كرونيك:💕💕 تزوجت هندية💕💕

19

الحلقة 19💓
وصلوا قاعدين لزوج على كراسا وسارحين في لبحر كل واحد يخم كيفاه يفتح الموضوع مع الاخر واخيرا نطقوا مع بعض وقالوا : لباس
خزروا في بعضهم وقالت راجيني : حمدلله وانت وجهك يبان مجروح
_ لا نورمال جرح بسيط
جبدت محرمة وقربت منوا وجها قريب من وجهوا لنفاسهم متخلطة يخزروا في عنين بعض حكمت وجهوا بيديها وحطت محرمة تمسحلوا فدم من شفتوا مركزة مع شفايفوا وهو يخزر في عنيها مسحت دم لي في شفتوا وفي جبهتوا وجبدت روحها وقالت : منحبش نحطك في مواقف محرجة بسبتي انا
حكم يدها وقال : صحيح زواجنا كذبة لكن بمجرد انك مرتي من واجبي الطبيعي اني نحميم
تبسمت معاه وقالت: نروحوا نخيروا روبة
_ ايه هيا
راحوا للبوتيك تاع روبات لعرس هو قاعد
يستنى فيها وهي تلبس وتخير حتى خيرت وحدا وجات عندوا قالت : صاي خيرت سلك وهبا تروحوا
_ مي مشفتهاش
_ حسب عداتنا فلهند راجل كيف يشوف مرتوا في روبة لعرس قبل ليلة العرس نحس على لعروس
_ مع اني منمنش بيهم اما خلاه خليها مفاجأة
_ موش قضية تأمن ولا متأمنش اما على الاقل خلي نحافظ على عادات امي باش منغششهاش مني
_ نعرف انوا امك متغشة منك اما راح تتفهم وترجعوا
_ نشالله انا منقدرش نعيش بلا بيها ملي مات بابا ملقيتها غير هي
_ معاتش تخافي انا راح نكون معاك
وحط يدوا على كتفها ومسح عليه
نختلوا يدوا وقالت : متديرليش امل وهو مكانش بليييز
_ واش تقصدي
_ انت راح تعلقني بيك وتروح وتخليني مالا خليك بعيد وخليني نتعلم نعيش وحدي خير
_ ما تدري على لمستقبل
خزرت فيه واكتفت بأبتسامة حبت تخلي شوي امل في انوا يقعدوا كيف كيف خرحوا ركبوا فطموبيل حلت شباك وخلت لهوا يدخل وبعدها حطت غنية حزينة وحطتها افوا وسندت رايها بلكرسي تاع طاكسيوتخزر لطريق حبسلها قدام لبحر ونزل من جيهتوا وراح جاب بالونات وقرعة وجا وقالها : اهبطي
خزرت فيه بدهشة وهو حل لباب ةهبطها وقفت قدام طموبيل وقالت واش كاين
عطاها ورقة وقال اكتبي هنا امنياتك كل
راجيني : لكن..
حط يدوا على فمها وقال : اكابي قتلك
كتبت كلش في ورقتين كيف ماطلب
وهزهم حط وحدى في قرعة وربط عليها ووحدى ربطها فلبالونة وعطاهوملها وقال اطلقي لبالونة فسما وادعي تتحقق امنيتك وصفي قلبك وقرعة طيشيها فلما
حكمتهم وغمضت عنيها ودعات من كل قلبها وتنفست مليح وطيشت لقرعة فلما وبدات تسبح القرعة ولبالونة حكمتها وبقات تدعي وهي مغمضة عنيها وبعدها حكم سراج يديها وقال : هيا اطلقيها وبربي تتحقق امنياتك وتنسي معاهم كل حاجة موش مليحة
طلقتها وبقات تخزر فيها لين بعدت هبطت عنيها وخزرت فيه وقربت منوا طلعت على روس صوابعها وحظنتوا ودورت يديها وراء رقبتوا وهو حظنها ومبعد بساتوا من خدوا وقالت في وذنوا رتحتيني بزاف مرسي
وهبطت من حظنوا وركبت فطموبيل وهو ركب معاها وروحوا لدار