كرونيك:💕💕 تزوجت هندية💕💕

23

الحلقة 23 💓
حلت عنيها على امها لي تمسح على شعرها نوضتها تبسمت معاها ( يحكوا بالهندية )وقالت : صباح خير ماما
_ صباح نور بنتي
_ هيا بنتي نوضي دوشي وعدلي روحك راهي جاية لحفافة باش توجدك لعرسك
عملتلها بيدها ايه وتبسمت وكيف خرجت رجعت راسها على لكرسي وهبطوا دموع سخونين على خدها لبارد كيف تتفكر بلي ليوم راح تزوج راجل ميحبهاش ناضت على لكرسي تتوجع ظهرها يوجع فيها من دزان تاعوا ليها على طموبيل وزاد لڨريب زاد عليها تمشي وتعطس وخشمها حمار قدمت من لمراية حلت سانسور تاع روبة ودارت لمراية تاع لخزانة لقات ظهرها فيه بلايص زروقا وهي تشوف تحل لباب بغدرة وكان سراج لي دخل قال : راجيني جيت نقلك
وخزر فيها كيف لقا طراف روبة طايحين على جنب هي فاقت مع روحها ولمت روبة من جنابها وحكمتها على صدرها وقالت : تفضل
هو سكت شوي وقال : اذا تحبي نروحوا نجيبوا روبة مع بعض والا نبعث واحد يجيبها
خزرت فيه وقالت : ابعث واحد برك
_ بلمناسبة انا لبارح ماني شافي على حتى حاجة اذا انتي شفيتي من الاحسن تنسي
_ حتى انا ماني شافية على والوا
_ اوكي هكا خير
بدات تعطس وحطت يديها على فمها ونسات روبة لي طاحت على جنابها هو شافها وهو خرج يزرب محبش يزيد يشوفها هكا كثر هي طلعت سانسور وراحت رجعت لسرير ترقد تحس روحها تعبانة عاللخر وفشلانة جتها امها على جوايه 11 تنوض فيها خاطر جات لحفافة لقتها تغلي بسخانة وكيف سقستها قلتلها تعبت شوي لبارح ورقدت برى صباح وراح تشرب دواء وضرك يتنحالها
راحت امها وهي دخلت دوشت وخرجت جات لحفافة وروبة تاع لعرس قعدتها لحفافة دارتلها شعرها كيف الاميرات مهزوز من ومن ومن لتالي بلبابليز فبه تموجات تهبل ومن لقاد دارتهولها بتاج اليض مرصع بالالماس يهبل مكيجتلها مكياج سامبل وجاها يقتل ومبعد حلتلها روبة لي لبستها باش تلبسلها روبة لعرس لقات ظهرها ازرق
لحفافة : واش هذا
_ مكام والوا طمبيت فلباب برك
_ تحبي نديرلك مكياج يدرقوا
_ لا مكلاه روبة راح تغطيه
_ اوكي مدموزال
لبستلها روبة لبيضاء ودرتلها لڤوار على وجهها وهي خشمها يسيل ولعطسة من شوي تجيها وهي تمسح وخايفة على لمكياج جاو صحابها سلموا عليها وهبطووها للتحت وجا سراج جاي ليها كلوا وهرة لابس كوستيم اكحل وشوميز بيضاء ماشط شعروا كراڨات بابيو حمراء مدلها مرفقوا وهي مروشات فيه وماشين وهي كل شوي تعطس عطسة صغيرة وحاسة روحها بردانة عاللخر فهمت انوا هي مريضة ونسات مشربتش دواء كيف ما قالت لامها راحوا لصالة كانت معبية ناس ولكلهم يرحبوا بيهم قعدوا على لكراسى تاعها متصدرين وشي لي زاد عليها هو كلميتزار لي ماشي عند ريسانهم وزاد من بردها ومرضها قاعدة معاه وكل شوي تعطس وهو كل دقيقة يسألها وهي تقلوا حساسية برك نوضوهم يشطحوا هبطوا لساحة جكم في خصرها وهي في كتافوا ويشطحوا وهو حس ببدنها قداش سخون قرب منها وقال : راجيني راكي لباس اذا مريضة نخرجوا
قالت : حمدلله راني شوي مڨريبية برك
_ على راحتك اما اذا حسيتي روحك تعبانة قوليلي نروحوا
شطحوا شوي وبعدها رجعوا لبلايصهم وصحابها وناس كل تشطح وهي تتصنع في ابتسامة بسيف بعد شوي حست روحها تعبانة عاللخر وسخانة زادت عليها ولات ترعش بكلها حطت يدها على يد سراج وقدمت منوا وقالت : خلينا نروحوا
حس بيدها قداش سخونة نوضها وقال : احنا نروحوا وهما ماشين تشوف فدنيا مضببة قدامها حكمت في يد سراج وهما خارجين وناس تباركلهم حتى راحوا لطموبيل وهي وصلت لطموبيل داخت وكانت راح تطيح لكن سراج لقفها وهزها بين يديه ويعيط عليها : راجيني راجيني وهي مغمضة عنيها وموش قادرة تحلهم
ومن ثم حطها فطموبيل وهزها لسبيطار