كرونيك:💕💕 تزوجت هندية💕💕

45

الحلقة 45❤️
طلعت لشومبرتها باش ترقد بعد متكمل الفيلم وهي في حضن سراج حطت راسها على المخدة تتبسم كيف تصرفات سراج تبدلت معاها وكيف ولى يضحك معاها ويهتم بيها غمضت عنيها على امل انوا يجي يوم ويولي يحبها بزاف
_____
قاعد على لكرسي في لبالكوا يخزر للبح كيفاه هايج ومايتفكر غير راجيني معاتش طايق بعدها عليه يحب يكون معاها كان هي كل حاجة فيها تخليه يجن واكثر خاجة تعجبوا هي برائتها لي متفضش وطيبة قلبها لي تخليه خايف عليها من خبث الناس وخاصة رجال سرح في خيالوا متذكر لحظة كيف كانت قلقانة ونحت قشها قدامه وقعدت غير فسوتيا وتهدر بيديها وتعيط ضحك ضحكة صغيرة بلا ما يحس بروحوا ولا لمعة لي في عنيه لي زادتهم جمال على جمال وهو في اعز تفكيروا فيها ما حس كان بتلفونوا يصوني هز : الو
الياس : اهلا بصاحبي
_ يعيشك صاحبي الزين
_ واش نفدتوا من جدك
_ بعد تبهديلة مليحة
_ ههههههه واش تعمل
_ قاعد فلبالكوا نتفرج على لبحر ونفكر
_ فاش تفكر يا صاحبي
_ تصدق بربي ما نفكر غير في راجيني مفهمتش علاه اما هالايام خذاتلي عقلي ومعاتش نفكر حتي في حاجة خلاف قلبي وعقلي ما يخموا كان في راجيني
_ تحبها ؟
سؤالوا خلاه يحس بحاجة غريبة وكانوا قلبوا جاه فيه الم من جديد اما ملامح وجهوا عطات تعابير عكس قلبوا بظهور ابتسامة على وجهوا سرعان ما تدارك الامر بلي معاتش يقدر يحب من جديد وقال : نظن انوا معاتش عندي القدرة لكافية باش نحب ونمد الحب لناس
_ علاه تعذب في روحك وبقيتي سجين ذكريات الماضي عيش حياتك وحب من جديد راجيني تبقى احسن منها على الاقل متخليطش وتروح
_ سارة راحت خاطر انا لي خليتها تروح وانت تعرف هاذ الشي وراجيني اصلا بعد 6 اشهر راح تروح ملا هكا خير واصلا راح نبعد عليها لاني منيش حاب قلبي يتعلق بيها اكثر
_ راجيني خلاف سارة ....
قاطعوا وقال : انوا نحب من جديد حاجة مستحيلة ملا متحاولش معايا اكثر تصبح بخير
كوبا عليه وسند روحوا بلبالكوا وسرقاتوا ذكرياتوا التعيسة من جديد للماضي الاليم
_______ فلاش باك _____
رائد : سارة انتحرت بسبتك !
واقف داهش قدام طموبيل المشوهة لي خرجوها من البحر وانتشلوا منها جثة مشوهة حطوها فحافظة باش يهزوها ويروحوا
سراج : واش تقول
خنقوا رائد بغش كبير وقال : ايه انتحرت بسبتك انت لي سخرت موعد العرس وهي متحملتش انها تبعد عليك لانك راح تسافر فانتحرت
سراج دزو بعيد وقال : وشنو مستحيل نصدق انا منيش سبة موتها
رائد هز يدوا ويهدر : انت السبة ايه بسبتك ماتت ماقدرتي تتجمع بيها لا فدنيا لا فالاخرة انت شيطان انت اناني حبيتها ومحبيتش تزوج بيها
سراج يصيح : بلع فمك بلع سارة ممامتش متأكد من هاذ الشي
راح يجري للجثة ويعيط سارة سارة ورجال الحماية المدنية يبعدوا فيه
_____ باك ______
هبطت دمعة من خدوا اما لاول مرة محسش بلوحش الحب لاول مرة حس بمشاعر وجدى ولي هي الندم والشعور بالذنب تجاه انوا ماتت بسبتوا مهوش فاهم علاه تبدلت كل هاذ المشاعر بين ليلة ونهار
سمع قزاز تكسر لتحت هبط يجري يشوف واش كاين يلقى راجيني طايحة فلقاعة وحاكمة كرشها وتبكي
قال بخوف تملك قلبوا وسيطر على مشاعروا خلاه يتجمد في بلاصتوا وعنيه توساع من دهشة : راجيني ؟!