كرونيك:💕💕 تزوجت هندية💕💕

20

الحلقة 20💓
ناضت صباح على جوايه 11 على لمسات على وجهها حلت عنيها لقاتها امها
قالت : maa ) امي )
_ sorry betii for ....( اسفة ابنتي من اجل ....
قاطعتها وحظنتها وقالت : maa i byare kartiho bhot bohot byer kartiho ( احبك امي انا احبكي كثيرا يا امي )
_ me to betii ) انا ايضا بنتي )
تصالحت هي وامها وتفاهموا وناضت راحت دوشت وخرجت هبطت فطرت معاهم من لقاتهم يوجوا لحفلة لحنة ولكباش مع لعشية جوايه 3 طلعت لبست روبة زرقاء هندية بشال احمر وضفرت شعرها وطلعت. سوارا نزلت معاها فدروج وقعدوها على لكرسي تاعها وشعلوا لموسيقى وبداو يشطحوا وهي تضحك مع سوارا وباروا وراج كيفاه يتمهبلوا على لغناء لجزائري وهي تصفق وتضحك ومبعد جات امها وجابت لحنة وحنتلها يديها على طريقة الهندية وبعدها جابت صحن فيه بخور وورد وحلو وبدات دور فيه قدام وجهها حوالي 7 مرات وبعدها هزت الورد ورماتوا عليها ووكلتلها من الحلو وهزت لون احمر جات ديرهولها في جبهتها حكمت يدها وقالت : ماما حبيبتي هاذ اللون يعتبر حرام في ديننا انا اسفة
ضحكت معاها وقالت : اوكي بنتي نورمال
هزت يدها ودراتوا. في جبهتها وقالت : اذا ما درت انت لون انا ادير
ضحكت معاها وقعدت تخزر فيهم كيفاه يشطحوا وعاجبهم الحال وبعدها جات سوارا نوضتها تشطح معاهم في شطيح هندي على اغنية هندية
____
كان طالع لشومبرتوا حاب يجيب تلفونوا نساه ثم وهو ماشي حتى طمبات فيه جاء هو حاط يديه في خصرها وهي حاطة يديه في كتافوا يخزروا في عنين بعض غارق في بحر عنيه وهو غارق في سواد ليل لي في عنيها جبدت روحها من حظنوا وبدات تريقل في قشها وهو جا طالع لشومبرتوا نادت عليه اموا وقالت : سراج ارواح نحتاجوك
راح عندهم قعد على كرسي ومقابلاتوا راجيني
اموا : كنت نحكي انا وامها لراجيني وقاتلي فلهند يكتبول اسم العريس في ايد العروس ولازم انك تلقاه مدت راجيني يديها وهو حكمهم وبدى يفتش ومبعد حبس وقال : واش هي المكافئة
_ انك تحضى بتحضينة وبوسة من لعروس
شهقوا كل وحشموا وهو قال : مدام هكا اوكي
بدى يحوس حتى لقى اسموا في كف ايدها مزخرف كون متثبتش متشفوش قال : لقيتوا ونعتهولهم وكل بداو يسرفقوا ويشجعوا فيها باش تبوسوا وهي قربت منوا حظناتوا وبعدها جبدت روحها شوي وحبت تبوسوا من فموا اما حشمت هو فهمها وقرب منها وباسها على جبهتها وقال : طول عمرك معززة ومنقبلش ديري حاجة انتي موش راضية بيها
تبسمت معاه وهو هز يدها وباسها في بلاصة اسموا وهي طلعت علىى روس صوابعها وبساتوا من خدوا
تبسم معاها ورجعوا لكل يشطح وهو طلع لشمبرتوا هز تلفونوا وخرج