كرونيك:💕💕 تزوجت هندية💕💕

15

الحلقة 15 💓
هبطوا يشطحوا حاكم يدها ويدونسي معاها وبعدها بدى يدور فيها وهي دور دور لحين حكمتها يد اخرى وجات في حظن سراج خزر في رائد وقال : اذا تسمح نحب نشطح مع خطيبتي
خزر فيه وحك لحيتوا وقال : طبعا
خزر فيها وجبدها بقوة من خصروا جا صدرها في صدروا وقرب من وذنها ويهدر : من وجاي كيف نقول لا سي لا
_ بصفتك واه تحكي هكا
_ خطيبك وراح نولي راجلك وانتي مرتي
_ هههههههه من نيتك تحكي
_ ايه خاطر راح يولي اسمك مكتوب على اسمي وكل ما يقولوا اسمك يتبعوه بأسمي ملا اعرفي واش تديري
_ ههههههه دخلتي فيها فيلم هندي
_ لا لا هنا غلطي انتي لي من لهند موش انا حبيبتي
_ مجنون علبالك
_ نعرف نعرف اما انتي لازم تنفذي
_ اوكي
_تعجبيني كي تسمعي الهدرة
_ ههههههه ليوم برك غدوا منظمنلكش
جبد راسوا وخزر في عنيها وقرب منها حتى وجوهم بقات بيناتهم حوالي مليمترات نفاسهم متخلطة يخزروا في عنين بعض من قربهم ياسر حتى طراف خشومهم قاسوا بعض وتكلم بضوت مليان بحة وقال : جربي متسمعيش وتشوفي واش ندير
_ واش تدير
_ نعاقبك
_ زي واه لعقاب هذا
حط شواربوا على شواربها وباسها قدام ناس كل وشباب تزفر وتصفق ولكبار تفاجئوا وغطوا وجوهم بيديهم وهي تصدمت حتى حلت عنيها على قدهم من الدهشة والصدمة
بعد عليها وحط جبهتوا على جبهتها وقال هذا هو لعقاب تاعك خاطر هكا راح تسكتي وتولي تسمعي لكلام
حكم يدها وبدى يدور فيها وختموا بلقطة رومانسية كيف هزها لسما بيديه وبعد نهاية الموسيقى حطها في الارض وخزر فيها وطرشق صوابعوا قدام عنيها باش تفيق وبعدها حست على روحها وبدات تريڨل في قشها