كرونيك:💕💕 تزوجت هندية💕💕

64

الحلقة 64 ❤️
خارجة من بيرو تاع جدها فرحانة بنجاح لمشروع تاعها راحت للبيرو تاع سراج كلعادة فرحانة على اللخر نجحت في مشروعها وسراج مروح غدوا ورائد عقد قانونا صباح كيف دارها شاهدة مع واحد صحبوا هزت تلفون تحب تبشر سراج بهاذ الشئ وتشارك فرحتوا معاه عيطت عيطت مرة زوج 3 ورابعة بعد مكان الاتصال راح يتقطع هز عليها
راجيني بفرحة كبيرة قالت : الو
_ الو
قالها بصوت موش مهتم ابدا وموش فارح نهائيا بأتصالها خلى البسمة تتمحى من على وجهها
راجيني : راك لباس ؟
سراج : كيفاه راح نكون لباس وانتي متسمعيش لكلام
راجيني : مفهمتش قصدك
قالها بنبرة حادة يبان يعيط عليها : رااااااائد موش قتلك معاتش نحبك دوري معاه
راجيني تخلعت ورعشة مشات في كل جسمها وقالت بصوت مخنوق وخافت : رائد ...
قاطعها وقال وهو تغش ولعصب يهز فيه ويحط وصوتوا عالي كي شغل يعيط عليها : اسمعيني نحكي مع ربك نزيد نسمع انوا درتي بيه ولا حكيتي معاه ولا رحتي معاه لبلاصة راح نتصرف معاك بطريقة متعجبكش
راجيني ودموعها على خدها وصوتها تخنق وتبكي بشهقة : انت معندكش ثقة فيا؟
سراج : متبديش تبكي عليا ضرك واسمعي لكلام احسنبك
راجيني : سراج اسمعني ...
طيط طيط طييط كوبا عليها تلفون مصدقتش واش سمعت حتى شافت تلفون لقاتوا كوبا عليها بالفعل عاودت عيطتلوا مرة وزوج وثلاثة ومبعد هز وقال : معاتش تعيطيلي حتى تولي تسمعي لكلام
سكتت وبعدها قالت : صدقني من ليوم وروح معاتش نزعجك
كوبات تلفون وبعدها هزت ساكها ولڨاست تاعها وخرجت تزارب تبكي بشهقة وتمسح في دموعها لي يشوفها بحير فيها ويحب يسقسيها اما متخليلهمش مجال وصلت لباب تحل وهي جات خارجة ضربت في كتف رائد هزت عنيها خزرت فيه وهو ثاني لقاها تبكي
رائد : راجيني واش بيك ؟
راحت تجري للباركينغ وهو وراها حكمها من ذراعها وقال : قولي واش بيك
دزتوا وقالت بعد عليا سراج ليوم عيط عليا بسبتك بعد عليا
رائد : واش تقولي راجيني
راجيني : بعد نحكي معاك بعد من قدامي
دزتوا وركبت فطموبيل ترحي فطريق رحيان موش شايفة قدامها دموعها غبشوا عليها طريق كلها تتفكر في كلاموا خلى قلبها يتجرح ويتعذب كل لي تفكر فيه هو انها توصل لدار ترقد حابة تحط راسها على لمخدة وترقد فجأة حست انوا فرانات طموبيل معاتش يخدموا خلعت وقعدت ديربي بيها غادي وجاي تتجنب فطاكسيات وبعدها خرجت لطريق صغيرة وهي تحوس غير كيفاه تحبس طموبيل وفجأة خبطت فشجرة ومعاتش واعية على حتى شئ
___________
قاعد فجنينة ياكل ويتفكر كيفاه عيط عليها هي صحيح غالطة اما موش من حقوا يعيط عليها تفكر كيفاه كانت تشهق فتلفون حس قلبوا عصر عليه نفخ وفوت يدوا على شعروا وملقى حتى حل غير انوا يتصل بيها وهذا لي صار يصوني اما متهزش نفخ بغزول وقال : هازة خشمها خليها انا طيحت من قيمتي وقلت نصالحها اما هي كلعادة هزة روحها
مشح فموا وناض رايح لشمبرتوا اما قلبوا موش مهنيه يحس انوا كاين حاجة موش مليحة راح تصرى فوت يدوا على شعروا ورجع حكم قلبوا وقال : خلاه سراج مزال غدوا وتروح وتشوفها وتطلب منها سماح
