كرونيك:💕💕 تزوجت هندية💕💕

113

الحلقة 113❤️
خرج يجري من عندها رايح للبيروا تاع سراج يحب يلقى لحرز
من جيهة الاخرى سارة كانت عند سراج خلطتلوا كاس قاوي من الاعشاب فجي وشربتهولوا حس بمرارة ودوخة وبعدها رجع تحول لسراج لقاسي ولي ميسمع كان هدرتها وهي تهدر وهو غير يقول هيه
سارة: سراج انت لازم من راجيني هي خناتك مع رائد لي في كرشها موش ولدك هو ولد رائد
سراج : واش هاذ الهدرة انت متأكدة
سارة : ايه متأكدة رائد وهي في علاقة على ذاك طول مع بعضهم
سراج : صحيح هم طول مع بعضهم
وجبدت نعتتلوا فوطوات كيفاه طول مع بعضهم وكيف سعات هي تبكي ورائد يحظنها
هو ثار وهاج وراح للبيروا تاعها وهي رجعت خلطت كاس جديد وكثرت فالاعشاب حابة تخليه يفقد وعي نهائيا وزادت حطت فيه حبة تاع دواء حابة تخليه يطلقها لازم خلاتوا ولحقت وراه وهو دخل دز باب وراح ليها كانت قاعدة حارت فدخلة تاعوا وقالت : سراج واش كاين واش بيك
قرب حكمها من شعرها وقال : يا ق..... تخوني فيا مع رائد يا ...... وزيد هازة ولدو في كرشك وتجي تقوليلي بلي راهوا ولدي
ثارت تبكي وتقول : واش هاذ الهدرة واش كاين
سمعت سكرتيرة حس رلحت تجري لسي محمد عيطتلوا وهو دخل عليهم لقاه حاكمها من شعرها يهز ويحط فيها ويسب فيها ويتهم فيها بحاجات موش فيها
جبدوا جدوا ودزوا لبيروه وهي ثارت تبكي شافت مع وراق لي فوق طابلة وراق طلتقهم وصلوها قبل ساعتين كانت راح تقطعهم كيف عرفت انوا سراج تبدل ورجع ليها
اما ضرك جاء وقتهم هزتهم وراحت لبيروه سمعت جدهم يهدر معاه ويعارك فيه ويقول : انت جنيتي كيفاه تهز يدك عليها وتضربها وهي بلحمل
سراج : هي خاينة هذاك موش ولدي هي كلبة خانتني انا راح نطلقها
محمد : انت جنيتي واش هاذ الهدرة هذاك ولدك واش طلاق من طلاق
سراج : علبالي انت تخمم على هاذم وهز وراق تاع ملكية راجيني فشركة
وكمل تخمظ ككيفاه راح تخليها هنا ومتخليش املاكها تروح لغريب واسهم بابلها لكبيرة تحب تخليهم فشركة اصلا انت جبتها لدزلير وزوجتني بيها على جال اسهم باباها اما خلاه ضرك خصها توقع وكلش يرجع ليك ونطلقوا وتروح في طريقها
حست دم جمد في عروقها كل استغلوها كيف قالها رائد فالأول انوا هم مهمش جابوها هكاك وانهم يستغلوا فيها مصدقتش اما ضرك كيف سمعت بوذنها صدقت دزت لباب ودخلت وقالت : انتم كلكم خنتوني وخدعتوني كذبتوا عليا عاودتوا واش عملتوه مع ماما معايا انت اتهمتني بأني خنتك وانوا هذا موش ولدك وطعنتي في شرفك نحب نقلك مزال 4 شهر ويخرج لدنيا ودير تحليل وتلقاه ولدك اما انت يا جد... لا قصدي محمد هاو باش نهنيك هزت وراق ووقعتهم ورمتهم عند رجليه وقالت : اديهم منحبهمش اشبع بيهم دراهمك منيش باغيتهم
وقعت وراق طلاق وحطتهم قداموا وهاذم وراق طلاق خلاص تصافينا من يوم معاد تعنولي شي
سكتت شوي وخزرت في جدها وقالت : علاه عليك علاه واش عملتلك كون من الاول قتلس حاب دراهم كون رامي عطيتهملك وسنيتلك ورجعت للهند كون راو مصراش واش صرى وانت خزرت في سراج علاه كذبت عليا ووعدتني تشفى كيف قتلك متوعدنيش بلكذب قلتي انا معاك لأخر لعمر وليوم هاك موش معايا ورحتي علاه كذبتي عليا علاااه
تبكي بشهقة وحست روحها راح تتخنق قعدت على كرسي وحكمت كرشها وجدها خز كاس تاع جي قدامها وقال : بنتي استهدي برحمان اشربي وتكالماي شوي وضرك نحكوا
حست بحرقة في حلقها من عياط هزت شربلتوا على فرد ريق سارة كي شافتخا شرباتوا عرفت انوا مراحش يصير خير وهربت بلخف وهي ناضت وقالت : خلاه من يوم انتم معاد تعنولي شي انا استقيل من هاذ الشركة وهذوك دراهمك سي محمد وهذوك وراق طلاق سي سراج انتم احرار اعملوا لي تحبوا بيهم  مشات شوي ومبعد دارت ليهم وقالت : اما والله راح تندموا
مشات خارجة هبطت فالأسنسار حست بدوخة ووجايع في كرشها خايفة على صغيرها يمكن من قلقة صرالها هك راحت تمشي خارجة تشوف في رائد جاي عندها زربت شوي وحكمت فيه وقالت : رائد هم خدعوني كان عندك حق هم خدعوني وبعدها حكمت كرشها وزعقت وفقدت وعي محمد وسراج كانوا وراها هزها رائد وطار بيها لسبيطار مع وصل بدى يعيط. بأعلى صوتوا ساعدوني ساعدوني بلييييز اختي راح تموت
جاوو يجروا داوها فحصها طبيب وقال جهزولي غرفة عمليات حالة تسمم حاد
دخلوها ورائد قعد يروح ويجي يروح ويجي شوي ودخل سراج راح يجري ليه حكموا من رقبتوا وقال بعصب : اهدر واش درتلها اهدر واش درتلها
دزوا وقال : خايف عليها اه خايف عليها خزر في باباه وكمل يهدر : شفت موش قتلك واش صرى كل وشكوكي كل صحيحة
محمد مالقى ما يعمل غير يبعدهم على بعضهم ويقعدوا يستنوا طبيب ليخرح