كرونيك:💕💕 تزوجت هندية💕💕

82

الحلقة 82❤️
خرجوا يحوسوا كيف كل يوم ليوم اخر يوم غدوا راح يوجدوا رواحهم ويروحوا
دار بيها كل لندن فرحاننين ببعضهم
راجيني : سراج هيا صورني هنا
وقفت وقفة تاع ولاد وخرجت لسانها وهو يصور فيها
وبعدها هي صوراتوا
مشايين ويضحكوا ويغنوا مع كل مواهب الشوارع راحوا للسينما قعدت في جنبوا وتكت على صدروا وقعدوا يتفرجوا وفرحاننين فيلم فرنسي رومنسي كل لقطة حزينة هي تبكي وهو شايخ عليها
فض لفيلم وهي مزالت تبكي خرجوا من ثم
سراج : واش بيها لبكاية تاعي
حضناتوا وقالت : علاه مات وخلاها
سراج : شوفي حبي هي تهنت منوا هو كان يعذب فيها كيف كان يشرب ويزطل
_ لا مي هي تحبوا
_ نورمال ضرك. تنساه
_ مشكيتش
_ علااه
_ لي يحب مينساش
_ صح
حضنها وراحوا لللوتيل يرقدوا غدوا لازم يسافروا يروحوا
________
_ بعدي عليا انا منخبكش انتي خاينة
_ بترجاك لا انا كتير بحبك وماخنتك
_ بعدي انتي خنتيني معاه بعدي ليوم نقتلك ونقتلوا
حكمها من رقبتها وبخنق فيها وعي تعيط : لا رائد لا لا تركني راح تخنقني
فاقت من نوم مفجوعة وشافتوا هو ينوض فيها للحظة خافة وعيطت بعد عني راح تخنقني
قعد يهدي فيها وهي خايفة وبعدها قدمت منوا بسرعة وحظناتوا بقوة تعنكشت فيه وهو يمسح على شعرها ويقلها بلي راهوا كابوس وهي خايفة بقات محضناتوا حتى هدات وبعدها رجعت رقدت في صدروا حطها على سرير وهي مكبشة في رقبتوا قرب منها ورقد بحذاها وللحظة تسائل علاه ناضت خايفة منوا هكا كل يمكن كانت خايفة من صباح كيف حاول يضربها وقسى عليها
_______
ناضوا صباح فشلانين عللخر كل واحد يحاول في لاخر باش ينوض
_ راجيني : نوضي حبيبي خلينا نروحوا
سراج وهو معنقها : نوضي انتي لمي ونوضيني
بدات دغدغ فيه وقالت : علاه منوضوش لزوج ونلموا كلش متنساش بلي لعشية على 3 لازم نسافروا
سراج : مزال لحال اذوان 10
راجيني : يا كسول نوض والا تفوتنا طيارة
ناضوا بعد جهد جهيد بدلوا قشهم ولموا كل حوايجهم وهم يتضاربوا بيهم ويضحكوا وسعى على سعى يخطفها ببوسة على خدها ولا رقبة وسعات شفايف يلموا ويضحكوا هوصلت 1 هبطوا تغدوا في مطعم مليح ورجعوا داو قشهم وراحوا للاوتيل خلصوا وداو قشهم وراحوا للمطار زادوا عملوا فطوات حتى نادى نداء الاخير للرحلة باش راحوا طلعوا فطيارة
_____
الو انا فضت مهمتي صاي راهم عندك ضرك قريب يجوك لدزاير نشالة يكونوا في استضافتك
قطع الاتصال وعمللهم باي باي بيدوا وقال : طريق سلامة جهنم الجزائر يرخب بكم
_______
ناضت على صوت تلفونها يصوني ملقتوش في جنبها خزرت لتلفون لقاتوا جدها اتصل بيها 4 مرات خزرت لساعة وضربت راسها بيدها : اوووو هزار ساعة 1 ظهر ولساتك في سريرك هل تقيم قيامتك مع ليندة خانم
