كرونيك:💕💕 تزوجت هندية💕💕

110

الحلقة 110
روح لدار تعبان حاب يفوت لشومبرتوا يرقد ديراكت راح للكوزينة حب يدي قرعة ماء وياريتوا ما راح لقاها قداموا لابسة شورط وبيستي تاع نوم شعرها مسيب وكلاكات في رجلها خزر مع رجليها كيفاه بيض حس بنار شعلت مشى خطوتين ليه وهي دارت كانت حاطة شعرها وراء وذنيها وصدرها يبان من بيستي خزرت فيه وهو بلع ريقوا وكان باش يقدم وتفكر جملتها " بعد عليا انت زيهم ما تحب كان تدوا جسمي وتطفوا نار شهوتكم برك بعد عليا " رنت جملتها في وذنوا هبط راسوا ودار خرج يزارب لشومبرتوا هي حست بيه وتفكرت اخر مرة واش صرى فطوموبيل طالعة فدروج تخمم وفجأة دارت رجلها عيطت من وجيعتها بصوت وقالت : يا أمي رجلي
حل باب وخرج جاء يجري ليها وقال : واش صرى
قالت وهي حاكمة رجلها : رجلي عم توجعني كتير
حب يحكمها ومبعد تفكر كيف وعدها انوا معاتش يمسها
قال: اذا تسمحيلي راح ساعدك لتصيري منيحة
عملت ايه براسها وهو قرب منها هزها وطلع بيها لشومبرتها حطها وقال : رجلك تملمزت برك ضرك نديرلها بوماد ترتاح
جبد بوماد دهن ليها منها مركز مع رجلها ميحبش يزيد من وجايعوا كثر ضمدهالها وغطاها وقال : نشالله تكوني بخير اذا حتجتي حاجة عيطيلي
قالت : شكرا لألك
قال : العفو طاحت عينوا في عنيها وبعدها تبسم معاها وقال : تصبحي بخير
دخل لشمبرتوا بدل قشوا وتكى في سريروا وقال : ياربي وتكون بخير ومتعيطليش والله تعبت من اني نحكم في روحي قدامها
ونخاف نعمل حاجة ونأذيها بيها
بعد صراع طويل مع نوم رقد
___________
رجعت لدار لقاتوا قاعد فجنينة راح ليه وقالت : سراج لباس
خزر معاها وقال : لباس وانت
قالت : حمدلله اما نحب نعمل حاجة
هو.هز حاجبوا وقال : واش هو
هي تكلمت بشوي وخايفة من ردة فعلوا وقالت : نحب نشوف لوشام لي في رقبتك
ضحك وقال : واش جاك عليه
تكلمت وقالت: والله ما نعرف لوحم والله وحم موش مني راهوا
قال : اوك ضرك نحيتريكوا وتشوفيه نحاها وهي شافت وشام حطت يدها وتلمساتوا بشوي هو حس بلمستها في رقبتوا محكمش ومتحملش قدم منها وحط شفايفوا على شفايفها وغطس في بوسة معاها قداش توحشها وتوحش ريحتها يحس روحوا رجع سراج نفسوا لي يحب راجيني ويموت عليها هي ايضا كان قلبها خارج على بزسة هذيك مكانتش من عاكسين وتفاعلت معاه بعد عذاب 5 شهر وحم واخيرا صاحتلها بزسة لي توحشتها وحلمت بيها غلغلت يديها في شعروا وهو بعد شوي يخليها تتنفس ورجع حضنها حطت خشمها في رقبتوا وتشم في ريحتوا يحس في روحوا في روحوا رجعتلوا روح من جديد
ركحت عندوا شوي وبعدها قعدوا على كرسي وهو قال : سامحيني على كلش واش يصرى والله سعات منكونش انا مكيش راح تفهميني اما والله منيش انا لي بعد عليك انا نحبك وحاب نكمل معاك حياتي
فهمت بلي هو صح مسحور وقررت تشوفلوا راقي بينها بين روحوا ولازم تلقى حل وتحافظ على زواجها
طلعوا لبيتهم رقدت عندوا حست براحة غريبة وهو ثاني