كرونيك:💕💕 تزوجت هندية💕💕

65

الحلقة 65 ❤️
عائشة : واش تقول ؟؟😯
رائد : خالتي موش وقتوا نشوفوا راجيني ومبعد نحكو
طبطبلها على كتفها وهي رجعت قعدت على كرسي متكية على كتف مجمد حاطين يديهم على بعض وقاعدين يستنوا يدهم على قلبهم كامل رائد رايح جاي رايح جاي قدام لغرفة لي حاطينها فيها هزار مركزة معاه
تحل لباب وخرج طبيب جاوه يجروا
رائد : قلي واش حوالها
طبيب : راهي لباس شوي جروح اما موش غميقة مكانش كسور والحمد لله اما كاين رضوض على مستوى رقبة ولكتف نشالله لباس
عائشة : نقدروا نشفوها ؟
طبيب : اكيد مدام زوج سوايع وتقدروا تخرجوها راهي لباس مي انتبهولها ونشالله لباس
رائد : مرسي ربي يحفظك
دخلوا عندها كانت متكية على سرير وتخزر ليهم داروا بيها وبداو يسقسوا مع بعضهم كامل
عائشة بعد ما حكمت يدها قالت : بنتي واش ضرى
راجيني بصوت خافت وضعيف وتاعب عاللخر : اسمحيلي ماما كيف قلقتكم صدقيني فرانات ( مكابح ) محبوش يخدموا ومشفت قدامي حتى شي حتى وصلت للهنا
رائد : راكي لباس ضرك
راجيني : حمدلله
تبسمت معاهم وهزار طبست عليها باستها وقالت : حبيبتي راجوو انتي منيحة
_ حمدلله شوية تعب وخلاه راح نكون مليحة نشالله
تبسمت معاها
جات ممرضة وقالت : سلام ممكن تتفضلوا برى راح نعطي مهدأ للمريضة باش ترقد ترتاح
خرجوا كامل وكيف علدوا في فم لياب وممرضة تضربلها فالابرة
راجيني قالت : ماما
داروا كامل لعندها
راجيني : عيط سراج
خزروا في بعضهم وهبطوا رسانهم في حين قالت امها : لا بنتي مزال مقلنالوش باش يجي
بدات تحس في راسها يثقال وراح ترقد وقاالت وهي تحل وتربط في عنيها : متعيطلوش متخلعوهش اوكي
رقدت وهم خرجوا لبرى
______
وصلت 6 تاع ليل ومزال قاعد فلبيرو يسني في ورق لخدمة يفرز في اموراتوا غدوة مروح تفكيروا مع راجيني لي متعارك معاه ميقدرش على فراقها وعلى بكاها اما هي تخشن راسها وتخالط في رائد ومتسمعش كلاموا
وهو سارح بعيد حتى سمع تلفونوا يصوني ضحك يحطها هي اما تمسحت ضحكة بمجرد انوا شاف اسم صاحبوا الياس
رخى روحوا على لكرسي وهز : الو
الياس : سراج حبيت نقلك خبر اما موش مليح
سراج : انطق واش كاين راجيني مليحة
الياس : راجيني دارت اكسيدو
سراج تخطف وتخلع تنطر جا واقف على رجليه : واش تقول ؟
الياس : اهدى هي دارت اكسدون خفيف ضربت فشجرة ورائد كان وراها داها لسبيطار وراهي فدار ضرك وامك معاها كون هاني
هو سمع بلي رائد هو لي داها لسبيطار تحول واكثر شي غاضوا انوا مكانش معاها واكيد كانت خايفة ضرب يدوا على طابلة تاع ڨزاز حتى تكسرت
كوبا عليه وعيط ليها اما ميصونيش
عيط لاموا مرة زوج 3 هزت
_ الو ماما راكي لباس
عائشة : حمدلله وانت
_ حمدلله واش حوال راجيني
_ راهي راقدة
_ موش مزال بكري
_ تعبت
نفخ بغزول وقال : ماما علاه مقلتيش بلي دارت اكسدون وزيد راهي 6 عندها 5 سوايع ملي دارت لاكسدون
_ هي لي قالت متقلقوهش بأموراتي
نفخ وبدى يعيط : اعطيها تلفون
عائشة : اذوان رقدت راهي تعبانة
سراج : صورهالي
: اوكي ضرك نصورها ونبعثهالك
طلعت لشومبرتها لقتها راقدة شعرها على وجهها راسها مضمدة مغطية متكية على جنبها
صورتها وبعثتهالوا مع حل لمسنجر حتى شهق غرد شهقة وقال : راجيني ..!؟