كرونيك:💕💕 تزوجت هندية💕💕

22

الحلقة 22 💓
حطت يدها على راسوا لقاتوا سخون راحت تجري لخزانة جبدت قميص تاعوا جباتوا وجات حلتلوا تريكوا ونحاتوا ولڨاست وشيحتلوا جسموا ولبستلوا لقميص خزرت فسروال وقاتلوا : سراج لازم تنوض وتنخي سروال راهوا مبلول وراح يمرضك
رما روحوا على سرير وغط فنوم وهو يتعرق من السخانة لي حكماتوا تشجعت وقدمت منوا حلت سبتة ولقفلة وهاذا كامل وهي دايرة لجيهة لخرى وبعدها راحت من رجليه وجبدت السروال حتى تنحى وغطتوا بلكوات وراحت جابتلوا دوى لحمى ودواء تاع لا ڨريب شربتهملوا وجابت منشفة نشفتلوا شعروا وراحت تجري جابت ما بارد وكمادات ووقفت معاه حتى تنحتلوا لحمى جوايه 4 تاع صباح حطت يدها على جبهتوا لقتها راحت لحمى جات نتيضة وهو حكمها من يدها وقالها بصوت هادي : متروحيش خليك معايا
رجعت تكت قداموا وغفات وهي تخزر فيه وتبكي على روحها وبعد حوالي 3 سعات ناضت على ضربات خفاف على وجهها وصوتوا يقلها : اي انتي نوضي وعلاه راقدة هنا وواش تديري هنا
ناضت مخلوعة من فوق سرير تاعوا وقالت : سامحني رقدت في فراشك بلا ما نقلك
_ واش صرى بيناتنا وشكون بدلي قشي
دهشت فيه بزاف وقاتلوا : خايف على روحك مني تهنى مصرى بيناتنا والوا وانا غير عاونتك كان عندك حمى برك
غلبوها دموعها وثارت تبكي وخرجت تجرى لشومبرتها اول شي دراتوا فسدت سرير باش تبان انها كانت راقدة فيه وبعدها راحت لدوش حلت خيوط الروبة ودخلت لدوش حلت لما سخون وبدات تبكي تبكي بشهقة على الاهانة لي تعرضتلها منوا على لبوسة لي خذاتها منوا وكيف قالها انوا محس بوالوا وهو يبوس فيها وهذيك لجملة قعدت تزن في وذنها كيف قال " قلب سراج ما يكون غير لسارة وعمروا ما راح يكون لغيرها " من كثرة ما تعاودت في رايها حتى حكمت وذنيها وتبكي ناضت دوشت بجال دوش مليح وبعدها راحت لبسة روبة تاع فولار سامبل وقعدت فلبالكوا نسمة تاع صباح باردة تلامس في وجهها وشعرها حتى غفات على لكرسي وهي تخمم في حالتها