كرونيك:💕💕 تزوجت هندية💕💕

27

الحلقة 27 💓
هزتهم لقاتهم حوالي 5 فديوات جابت لبيسي وقعدت حطت اول تاريخ26/11/2015 ومشات لفيديو ولقات طفلة بيضاء شعرها احمر لابسة سروال وتريكو ابيض تهدر وتدور من بلاصة لبلاصة وتقول انا نحبك سراج وتغني في غنية انجلزية وتتمجنن وكانوا على راس الجبل نفسوا لي فيه لقبر وبعدها ظهر سراج فلفيديو وراح يجري ليها هزها ويدور بيها وبعدها قالها واش رايك نبنوا دارنا هنا
قالت : ايه ونخرجوا نتعشوا تحت هاذ الشجرة تاع لياسمين
قرب من شجرة وكتب s+ s = love for ever ودارها في قلب وهي تدير في سلفيات معاه وبعدها جاو قطعوا لفيديو
نحت هذاك وركبت الثاني في 29 / 12 / 2015 وكان في عيد ميلاد سراج وهي تغنيلوا في غنية تركية وتهدر وتشير ليه وتبعثلوا فلبوسات وهو فرحان وهي تبغنيلوا وبعدها راحت تجري ليه حظناتوا وقطعوا لقاطوا وميختلوا وجهوا وهو ثاني وقعدوا يصوروا تتفرج فيهم وتبكي كيف تشوف سيراج قداه فرحان معاها وفهمت معنى هدرتوا كيف قالها انوا مكانك فقلبي حد ما يديه عرفت قداش يحبها وقداش انو يرجع يحبها مستحيل
نحت هذاك وركبت الثالث وكان في تاريخ 2/2/2016 وكان سراج يوعد فيها وهو راكع على ركبة ونص بأنوا يبقى يخبها طول العمر وانوا راح يكون ليها طول لعمر وفالاخير طلب منها الزواج وهي وافقت وركبلها لخاتم وحظنها ودار بيها وفض لفيديو ركبت الرابع ولقاتوا تصاور مختلفة ليهم في اماكن متعددة من لعالم ومدايرنلهم غنية تاع "ديتلي ڨلبي " فجأة تفكرت كيف سمعاتوا هذيك ليلية حاط هاذي لغنية ويبكي عليها وبعدها تشجعت وحطت اخر فيديو مع حطاتوا لقات سارة قاعدة على كرسي ولابسة روبة حمراء وشعرها نازل عل كتفها اول ما بدات تهدر تهندت بلقوي وطلعت راسها وقالت : سراج حبوبي انا من لي تخلقت كنت نحبك انت فرلت وطول عمري نحبك انت برك ليومنا هذا مزال قلب سارة يدق لسراج وحدوا اما اسفة لزمني نروح كيف تلقى هاذ السيدي انا نكون رحت خلاه هبطوا دموعها من خدها بزربة وقالت : مزلت نحبك يا روحي اما انا لازم نروح منقدرش نزيد نعيش معاك كثر من هك سامحني
سراج منقدرش نبعد بينك وبين رائد ومدام حبتوني لزوج للزم نرةح والا راح تصرى كبيرة في عايلتكم وانا خايفة لا كاش ما يديرلك او تديرلوا قدم وجهك من ليكروا وبعد لحظات بعثتلوا بوسة كبيرة وقالت : هاذي بوسة لوداع نحبك بزاف ودارت بيدها باي باي وقفلت لفيديو وهي كملتوا وبقات تخزر موش مستوعبة انها تخلت عليه وهو في امس لحاجة ليها وتبكي عليه دخل عليها سراج وهي هكذاك وقال : واش تديري انتي ؟
وهي خزرت فيه مصدومة