ناضت تجري غسلت وبدلت قشها لبست روبة كويلة صفراء ولمت شعرها في ظفيرة على جنب وهبطت لقات ليندة تقرى في كتاب فصالة
هزار : صباح الهير امي
ليندة حطت لكتاب وقالت : صباح نور صحا نوم نشالله تكوني لباس ورقدتي مليح
_ اسفة امي راحت عليا نومة
_ لا عادي روحي غطري لفطور جاهز بلمطبخ
ضحكت معاها وراحت تفطر تاكل وتستبن وبعدها عيطت لجدها وحكات معاه شوي وراحت تعمل فلغداء مهي تحس غير براسها ماشي ويثقال
تبسمت ليندة وهي تشوف فيها هكاك وعيطت لرائد هو هز وهي قالت : رائد رائد هزار هزار
وهو يقول : الو واش بيها هزار
كوبات عليه تشوف في هزار تروح وتجي دايخة قعدت تضحك وحدها حتى جى خالد قدامها راحت تجري ليه حظناتوا وقالت : اووو رائد قداشك حلو
هو يضحك ويقلها انتي لي تهبلي
بعدت عليه شووي وشعلت موسيقى وبدات تشطح وتدور وفي هذيك دقيقة وصل راىد جا داخل يجري تشوكى كيف شافها تضحك بصوت وتشطح بأغراء قدام خالد وقف في فم لباب يتفرج عليها وبعد شوي قربت منوا وحوطت رقبتوا بيديها وقالت : اووو تعرف قديش بحبك وبعشقك انا وبساتوا من خدوا وهو حس دم طلعلوا خار فيها كيفاه تتعامل معاه وهي بدات تشطح معاه وقربت لفموا باش تبوسوا محست كان بيد جبدتها ولكف تضرب في خدها حست راسها ثقال ودنيا دارت بيها حكمها من جنابها ويخض فيها ويقلها : واش كنتي تديري اهدري
بدات تروح وتجي في حظنوا محست كان بدنيا دور بيها ترمات على حظنوا وهو زاد تغشش جبدها بقوة من شعرها لقاها داخت وغمضت عنيها
هزها لشومبرا واموا لحقتهم وقاات : بهدلت بينا تتلاح على راجل اختك وتبوس فيه وتشطح قداموا وكي جيت تواجهها عملت روحها داخت هاذ الطفلة مسخة صح
خزر فيها وقال : ليندة يمعينا سكاتك راح يجري جاب لماء يغسللها في وجهها ويديها حلت عنيها وحكمت راسها وتعيط من لوجيعة : ايي راسي عم يوجعني كتير
عطاها دواء تاع راس وقال : اشربيه وارقدي ترتاحي
خرج لاموا وقال : واش صرى واش بيها هك واش كلات حتى ولت تتصرف هك
_ مصرى والوا هي برك تمثل هي كانت تغري فيه وكي شفاتك عملت هكا
قال : منصدقكش كون واش يصرى
هزار مستحيل تعمل هكا
ليندة : الله لا صدقتي ليام راح تثبتلك ؟
طلع يجري عندها لقاها راقدة قعد بحذاها ويتفكر فيها كيفاه كانت راح تبوسوا كيفاه تشطح وصباح خارجة قداموا بلبسة عذيك وخلاتوا حكملها يدها وهو كيفاه تبعد فيه عليها حاير في تصرفتها حتى اذا متحبوش معندهاش لحق انو تتعامل معاه هك وتهبط من قيمتوا كلاه تخمما من جيهة يقول مستحيل هي تعمل هك ومن جيهة يقول ووعلاه متكونش خاينة ومهيش بريئة كيف يشوف فيها هو راح لدوش حل لماء ودخل تحتوا بلاك لماء لبارد يخلي ناروا تبرد شوفتها وهي قريبة ليه هكاك حرقتلوا قلبوا هو يحبها تكون ليه برك