كرونيك:💕💕 تزوجت هندية💕💕

112

الحلقة 112❤️
ناضت من نومها ملقتوش بجنبها كيف سقست قالوا انوا راح للشركة لبست وراحت عندوا بعد ما صار لبارح وشي لي حكاتوا مع رائد تأكدت انوا هو صح مسحور مع وصلت دقت باب ودخلت عندوا لقات سارة ثم خزرت مع سراج وقالت : صباح خير حبي
هو قال : صبلح نور لباس ؟
قالت وهي تضحك : لباس وانت
قال : حمدلله
ناض حكمها من يدها وقعدها في كرسية ووقف بجنبها وحط يدوا على كرشها وقال : لباس يا روحي اما علاه جيتي وتعبيلي في ولدي
تبسمت وقالت : منحبش نخليك وحدك حاسدين ياسر
خزر مع سارة وقال : سارة تقدري تروحي مبعد نكملوا خدمة
ورجع يخزر معاها يسايس فيها وهي تضحك خرجت تتخبط وقالت والله وما تفوتلهم ونردوا كي خاتم في صبعي ولا منسماش
_______
خرج من عند جدوا وتوجه لشومبرتوا لم قشوا في 2 فليزات   فرغ شومبرا مخلى حتى شي يخصوا فيها يحب يروح ويدي معاه كلش يذكرها بيه
كانت واقفة قدام باب جدها وسمعت كلش وبعد كيف شفاتوا راح يخرج هربت للتحت محبتش يكون سمعها قعدت فلكوزينة تبكي كيفاه وصلت هي وياه هنا متعرفش واش تدير قلبها تحرق عليه هو كلش تبدل فيه مبقاش رائد لي ضحكة معبيا وجهوا كل لي عايشوا هو الالم وهي زادت عليه مهيش فاهمة علاه كل ما تقرب منوا تحس بألم كبير وحاجة تقلها بلي لازم تبعد وليوم زاد من المها كيف عرفت انوا راح يطلق هو وأياها
تشوف فيه هبط فاليزاتوا لاحهم في طموبيل تاعوا مسحت دموعها وخرجت من كوزينة وهو عيط عليها وقال : هزار ممكن لحظة
قالت : اي تفضل
راح ليها وصل بحذاها وقال وهو يخزر في عينيها : نعرف اذيتك وعيشتك ايام موش مليحة نتمنى تسامحيني وتنسي كلش من يوم معاتش تزيدي تشوفي وجهي ولعاد نزيد نأذيك خلاه راح يوصلوك وراق طلاق كيف ماحبيتي قبل يظهرلي عندك حق انا وانت محناش لبعضانا خلاه اسمحيلي على كل واش صرى بسبتي ليك طول عمري نأذي ناس لي نحبهم ويبعدوا علسة منعرف علاه يمكن هذا مكتوبي تنهد وكمل نتمنى تلقى ولد حلال لي يسعدك ويهنيك قالها وبلع غصتوا وبعدها عطاها مفاتح دار وقال : من ليوم هاذ الدار ليك نتمنى مترفضيش راح يصلوك وراق تحويل بأسمك
جات تهدر وهو قاطعها :  مترفضيش ربي يعيشك والله عالأقل بهاذ الشي نحس بشوي راحة تجاهك ويخف شعوري بذنب
هبط راسوا وقال : نتمنى تقدري تسامحيني
دار لجيهة باب دموعها هبطوا حبت تعيط عليه وتنادي وتقلوا متروحش اما مقدرتش 5 شهر مقدروش ينسوها واش صرى لكل وهذا مكتوبها فدنيا
طاحت فالارض تبكي وهو ركب في طموبيل تاعوا ومشا للأوتيل حجز ثم سمانة حتى يريقل اموروا ويلقى دار صغيرة يكريها ليه ميحبش يروح لدار جدوا يحب يقعد ثم
صونا تلفونوا وكان راجل لي حطوا يعس سارة يخبر فيه انوا راحت لواحد دار مشبوهة وكيف سقسى قالولوا بلي بيت سحارة
خرج ثم بعد راح لدار ستنى لين خرجت من عند سحارة وهو دخل عندها ستنى دوروا وبعدها دخل كانت مرأة كبيرة موشمة قدامها كل انواع اعشاب وجلود حيوانات وشوي حوايج معرفهمش
قالت: علاه جيت
قال: حبيت نعرف مرأة جات هنا عندك واش دارت
هي ثارت وقالت : انا منخبرش على ناس لي تجي عندي واش تحب
وهو قال : قوليلي والله نوعدك نعطيك مبلغ مليح
سكتت شوي وقالت : 20 مليون
قال : اتفقنا
نعتلها فوطوا تاع سارة وقال : واش جات تدير هنا
قالت : حبت تفرق بين زوج مزوجين درتلها سحور يفرقهم كاين عندها حرز ودرتلها اعشاب
قال : حرظ كيفاه
قالت : حطتخولوا فلبيروا تاع خدمتوا باش معاتش يحب يروح دار واعشاب يغليهم قاويين هم يأثروا عليه وزيد قاتلي جايبتلوا دواء يهبلوا خلاه من عند معارفها ممكن درووڨ
تفاجأ من هدرتها وقالها انوا راح يبعثلها 20مليون بشرط انوا تعمل حاجة تبطل سحر وهي وافقت