___________
رائد كان ماشي وراها بطموبيل تاعوا اما لاحظ انها مهيش قادة تسيطر على طموبيل وفجأة خبطت في شجرة قلبو طاح من لخوف عليها هبط يجري بعد ما حبس طموبيل راح حل الباب لقاها متكية على لفلوا جبدها وتفاجأ بدم على كلمل وجهها بدى يغيط عليها ويضرب على وجهها بشوي ويقول : راجيني نوضي راجيني حلي عنيك
نحالها حزام الامام وجبدها ليه هزها وركبها في طموبيل وهو يقلها : راجوو حلي عنيك على وجه ربي مستحيل نخليك تموتي مزال لازم نجمعك مع سراج راجوو حلي عنيك اختي طار بيها لسبيطار يسوق بسرعة كبيرة وكل شوي يخزر فيها صونا تلفونوا لقاها هزار : الو
_ اهلين انا اتصلت فيك من شان قلك اني انا وجدي راح نطلع من المستشفى هلا
_ انا جاي استنيني
قفل عليها ومخلاها تقول حتى كلمة عيط لعائشة هزت عليك تضحك وقالت : اهلا ولدي رائد واش حوالك
_ خالتي راجيني دارت اكسدوا وانا رايح بيها لسبيطار
شهقت فرد شهقة وقالت : اووو واش صرالها راهي لباس حادث كبير او ضغير وانا سبيطار رايحين
رائد : سبيطار لكبير ارواحوا. كوبا عليها مع وصولوا لسبيطار هبط يجري هزها ودخل يعيط عليهم ويقول : عاونوني راهي راح تموت بين يديا
ذرغيها وراسها هابطين لتحت مغمضة عنيها راسها مجروح ودم هابط منوا حالتها حالة
هزار كانت تستنى فيه فالاستقبال وهو داخل تشوف فيه هاز طفلة غارقة في دمها ودايخة وحلتها حالة راحت تجري ليخهزار : شو في شو صاير
رائد : راجيني دارت حادث
خزر لتاع الاستقبال وقال : هاي انتي عاونوني
جاوه الفرمليات حطوها فوق الطابلة ودخبوها للارجونس
وصلت عائشة ومحمد واسعد يجروا عند رائد عائشة تبكي حكمتوا من كتافوا وتهز فيهوتبكي وتقول : واش صرالها راهي لباس ولا لا
رائد حكمها من جنابها وقال : خالتي راهي مع طبيب ضرك يخرج ويقلها
عائشة تبكي واسعد حكمها من جنبها وقعدها على الكراسى محمد قعد يستنى وحاط راسوا بين يديه
رائد رايح وجاي قدام قاعة العلاج هزار جاتوا حكماتوا من ذراعوا وقالت : راح تكون منيحة لا تخاف
رائد خزر فيها خزرة خلت دمعتها طيح بلا ما تشعر وهو حكمها من كتافها وقال : مستحيل تموت لازم نصلح كل حاجة بينها وبين سراج ولا منقدرش نكمل حياتي سراج لقى سعادتوا معاها بعد عام من الحزن مستحيل نخليه يفقدها مرة اخرى
قربت منوا طلعت على روس صوابع رجليها ومدت يديها وعنقاتوا بقوة كبيرة حظناتوا كيف حظنها ودور يديها عليها حس براحة كبيرة مستحيل يحسها مع غيروا لانوا هي فلقلب وميداوي جروح القلب غير الحبيب بكلمة وحدى وبحظن واحد يخليك تطير لسابع سما من فرحتك اما من كلمة خايبة يخليك تتعب وتطيح فالارض كل سعلدتك تمسح على شعروا وقالت : اشششش راح تكون منيحة وراح يسامحك اخوك سراج
رائد وهو مغمض عنيه ومحظنها بكل قوتوا : نتمنى هاذ الشئ
كل لعيلة تخزر فيهم ومهمش فاهمين والوا
سيبها وهي قعدت واقفة بحذاه وتحكي معاه على لحادث وتواسي فيه جات عائشة وقالت : شكون هاذي
رائد حكم يد هزار وقال : هزار هاذي مرتي