كرونيك:💕💕 تزوجت هندية💕💕

30

الحلقة 30 💓
راحت تجري جابت مفاتح من عند ج.ها وجات ركبت هي حطت حزام الامان ونوضت طموبيل وهو ركب جيهة الاخرى وبدات تسوق وهو يعطيها في توجيهات ومعلومات وكل مرة يقرب منها ولا يحط يدوا على يدها حتى يدخلها بعضاها اكثر ومتعلمت وتقنت سوقة حتى وصلت 8 تاع ليل وساقت بيه لدار وهو قالها : واخيرا تعلمتي
_ ايه ضرك معاتش عندي مشكلة فيها خلاه
_ نشالله متوجهيش ختى مشكلة
_ نشالله
_ نهبطوا
_ هيا
هبطوا ودخلوا لدار لقوهم قاعدين فصالة
جدها : عجباتك طموبيل راجيني
_ ايه جدي تهبل
اسعد: عرفتي تسوقي
_ ايه تعلمت مع سراج حمدلله
عائشة : ربي يدوم عشرتكم
_ امين ماما
_ سراج : واش ماما مكانش عشا كنتك شيطتني حتى جعت
ثاروا يضحكوا وقالت : لا لا كاين هيا قدموا
وهي دارت تشنيفة عليه وهو قرب منها وقال : عمري تشنيفة جاتك تهبل وباسها من خدها قدامهم وهي حشمت وطلعت تجري لدوش حلت لما لبارد تبرد بيه نار الحشمة والاعجاب والحب وبعدها خرجت بدلت قشها وهبطت لقتهم وجدوا لعشا وقعدوا يستنوا فيها قدموا تعشوا وطلع كل واحد لشمبرتوا وكيما وصلوا لشومبرا قال : انا نرقد على هاذ الكنابي وانتي على سرير اوكي
_ اوكي كيما تحب
بدلوا قشهم وهو هز مخدة وغطا وراح للكنابي وهي تكت على سرير ورقدوا كل واحد يخم في حاجة وناضوا صباح على صوت صياح تاع ام سراج عليهم وحلوا عنيهم وهي فشومبرا تاعهم متفاجأة من منظرهم كيف كل واحد راقد في بلاصة
سراج : ماما واش تديري هنا
_ كنت نطبطب عليك تأخرتي على موعد تاعك لي وصتيني عليه امس مفقتوش وليت دخلت انا خفت نلقاكم في موقف عيب شوي نقاكم كل واحد في بلاصة واش هذا فسرولي
راجيني : ماما انتي تعرفي انوا انا وسراج متعاركين امس وهو حاول يهز يدوا عليا على ذاك انا عاقبتوا
_ عيب يا بنتي تغششي راجلك منك واذا تعاركتوا حاولوا تحلوا مشاكلكم موش تبعدوا على بعضاكم يا بنتي وانا منرضاش مرت ولدي تعامل ولدي كيف لغريب
وخرجت وهي قلقانة وسراج خزر في راجيني لقى دموعها هابطة قرب منها وقال : علاه تحملتي كل لحق عليك واش صرالك
هي سكتت واكتفت انها تبكي
قال : علاه تبكي
_ خاطر عيطت عليا
قربها منوا وحظنها وقال : اشششش راح نحلوا مشاكلنا انتي متزعفيش برك
دارت براسها ايه ومسحت دموعها