كرونيك:💕💕 تزوجت هندية💕💕

42

الحلقة 42 ❤️
عيطت على مدام حسينة وجات تجري قالت : نعم مدام تفضلي
_ حظريلي طاولة لعشاء وتقدري تروحي
_ اوكي مدام
_ عيطيلي رلجيني وانا نعيطلك خالة حسينة باش تكون علاقتنا ودية اكثر منحبش الرسميات
_ اوكي راجيني بنتي نشالله تكوني راضية على خدمتي
_ لا ربي يزيدك في صحتك خالة حسينة
_ امين ومرسي ليك
راحت وجدت الطابلة وحطت لعشاء وخرجت بعد ما قتلها تفرجوا شوي بساكتة وقالت راجيني : نروحوا نتعشوا
_ ايه هيا
قعدوا يتعشوا وعجبتهم لماكلة بزاف وهم ياكلوا عيطتلها امها
_ aslam alykoum maa
( السلام عليكم امي )
.... Miss you maa ( اشتقت لكي امي ) .... Haa ham dono ( نعم مع بعضنا ) .... Mine bohot bohet kuch for meri chadi ( انا سعيدة جدا بزواجي ) .... Alvida maa i bayer kartiho ( وداعا انا احبكي امي )
سكرت لخط ورجعت تاكل
سراج : واش تحكيلك
_ تسقسي علينا توحشتنا
_ اه مليح علاه متجيش عندنا
_ مزال باش تجي وزيد قربوا الاعياد عندهم
_ عندهم بزاف اعياد هم
_ ايه عيد ديوالي ( عيد الاضواء ) قرب عندهم
_ انتي تعرفي قصصهم
_ ايه ومع انهم غالطين انا نحترمهم بزاف
_ ايه حمدلله مجتيش كيفعم
_ لا بابا علمني تعالييم ديننا بزاف
_ حمدلله
كملوا كلاو وهي هزت طاولة ونظفت وهو طلع شمبرتوا قاعد فلبالكوا ويقرى في كتاب
وبعدها يسمع فطبطيب على بابا غرفتوا راح حل لقاها راجيني قال : نعم تحتاجي حاجة
_ ايه بغيت حاجة ناكلها
_ والمعنى
_ شاهية اكرام ( لقلاس )
_ منين راح نجيبوه ضرك
_ نخرجوا نكلوه البرى
_ ايه هيا
خزرت فيه وقالت : تروح هكا راح لبس تريكوا وجا هز لمفاتح وتلفون وخرجوا وصلوا عند محل لكرام دخلوا خيروا طاولة على جنب وطلبوا اكرام تاع شوكولا ، حطتها قدامها وتاكل وتمسخ في فمها وتستمتع بيه وهو يضحك على تصرفاتها لي زي تاع لولاد شعرها مسيب وكل مرة تهبط فيها راشها توسخوا بلكرام قرب منها بعدلها شعرها من على وجهها وهز سرڤيطة مسحلها وجهها وهي تضحك وتاكل كملوا كلاو خلصوا وجاو خرجين قالت : اووووه كان اكرام يجنن عجبني بزاف كل يوم نجي ناكل
_ بصحتك حمدلله كيف عجبك
دارت ليه وتحكي بيديها وشعرها طاير تحكيلوا على الهند هو مكان مستمتع غير بوجهها البريئ يشوف في وجهها البرئ لي دالوا نص عقلوا ويتبسم معاها وصلوا لطموبيل وحكمت في ذراعوا وقالت : سراج راك تسمع فيا
فاق مع روحوا مهمه شوي وقال : ايه طبعا
ركبوا مع بعض سندت راسها على لكرسي وغمضت عنيها ومحست حتى بشي حتى رقدت وهو خزر معاها وتبسم يحسها كيف الطفلة البريئة لي عمرها 5 سنين