كرونيك:💕💕 تزوجت هندية💕💕

55

الحلقة 55❤️
هز تلفونوا لقاها ديجا معيطتلوا 3 مرات عرف قداش طول عليها وقداش هي متوحشاتوا وزاد لقى مساج منها " slm nchalh tkon cv hbit nsa9si ida rak mlih w sahtak lbas ama daher ank mchagol bzaf lmohim mta3bech rohek fl 5dma bzaf ana rani n3ad f d9aye9 bach trja3li twahchtk bzaf ya rohhii😭😟"
بعد ما قرى لمساج عرف قداش هي متوحشاتوا اما حشمت من كل مرة هي لي تعيط وهو مهملها بسبة خدمتوا عيطلها مرات بزاف اما هي مهزتش عيط لاموا : الو
بعد ماسمعت صوتوا قلبها دق بسرعة ودمعة هبطتلها وقالت : الو واشك ولدي توحشتك
_ حتى انا يا امي توحشتكم كامل بابا وجدي ودار ودزاير كامل توحشتكم
ثارت تضحك وقالت : وراجيني ؟!
دخل بعضوا وقال : حتى عي توحشتها اما واش حوالها متهزش عليا
_ صبحت مريضة هاطر دوشت ومنشفتش شعرها مليح
_ باش مريضة
_ الصڨيع والحمى
_ وراجت تخدم ؟!؟؟
قالها بتعجب كبير : ايه راحت عيت فيها اما هي قالت بلي لخدمة بزاف ومتقدرش تراطي ابدا
تغش وعمل يدوا قبضة وقال : اااااه منها راح تهبلني هاذ الطفلة طول متهتمش بروحها امي انا راح نعيطلها مبعد ونحكوا
_ اوكي تهلي في روحك
_ انتي ثاني امي وسلم عليهم
_ يبلغ
سكر على اموا وبدى يعيطلها مرة زوج 3.... 4 ....10 مرات وهي متهزش
عيط لااياس : الو
_ اهلا بصاحبي واشك
_ حمدلله وانت
_ حمدلله
_ وينها راجيني
_ راهي هنا فشريكة اما لتحت
_ اديلها تلفون خليني نحكي معاها
_ اااه ياصاحبي بدلتني بيها
_ الياس صحبي انت تعرف بلي انا نحبك تما هي زادا عندها بلاصتها
_ تحبها ؟
_ طاير عقلي فيها نموت عليها موش غير نحبها ونعشقها ثاني
_ اوووو صاحبي طحتى على راسك من وكتا هاذ المشاعر
_ من جديد ياصحبي من جديد باش تاكدت
_ مبروك
_ موصلتش برك عندها
_ هاني وصلت
يشوف فيها من بعيد تحكي مع العمال وتعاون فيهم وتعطي فتعليمات لكل واحد فيهم وكل دقيقة تعطس وتحك خشمها وعنيها اما محبتش تروح جاها اليلس وقال : تلفون ليك
_ شكون
_ احكي تعرفي شكون
هزت تلفون حطاتوا على خدها وقالت : الو
_ الو راجيني لباس
تسارعت دقات قلبها ودمعة طاحت على خدها قداش توحشاتوا وتوحشت صوت;