كرونيك:💕💕 تزوجت هندية💕💕

87

الحلقة 87❤️
كامل سكتوا وملقاو ما يقولوا كل واحد ومشاعروا عائشة واسعد ومحمد تخلطت مشاعرهم بين الحيرة والخوف الحيرة من مزالها عايشة والخوف من واش راح تعمل طاووس اما رائد كيف شافها مشاف غير ليام لي بكاهم وتعذب فيهم بعد موتها قداش توحش يشوفها اما ميعرف علاه وجودها ضرك حاسس انوا راح يسببلوا مشكلة
راجيني تخلطت عليها المشاعر بين الخوف والغيرة خافت انوا ترجع تخرب بيناتهم وتدي سراج معاها وغيرة من ردة فعل سراج لي من حيز دخلت مشاف غيرها
اما هزار كانت تحس انوا علاقتها راح تتوتر برجعتها خصوصا انها كانت حب حياتوا الاول
سارة بدات تقدم بشوي داخلة لصالة ركزت عينيها على سراج تقدمت نحوا بخطوات ثابتة وقفت قداموا بيناتهم سنتيمترات لعين فلعين
سارة : سراج !
قربت منوا وحضناتوا وتعنكشت في رقبتوا منظرها كان مخلط بين الحب والوحش دموعها يسيحوا وتبكي بشهقة وتقول : توحشتك توحشتك
من دهشة بقى ساكت ملقى ما يقول ولا يعمل
بعدت عليه وراحت لرائد قربت منوا وحضناتوا وقالت : رائد توحشتك بزااف
هزار كانت مقبلاتوا تخزر فيه بخزرة كلها وجيعة وغيرة
بعدها عليه وقال : واش سارة منين طلعتي وكيفاه مزالك عايشة
ءارة : نجيت بصعوبة بعد ما طاحت الطموبيل فلبحر كانوا صيادة ثم ولحسن حظي جا واحد وجبدني ونجيت منها اما تضربت على راسي ودخلت كوما عام وعام لي فات تعالجت فيه باش رجعت نهدر ونمشي مليح اما والله لا نسيتكم نهار كنت حابة نعيط ونقلهم حابة نروح عندك يا سراج حبيت نجري ونحكم يديك ونقلك بلي مزالني معاك ومزالني نحبك تبكي بشهقة وتقول : كنت فسرير فسبيطار اما قلبي وروخي عندك توحشتك بزااف تمنيت تكون تحوس عليا تمنيت ترجعلي اما يا خسارة مجيتش انا حتى لهدرة فقدت القدرة عليها كل لي كنت نحس فيه هو العجز العجز بكيت سهرت خممت اما حد ما جاء فيكم كلكم نسيتوني
قربت منوا حكمتوا من شوميز تاعوا وقالت : علااه مجيتش علااه محوستش علااه تخليت عليا وانا نحبك
بدات تعيط وعقول : سراج انا حبيتك وانت خنتني علااه تعمل هكا تقويت وحاربت مرضي ووقفت على رجليا اما يا خسارة جيت لقيتك زوجتي بيها شفتك نهار خطبتكم كيف بستها قدام ناس كل مع انك حلفتلي انك مراح تكمل حياتك الا معايا اما خنتني وتزوجتها
تخض فيه وتهدر : علااه علااه
دزها بعيد وقال وهو يعيط : حبسي ويزي بلا كذب عليا تلومي فيا ونسبتي روحك نسيتي انك رحتي ليه وخلتيني نسيتي انك انتي سبب في قاع واش صرى كيف رحتي طيشتي روحك فلبحر نسيتي انك انتي لي تخليتي عليا وانك انتي لي بعدتيني عليك وخنتيني مع اغلى ناس على قلبي لي هو خويا نسيتي انك رحتي وخليتي قلبي مخروق رحتي وخلتيني نتعذب رحتي وخلتيني نخوس عليك كيف مهبول
ايه حويت حوست ايام وشهور واعوام وملقيتكش كنتي تقولي بلي جيتي في خطبتي علاه مدخلتيش علاه موقغتيش قدامي كنت نحبسها
راجيني خزرت فيه بدهشة ودموعها سايلة ورائد قال : سراج واش هاذ الهدرة
سراج : ايه نحبسها كنت نتحدى ناس كل على جالتك ونقلهم غير سارة لي تكون ليا مي انتي حبيتي تتخبي خلاص مالا خليها تنفعك التخبية
سارة قربت منوا وحكمتلوا يدووا وقالت : صدقني حاولت اما مقدرتش كيفاه حابني ندخل وانا كنت غير نشوف فؤك كيفاه تشطح معاها وتغير عليها من كل نظرة ناس ليها مقدرتش والله بكيييت وحاولت اما مقدرتش كنت نخبك ومزلت نحبك
سراج جبد يديه وقال : يا ربك وتقلي نحبك ككيف تحبيني علاه رحتي ليه وعلاه خنتيني معاه مخمتيش فيا تعرفي عامين وانا نحوس عليك باش نعرف علاه قوليلي علااااه رحتي ليه وخنتيني معاه واش عملتبك قول
صدقني معلباليش كيفاه صرات بعثولي تصاورك مع ليندة بكيت وشربت حتى كرهت وملقيت غير رائد قدامي رحت ليه اما معلباليش واش صرى صباح كيف فقت بكييت لاني خنتك صورت هذاك. لفيديو وبعدها حاولت ننتلحر اما لخياة ردتني ليك من جديد
سراج : معاتش نحتاجك في حياتي لقيت لي تحبني وتصووني حكم يد راجيني وقال : هاذي لالاتك خاذي مخنتنيش هاذي خبتني من كل قلبها عذبتها فالاول كيف كنت مزالني نتوحشك اما ضرك راني نحبها ونغشقها حياتي بلا بيها جحيم نخبها اكثر من روحي ملا معاتش تقولي بلي نحبك لاني منحبش نشوفها مجروحة
مسحت دموعها وقال : خلااص من ليوم راح ننساك وربي يهنيكم مع بعض ونشالله نشوفك متهني لانوا هناك هو هنايا تهلى في روحك
خزرت في راجيني وقالت : انت محظوظة بيه تهلي فيه
وتبسمت جات خارجة تجري ودموعها نازلة وطاووس تعيط عليها : سارة سارة ارواحي واجهيهم متهربيش
ركبت فطموبيل وراحت
راجيني تبكي وهو حضنها وقال : حبيبتي لغالية انا نحبك انتي ومتكوني غير انتي في حياتي
لكبار راحوا لصالة جمعوا يحكوا فلموضوع وراجيني طلعت هي وسراج لشومبرتهم حابة ترتاح اعصابها تلفت