كرونيك:💕💕 تزوجت هندية💕💕

31

الحلقة 31💓
هبطت لقاتهم يفطروا قعدت تفطر وساكتة فرات وبعدها ناضت قالت : انا نروح عندي طريق
سراج : وين
_ حابة نتسوق شوي
_ تحبي نروح معاك
_ لا مكلاه نروح وحدى
_ اوكي
هزت لمافتح وراحت بدلت لبست لبسة سامبل وخرجت راحت للبلاد راحت بدات تسوق خيرت قش مودارن وصبابط ولبسات تاع دار وسيكان واكسيسوارات وراحت تغدت برى ودخلت قالت للخدامة دخللها لخوايج لشومبرا تاعها وراحت لصالة لقاتهم قاعدين
جدها : بنتي طولتي ياخي لباس
_ حمدلله جدي مخي تعرف انوا راح نبدى نخدم معاكم رحت شريت لبس عصري باش منبانش غير عادية بلبس الهندي
_ بصحتك بنتي
_ يعيشك جدي
عائشة : هيا للغذاء
اسعد : لا لا انا عندي اجتماع مع عملاء من ايطاليا وراح نتغذى معاهم ديجا لحق الوقت انا نروح
_ اوكي مع السلامة
هيا انتم
راجيني : انا تغذيت لبرى امي
_ هيا بابا نتغدوا
محمد : وينوا سراج
عائشة : قال راح يتغدى لبرى عندوا خدمة بزاف
طلعت راجيني بدلت قشها ولبست سوال رياضي ابيض مع تريكو اكحل وجيلي طويلة بيضاء وكلاكات كحلاء لمت شعرها كعكة وخرجت لجنينة تقرى في كتاب مركزة مع لكتاب حتى حست بيد تحطت على جنابها دارت لقاتوا رائد ناضت جات واقفة خزر فيها من لفوق للتحت وعض شفتوا وقال : واش بدلتي ستيل
_ وانت واش دخلك
_ انا منرضاش مرتي لمستقبلية تلبس هكا
_ نعم !! ياخي لباس فاش تحكي !!
_ نحكي فرسمي انا نوعدك نديك من بين يدين سراج وراح تكوني ليا
_ تحلم اكيد انا عمري ما راح نكون غير لسراج
_ ضحك ضحكة استهزاء وطلع حاجب وقال : مي هو مهوش راح يكون ليك للاسف
خزرت فيه بتحدي وقالت : علاه لا
_ لانوا يحب سارة لي ماتت على يدي
تفاجأت وقالت : قتلتها بيدك !؟؟؟
_ ههههههه لا قتلت حبوا في قلبها وخليتها تحبني وسرقتها منوا
_ كسفاه ماتت
_ معلباليش كيفاه ماتت اما اكيد انتحرت لانها خانت سراج وحبتني
_ مسكينة انت اكيد خدعتها
_ هههههه علبالك واش انا راح نفذ معاك نفس الخطة
_ ولي هي
_ اني نخليك تحبيني
طرشقت بضحك في وجهوا وحكمت في كلاويها وثارت تضحك بصوت ومبعد وقفت على طولها وقالت : مزالك تحلم ونزيد نقلك حاجة انا نحب سراج وسراج راجلي وحد ما يفرقنا غير لموت مالا روح منا خيرلك
_ هههههه مزالك نية هههه غير لموت لي تفرقكم مالا انا لي راح نفرقكم وضرك تشوفي
هزت صبعها وتهدد فيه بصوت : ابغد من طريقي خيرلك لانوا انا كيف يتعلق الامر بشخص نحبوا معاتش نشوف قدامي مالا خيرلك ابعد
_ههههههه نشوفوا واش راح تديري
_ ايا روح منا معاتش نحب نشوفك هنا
_ لا لا راح تشوفيني بزاف
_ ايا روح علت في صوتها وتهدر روح منا هيا
هو شاف سراج جا منهيه وهو قال : راح نروح مي راح نرجع ايا باي
هو راح وهي قعدت تخزر فيه من بعيد حتى وصل عندها شراج وقال : واش جا يدير هذا هنا
_ سراج امس ربحتك فسباق وقلتي اطلب واش تحبي
_ ايييه ولمطلوب
_ نرحلوا نسكنوا وحدنا
_ كيفاه ؟!