تطيح مي سراج لقفها جا راسها في رقبتوا شمت ريحتوا ومحست كان بكروو ضربها قداش ريحتوا بنينة وتعشقها قربت منوا اكثر وهو حس عليها جبدها من حضنوا وقال : هيا اهيطي حكملها يدها وقعدها على لكرسي فصالة وهي قالت : راني لباس متقلقوش
عائشة : اكييد دختي من شر متغديتيش
راجيني عملت براسها لا قالت : عرفتها متغدتيش كنتي تستني فيه تاكلي معاه شوي سي سراج ظهر متغدي
سراج : يما موش محتم تستناني انا شبعان
راجيني : خلااص يما راح نكون لباس
راحت تجيبلها لماكلة وهي قالت : بليييز متبين والوا لماما راح تتقلق علينا
خزر فيها وقال : متعلمنيش واش ندير وانتي غير اقفلي فمك واهتمي بصحتك ضرك متنتابه لوالوا
تبسمت وقالت : معليش
دار يخدم وخلااها هكاك حتى سمعوا صوت التلفون راح هز وتفاجأ كيف سمع لخبر وقال : وشنوووو رائد وهزار في سبيطار ؟؟