كرونيك:💕💕 تزوجت هندية💕💕

57

الحلقة 57 ❤️
_ ايه رائد ايا اطلعي انا نوصلك
_ لا منحبش راح نروح في طاكسي
_ اطلعي متخافيش مني انا كون متجنيش طفلة منقربش ليها وزيد انتي مرت خويا
_ وسارة موس كانت راح تولي مرت خوك ؟
_ هي لي جتني انا مرحتلهاش ابا اركبي خلينا نروحوا
_ لا
قرب منها جبدها من ذراعها وقال : اركبي يزي بلا دصارة وهيا قتلك مندورش بيك وزيد موش من صفاتي الغدر
_ باين ونحي يدك عليا
_ اطلعي حاب نحكي معاك في موضوع مهم
طلعت حطت حزامالامان وهو طلع معاها
مشاو شوي وهم ساكتين كامل وبعدها مطنطق حتى واحد فيهم اما تقلقت وكسرت هاذ الحاجز كيف قالت : احكي واش كاين مهم تبغي تحكي فيه معايا
_ راجيني انا منيش هكا انا انسانة مثلي مثلكم ونحبكم كامل ومنكره حتى واحد حتى سراج نحبوا وفالاول كنت كاره خاطر سارة ماتت وحطيت الحق على سراج ولمتوا ونسيت روحي اما انا ولا يوم كرهتوا فيه وحتى انتي كنت نعتابرك مجرد اخت ليا وكيف نقلك مرت خويا راني نعني واش نقول لذلك حبيت نقلك اسمحيلي اذا قلقتك انا نحبك كيف اختي ومنرضاش اني نكرهك فيا يزي ما كرهت فيا اقرب ناس ليا في جرة سارة
_ واش مناسبة التفير هذا
_ رجاءا صدقيني ومتعمليش كيفهم وتثبتي لنفسي لي حبت تتغير انوا انا شخص سئ
حست بيه وقالت : وعلاه متحاولش تغير من نفسك ملا ؟
_ حاولت اما كلهم يعتبروني واجد معندي حتى فايدة ويعتبروا سراج احسن مني في كل شئ وتعرفي اني كيف حاولت نتغير ونولي متلزم كيف سراج اعتبروها لعبة جديدة مني وزوا كذبوني واعتبروني واحد معندوا حتى فايدة على ذاك رجعت كيف ما كنت انا نترجاك ارجوكي ساعديني وصدقيني
_ ايه انا صدقتك
_ مدام صدقتيني انا راح احكيلك سر
_ واش هو ؟
_ انا نحب وحدى
_ قول والله
خزر فيها بخزرة خلتها تخشم وتهبط راسها وتقول : اسفة اما والله جاتني غريبة
اخزري لجيهة لخرى من السارع هذيك الطفلة لي واقفة لهيه
حبس طموبيل وهي خزرت فيها طفلة صغيرة يكون عمرها حوالي 19 سنة شعرها طويل اما مفرفشوقشها مقطع وكاين جروح صغيرة على جثتها
_ اسمها هزار لاجئة سورية جات عندها 3 اشهر امها وابوها ماتوا فلحرب جات مع جدها لهنا وهو مريض وهي تجي تطلب وتبيع حلوة فطريق باش تساعدوا تخاف من خبالها وتحسب حساب لرجال حتى انها طول هازة معاها موس باش تدافع بيه على روحها شفتي هذاك الراجل لي قاعد على لكرسي هاز الجريدة
تولهت معاه وقالت : ايه
_ هذاك انا حاطهولها يعسها واذا حاول واحد يقرب منها يدافع عليها تعرفي واش من اول يوم شفتها فيه كيف حبت تبيعلي لحلوة حبيتها شفت لمعة البراءة في عنيها شفت معاهم نظرة الخوف والحذر لي تخليني نخاف من ردة فعلها كيف نحب نحكي معاها صدقيني حاب نحميها حاب نخليها تحس بالامان معايا حاب نخليها حبيبتي ومرتي وام ولادي حابها تكون ملكي حاب نسيها في كل الم عاشاتوا فالحرب ونخليها ترجع تضحك من جديد على ذاك حبيتك تعاونيني
_ اكيد نعانك اما كيفاه
_ حابك تحاولي تخليني نحكي معاها خاطر انا تخاف مني وتحسابني طامع فيها ونحب نقرب منها وانا كل هدفي اني نحميها ونخليها تعيش احسن عيشة وتتهنى من الذل
_ ايه اكيد راح نعاونك
حكم يدها وقالها : متصوريش قداش انا سعيد كيف قبلتي تعاونيني عمري مراح ننسالك هاذ المعروف
وهم هكاك يحكوا طبطب الكاروا دار يلقاها هزار حل لكاروا وهي تبكي وتخزر من ومن وخايفة قالت : بترجاك ساعدني جدي حيموت هو كتير مرضان
_ وينوا جدك
_ ليكوا هنيك بترجاك خلينا ننقلوا على المستشفى
_ ايه هيا
راحوا يجروا هزوه حطوه فطموبيل وراحوا لسبيطار قالت : بترجاك عجل انا كتير خايفة اني افقدوا سرق وفقدت كل عيلتي ما بدي افقد حدى تاني هلا
رائد : لا راح يكون مليح نشالله
_ انا بتشكرك يا بيك
رائد : قولي رائد انسي الرسميات
_ شكرا كتير لاك رائد بيك
تبسم معاها من لمراية وهي ثاني وبعدها طار بيهم لسبيطار نزلوه على النقالة ماشية معاه وتبكي ودموعها على خد