كرونيك:💕💕 تزوجت هندية💕💕

39

الحلقة 39 💓
راحوا لقسم الهندسة صرفق سراج وقال : سلام عليكم
_ داروا ليه كامل ووقفوا وقالوا : وعليكم السلام
_ سمعوني ليوم جات مشرفة جديدة على قسم الهندسة واسمها راجيني بن سالم هي تكون زوجتي نشالله تتفاهموا فلخدمة معاها دار ليها ويهدر : هذا سي الصادق مشرف على رسم الهندسي وهذا سي محمد مشرف على تطبيق فارض الواقع راح يعاونوك فلخدمة
سلمت عليهم بليد وقالت تشرفت بيكم ونشالله نكونوا سعدتء فلخدمة
_ نشالله مدام را..
_ بن سالم اذا بانلك اسمي صعيب قلي بن سالم
_ اوكي مدام بن سالم
رجعوا للمكتب تاعها وقالت : واو عندنا قسم كبير وناس روعة وخدامة
_ ايه كامل عندهم خبرة
_ مليح
دار ليها وقال : اي صحيح نسيت نعرفك على سكرتيرة هيا معايا
_ دخلوا للمكتب تاع سكرتيرة بعد ما طبطبوا وقال : سلام مدموزال هيبة
خزرت فيها راجيني وحلت فمها على قدوا وشارت ليها بصبعها وهي تخزر في سراج : مي هاذي نفسها لي طيحت من قدري كي اول مرة جيت هنا
_ ايه نفسها
_ منحبهاش تكون سكرتيرة تاعي يا بدلها يا سحتوها منا
قرب منها ويحكي في وذنها : عيب راجيني طفلة خطياتك
بعدت عليه وقالت : لا عيب لا والوا انا منحبش تكون سكرتيرة تاعي
هيبة : مدام عندي اقتراح
خزرت فيها وطلعت حاجبها وقالت : ولي هو
_ نبدلوا انا نكون سكرتيرة تاع سي سراج وانتي تجيك سكرتيرة تاع سي سراج لمدام رحايلي
راجيني : ايه موا ....
فكرت شوي وخافت تلعب بذيلها مع سراج وقالت : لا خليك هنا اما شوفي باش نقلك من ليوم تطياح لقدر ومنا ونحكم عليك غلطة برك تطردي
_ اوكي مدام
خرجوا من ثم قفل لباب وهي راحت تمشي بزربة للبيروا تاعها وصوت الطالوا راح يثقب القاعة حلت لباب ودخلت وراحت للبيروا وهو وراها وقفت شوي ومبعد دارتلوا : علاه مطردتوهاش بعد ما طيحت بيا مزالها فلبيروا
__ معندها مدارت باش نطردها
خزرت فيه بخزرة تاع غزول وقالت : سراااااج
_ واااش
_ متتمسخرش بيا طفلة هاذي مجبيتهاش اصلا شوف كيفاه تلبس وحالتها حالة
_ معندي ما دخلني فيها هذيك حاياتها
قربت منوا وبدات تهدر بعصب وحاكمة فشوميز تاعوا وتهدر : لا تكون عجاباتك وانا معلباليش اه اهدر قول عجباتك كيف لابسة لمعري كثر من لمدرق
هي تهدر بقلقة ونازلة على سنيها وهو حكمها من ذرعيها ودورها للحيط وقدم منها عاللخر وجهوا مقابل وجهها هي دخلت بعضاها وخدودها حماروا وشفايفها يرعشوا 💋 نفاسهم تخلطت يخزروا في عنين بعض حاكما في صدروا وريحة لبرفان تاعوا دوختها تحس برجليها موش هازينها قال بصوتو لمبحاح لي يزيد يخليها تدخل بعضاها كثر : غرتي منها ؟
كانوا سؤال فيقها من سرحتها شوي وقالت بصوتها لي مليان بحة وشهوة في شفايفوا : علاه حتى نغير انا خير منها
_ انتي طبعا خير منها وخير منكل بنات لعالم انتي ملك ليا وحدي وانا ملك ليك مالا متغريش لانوا مستحيل نشوف لوحدى غيرك
قدم من شواربها وحطلها بوسة قصيرة وبخطفة وخرج خلاها وهي حكمت قلبها وتتبسم هو يجنن وزيد كلاموا خلاها طير لسابع سماء ولبوسة خلات مشاعرها تفيق من جديد قعدت على لبيروا تاعها وهزت تلفون وهي تتبسم وقالت : كاس ما بارد ربي يحفظك
وقفلت جابتلها هيبة لما لبارد وحطتهولها فوق طاولة قدامها وقالت : مدام لما تطلب حاجة اخرى
فاقت من سرحتها وقالت : لا لا اما جيبلي دوسيات تاع صفقات تاع الهندسة كل حابة ندرسهم
_ خاظر مدام
خرجت وهي شعلت لبيسي راحت لڨوڨل حطت غنية هندية وتسمع فيها وتتبسم كانت غنية هادية وموسيقتها هادية تريح لعصاب رخات راسها على لكرسي وتخزر للبحر عبر طاقة وتفكر في سراج تفكرت لبوسة وحطت يدها على فمها تتحسس فيه حتى قاطعتها هيبة كيف دخلت جابتلها دوسيات حطتهم وقالت : مدام تحبي حاجة اخرى ؟
_ لا تقدري تتفضلي
خرجت وخلتها قاعدة على لبيروا حلت دوسيات وبدات تشوف فيهم وتحاول تفهم لخدمة ملقاتش صعوبة بزاف خاطر ذكية وزيد قراتها مليح وفهمتها على بكري وهي غاطسة فدوسيات نسات روحها حتى شافت لباب دق وقالت : تفضل