كرونيك:💕💕 تزوجت هندية💕💕

49

الحلقة 49 ❤️
حلت عنيها على شعاع الشوء لي داخل من طاقة بعد ثواني متذكرت كان ليلة البارح ناضت حلت سانسور ( السحاب ) تاع الروبة طاحت فالارض وراحت دخلت لدوش دوشت وخرجت لافة روجها في منشفة خيرت روبة طويلة باج وصندال كحلاء وصاك ابيض مع ڤاست كورت دجيين وراحت سيبت شعرها وشيحاتوا ولماتوا كعكة وظفرت ظفيرات على جنب ولماتهم مع شعرها هزت مكياج وحبت تمكيج اما دموعها مخلتهاش تفكرت ليلة لبارح ومعاها طاحت دمعات سخونين على خدها هبطت راسها شوي وهزت راسها خزرت مع روحها وقالت : انتي اقوى من هك انتي مستحيل تضعفي لانوا رفضك تعاملي هادي متبينلوش ضعفك حتى ولو تحبيه
مسحت دموعها ورسمت ضحكة مصطنعة على وجهها مكيجت وهزت صاكها وهبطت لقات الخدامة وجدتلها لفطور قعدت تفطر وهو نزل لابس كوستيم قال : صباح الخير
خزرت فيه وتبسمت معاه وقالت : صباح نور واش صحتك لباس
قعد وحار في تصرفاتها وقال : حمدلله وانتي
_ حمدلله يا ربي نعمة ربي
فطروا مليح وهي تضحك وحاير في تصرفها لغير منطقي ناضوا جاو ماشين فاتواللبركينغ ركب وستناها تركب اما هي فاتت لطموبيل تاعها نوضتها وفاتت بحذاها وهو حاير فيها موش تفاهموا انهم يعودوا يروحوا مع بعض
راجيني : راح نروح في فطموبيل تاعي من وجاي
لبست لينات تاعها وخرجت وهو تبعها وصلوا مع بعض للشركة طالعين وناس تسلم عليهم فاتت ديراكت للمكتب تاعها حطت غنية مليحة وراحت ترسم يلزمها ليوم تكمل التخطيط كملتوا وعملت اجتماع مستعجل لاعظاء الادارة لقسم الهندسة درست معاهم الموضوع وهم وافقوا وهي فرحت كملت جواية 2 تاع لعشية راحت لمكتب تاع جدها عطاتوا التخطيط وفهماتوا فيه
محمد : اووو ابداع حبيبتي مشاء الله افكار مليح وراح تعم الارباح والخير للناس
_ شكرا جدي
وهم يهدروا دق الباب دخل سراج وقعد وقال : سلام عليكم ناديتلي جدي
محمد : ايه انت غدوا عندك سفرة لكندا في خدمة مستعجلة
تفاجأوا لزوج وحلوا فامهم وقال سراج : منقدرش نروح
_ مستحيل صفقة هاذي من غيرك ما يأديها حد على ذاك لازم تروح
سراج : مي جدي ....
قاطعوا وقال : معاتش نعاود هدرتي خرج من ثم لعصب يهز فيه ويحط ضرب لحيط بيدوا وقال : راح كلش في مهب الريح
راجيني : واش راح
خزر فيها وقال : لا مكان والوا متقلقيش روحك ومشى قعد على لمكتب تاعوا
_____ فلاش باك _____
قبل ساعتين
الياس طل على لباب وقال : ندخل
جا رمى روحوا على لكرسي وهز رجليه حطهم على طابلة وقال : واش صحبي زين كاش جديد
_ هبط رجليك
خزر فيه وتبسم ابتسامة بلهاء وقال : خليها عاجبتني هك وزيد فكك من رجليا واحكيلي على حبيبة القلب راجيني
هز حاجبوا وقال : واش جبدك فيها وواش حاب نحكبلك عليها
_ واش مشاعرك اتجاهها
_ عادية اعجاب وحاب نكمل معاها حياتي اما منحبهاش
ضحك شوي وناض مشي شوي لطاقة دخل يديه في جيابوا وقال : مدام متحبهاش خلي رائد يديها احسن من عذاب ليها على الاقل هو راح يحبها
ناض وهاج كيف الثور عليه حكموا من كول تاع شوميز نازل على سنيه ويهدر : انت علرف واش تقول
دزوا وعدل لبستوا وهز صبعوا يهدد فيه اذا معرفتش مشاعرك الحقيقية تجاها قريبا صدقني راح يديها منك وضرك حبيت نقلك بلي شوف مع روحك مليح انت تحبها وموش فايق مع روحك
خرج وخلاه يخمم مع روحوا لقى كلاموا صحيح وقرر انوا فليلة هاذي راح يقلها بلي لازم تعطيه فرصة باش يعرف مشاعروا تجاهها ويخبرها بحقيقة مشاعروا تجاهها
______ باك _____
جدي فشلي قاع مخطاطي ناض راح يطل من طاقى لي بطول الحيط وعرضوا وبقزاز فيمي وقاعد يخزر لشارع حتى شافها خارجة بطموبيل تاعها ومقلعة عاللخر عوج فموا وقال : يجي يوم ودير اكسيدون بسبة سوقان تاغها المتهور