الحلقة 54 ❤️
قاعدة على لكرسي تاعوا في مكتبوا بعد ما راح سراج خذات من مكتبوا ملجأ لاحزانها على الاقل مكتبوا فيه ريحتوا ولي زاد عليها هو مرضها مرضت بصڨيع ( زكام ) ولحمى وكل دقيقتين تعطس ودموعها تسيل ليوم فات 4 ايام على رحيلوا اما هي لضرك مزال موالفتش بيه غصة كبيرة في قلبها من لي راح وحتى انوا معاتش يكلمها كيف قبل مع انها تتوحشوا اكثر من اللازم اما هو يعيطلها ما يوصلش 10 دقايق ويكوبي هو وعدها انوا كل يوم يعيطلها اما موفاش بوعدوا ليها قالها كل ما توحشتيني عيطيلي اما هو ميهزش شافت مع ساعتها لقتها 10 تاع الصباح يعني هو عندوا 24 ساعة معيطلهاش قلبها وجعها وقالت بصوت مخنوق تحكي مع روحها : علاه يعيطلك وهو ميحبكش
هزت تلفونها عيطتلوا مرة وزوج و3 اما هو مهزش طاحت دمعتها من كثرة ما عيطت وكل مرة تتكوبا وتقلها فاند ابال 😭😭 كتبتلوا مساج وحطت تلفون على جنب تصاعدت صوت غنيه من لبسي تاعها دارت للطاقة تخزر فالبحر وتخمم فيه ودموعها نازلة ومع لغنية زادت مشاعرها قوات " لو قلبي عندوا ارادة كنت انت صرت ماضي او ذكرى مرأت بحياتي بيدلوا قلبي بيحاول مابخذ حق ولا باطل احساسك عايش جواتي حاولت قوي قلبي وفارق حظنك وجمع حالي طلع منك او رووووح شو قلت حبك سعادة موقتة كلها فترة ومن دنيتي حا تروح ...." قاطع عليها تفكيرها وغنيتها صوت طبطيب لباب مسحت دموعها ودارت بلكرسي حبست لغنية وقالت : تفضل
دخل الياس وقال : مدام راجيني نقدر ناخذ من وقتك خمس دقايق
_ اكييد تفضل
سلمت عليه بليد وهو قعد وقال : مدام راجيني كملتي مشروع تاع سي صادق
_ ايه كملتوا اما مزال تحظير الاجتماع يظهرلي من هو من اختصاص رائد فشركة
_ اما رائد مهوش يبان طول
هزت تلفون وعيطتلوا : الو
_ اهلا بمرت خويا لغالية
_ وينك محتجاتك
_ انتي تمني نكون عندك وانا راح نكون عندك في دقيقة كيف الجني
قال هاذ الجملة كيف حل لباب تاع المكتب تاعها ودخل رمى روحوا على لكرسي قدامها وقال : واش مرت خويا توحشتيني
_ يزي بلا تمسخير وضرك استدعيتك خاطر لازم توجدلي لاجتماع سي الصادق خلال يومين بما انك مدير العلقات العامة ارسل دعوة للي راح يحظر
خزر فيها وطلع حاجبوا وقال : تعرفي انوا حتى جدي لي هو مالك هالشركة متأمرش عليا كيف ما انتي درتي ضرك اما كيف انا نحبك بزاف راح نقبل وراح نفذلك غنتي أأمري وانا نطبق انا من يدك خاذي ليدك هاذي منحملش اني نتعبك ههههههههه ( ضحك ضحكة استهزاء )
_ راااائد
قالتها وهي تعيط عليه وهو قال : مدام تغششتي انا نروح
ناض مشى شوي ودار لااياس : او صاحب خويا متقعدش معاها ولباب مقفول منحبش ناس تحكي عليكم
تغشش الياس وناض اما راجيني تداركت الامر وقالت : رائد يزي بلا غباوة واخرج
خزر فيها وقال : وكتا راح تفهمي بلي حبي ليك موش غباوة بل عشق وجنون
عيطت عليه وقالت : اخررررررررج
ضحكلها ضحكة استهزاء وخرج هي تأففت بغزول وقالت. : اخطيك منوا هو هاذ هو الشئ لي يحوس عليه معندوش بخلافنا خدمة
_ المهم انا نروح ونشالله يكمل المشروع غدوا لانوا بعد غدوا العرض
_ نشالله متخممش راح يتنفذ كلش
هو جا خارج اما هي عيطتلوا وقالت : الياس
دار ليها وقال : نعم
_ معيطلكش سراج
_ لا اخر مرة حكيت معاه امس وقالي بلي راهوا مشغول انتي متتقلقيش ضرك يعيطلك
_ ايه نشالله
هو خرج تفقدت تلفونها وملقات حتى اتصال حزنت رجعت لموسيقى وبدات تخدم تكمل في خدمتها لي كثرت عليها
ومعادتش لقات روحها بعد ما راح سراج وهي تخدم دق عليها لباب احد الموظفين حبها تتفقد الخدمة وهي هبطت معاه
__________
حل عنيه على صورتها لي محطوطة في جنب السرير بلا مايحس على روحوا تبسم قداش توحشها توحش ريحتها برائتها عفويتها شعرها ولا غمازتها لي تخليه يدخل في حيط توحش كل انش في بدنها مزال متوحش يظمها ليه ويقلها بلي هو يحبها وموش قادر على بعدها يعد فالدقايق باش يروحلها ير وح لحب حياتوا يروح باش يحظنها وياخذ جرعة الاكسجين باش يقدر يكمل حياتوا كره هاذ الخدمة لي بعداتوا على حبيبتوا خلاتوا يغطس فيها وناسي لعالم كل حتى روحوا نساها معاتش يرقد مليح ومهوش شابع نوم وكل مايفضى يلقاه وقت ليل في دزاير ويخاف يقلقها بأتصالوا معاها
اما ضرك الوقت مناسب باش
أنت تقرأ
كرونيك:💕💕 تزوجت هندية💕💕
عاطفيةطيطيط العودة 😍😍😍😍 رجعتلكم يا لكيب اذا لقيت تفاعل نكملهالكم في اقرب وقت بعنوان #تزوجت_هندية من تأليف #ايمان_بلوطار كرونيك طيارة واحداث هبال 😘 من حب 💜وعشق 💓وغيرة😏 واكراه 💪زواج وتكتبوا لبعضاهم 💋😘😘😘😍😍😍😍 الحلقة الاولى 💓 _نعم لباس ياخ...
