كرونيك:💕💕 تزوجت هندية💕💕

106

الحلقة 106
رائد : راجيني واش هاذ الهدرة
راجيني : وفااا كلش رائد من يوم كل حد في طريقوا انا وهو فضت حكايتنا
رائد : وولدكم
راجيني: هو ولدي وثمرة حبي ممننكرش بلي هو باباه اما يبقى ولدي وحضانة راح تكون ليا اصلا انا نفري امور الطلاق راح نرجع للهند
رائد : راجيني كيفاه راح تديري هك
راجيني : خلاص رائد انا اتخذت قراري انت برك افكرلي محامي يكون مليح وخدام
رائد : فكري مليح راجيني هاذي خطوة صعيبة فكري مليح ومنبعد قرري
راجيني : انا فكرت بزاف وهذا قراري
رائد : راح نسقسيلك على محامي اما نتمنى انك متكمليش وتحبسي قبل ما تطلقوا
راجيني : اللي فيه لخير ربي يجيبوا
خرج من عندوا وراح للبيروا تاع سراج دخل لقاه قاعد يخدم خزر سراج مع رائد وهو تكلم وقال : انت هنا تخدم وكل همك هذيك لمتخلفة تاع سارة ونسيتي راجيني بكل
سراج : اووووف اوووف راجيني راجيني طول تهدر عليها لتكون عجباتك وحاب تحط عليها يدك مرة اخرى كيف ما ديت سارة
تغش رائد وقال : جيت نقلك حاجة ممكن تهمك راجيني راح ترفع دعوة طلاق عليك
سراج : تعمل واش تحب هكا احسن لينا لزوج
رائد خزر في عينيه وقال : والله راح تندم وقت ما تفيق يا سراج والله هاذي راجيني موش اي عبد اخر
قال هاذ الجملة وخرج خلاه توجه لدار سارة دق لباب حلت طاووس وقالت : واش جابك
رائد : جيت نشوف سارة
خرجت سارة على صواتهم من صالة وقالت لامها تخليه يدخل
قاعد فصالة معاها وحدهم وهو قال : سارة نعرف انك رجعتي تننتقمي اما بعدي على سراج انتقمي مي بعدي عليه هو وراجيني مسكينة معملتلك شي نعرف انك خليتي سراج يتبدل بسبة وجودك طول معاه وهدرتك ليه بعدتيه على عايلتوا لكان مزلتي تحبيه صح خليه يرجع لداروا وعايلتوا
سارة تضحك بصوت لي فيها وقالت : من نيتك تحكي رائد انا رجعت موش خاطر نحب سراج رجعت باس ننتقم منوا لأنوا خلني معاها وزوجها ونساني وانا لي كنت انتحرت وتخليت على حياتي باش يعيش سعيد خاطر خنتوا معاك وهو رجع عاش حياتوا بكل سهولة والله ونندموا
رائد : واش راح تعملي كثر ليوم كلش فض بيناتهم وكل واحد في طريقوا
سارة : والله ونخليه ينساها وينساكم اصلا نخليه معاد يشوف كان فيا وما يسمع كان هدرتي
رائد : والله حرام عليك صدقيني والله انا راح موقف في وجهك كل ما تحاولي تعملي عملة كيما هك فيهم
رائد خرج راكب في طموبيل مروح مع وصل للدار دخل قعد مع عائشة وقال : حبيت نسقسيك خالتي واش لي يخلي عبد يتبدل على عيلتوا نهائيا
عائشة : ممكن مشاكل ممكن كره منهم
رائد : لا هو يحبهم بزاف فالاصل
عائشة : معنتها فيها حكاية نساء بلاك يعرف وحدى اخرى على مرتوا
رائد : صحيح اما هو يحب مرتوا
عائشة ضحكت وقالت : نساء تعمل كلش يا ولدي قادرة بشوي سحور تخليه ميشوف غير ليها وتردوا كي خاتم في صبعها
رائد : سحووزر؟؟ كيفاه ؟
عائشة : توكلهولوا تشربهولوا
رائد : ولحل
عائشة : لازموا يرقس ويبعد على هاذ المرأة
رائد : ايه صح
عائشة : مي شكون هذا
رائد : صحبي يا خالتي راح بطلق مع مرتوا خاطر عرف وحدى جديدة وهو كان يموت على مىتوا
عائشة : ربي يشفيه ويدوا لعايلتوا
رائد: اميييين امييبن
قالها وقعد يخمم في حكاية سراج وتأكد انوا سارة عاملة سحووور